Ri Jeremiy 13:10 - Quiché Bible

¹⁰ We itzel tinimit ri' cuk'il rib che qui nimaxic tak ri e nu takanic are c'u u takem ri tacalaj u chomanic ri ranima'. Benak che qui terenexic qui diosib winak, che qui patanixic xukuje' che qui k'ijilaxic. Xak junam ruc' ri pas ri', ri man c'o ta chi u patan.

Ri Jeremiy 13:10 Referans Kwoze

Ri Jeremiy 16:12

Are chi c'u ri ix xoc'ow chi na u wi' ri etzelal ri xebiban chquiwäch ri xequiban ri e i mam, chi jujunal c'ut are i takem ruc' taquil ri itzelalaj u chomanic ri ranima' man c'u e nimaninak ta chwe.

Ri Jeremiy 9:14

Xquitakej ri tacalaj u chomanic ri canima' xequiya' c'u k'ijilanic chque ri e subunelab, tak diosib, jacha' ri tijonic ri xequiya' ri qui tat chque.

Ajilanic 14:11

xubij c'ut ri Ajawaxel che ri Moises: “¿C'ä jampa' lo cutakej na retzelaxic nu wäch we tinimit ri'? ¿C'ä jampa' lo caquitakej na u queblaxic qui c'u'x chwij, pune' ta c'u ne e nu banom mayibal chquixo'l?

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

Ri Jeremiy 13:7

Xinbe chuchi' ri nima' Euprats, xintzucun chupam ri ulew xinwesaj c'u ulok ri pas chupam ri c'olbal ri nu c'u'm wi canok, k'ayinak chi c'ut man c'o ta chi c'u cupatanij.

Ri Jeremiy 3:17

Ri Jerusalen cabinax c'u na u tem re ajawibal ri Ajawaxel; conojel c'ut ri nimak tak tinimit caquimulij na quib chila' che u ya'ic nu k'ij, man caquitakej ta chi na ruc' taquil ri e itzel tak qui chomanic tak ri canima'.

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

Ri Jeremiy 16:4

Quebecäm na cumal xibibalalaj tak yabilal man c'o ta c'u jun quebok'en na mawi c'u quemuk na: quepuni na canok cho tak ri ulew e jacha' ta ne qui mes tak awaj. Ri ch'o'j xukuje' ri wi'jal queq'uisow na tzij paquiwi', we cäminakib tak ri' xa' c'uch quet'ubin na xukuje' juyubal tak awaj.”

Ri Jeremiy 11:18

Ri Ajawaxel xuya' retamaxic chwe chi ri qui banom qui c'ulel chwe cätajin caquichomaj u banic jun c'ax. Ri are' xebujak ri nu bak'wäch, rech quinwetamaj.

Ri Jeremiy 8:5

Israel, ¿jas c'u che man kas ta at jic chwij? ¿Jas c'u che, Jerusalen kas xa' jumul xinaxutuj? ¿Jas c'u che xacoj a chuk'ab che nu c'ulelaxic a ma ta c'u cawaj cattzelejic?

Ri Jeremiy 5:23

Ri ix c'o jun iwanima' täc xukuje' man nimanel taj; xinitzak canok xixbe c'ut.

Ri Isaiy 3:24

Che u q'uexwäch c'oc'al, chuwil che u q'uexwäch pas, jun colob; che u q'uexwäch wi'aj ri xiyom, tolalaj jolomaj che u q'uexwäch ch'uch'ujalaj atz'iak, jun wakawoj atz'iak; che u q'uexwäch je'lal, jun etal ruc' ch'ich' ri quiäkarinak pa k'ak'.

Ri Tzijonel 11:9

Chaquicotisaj awib, ala o ali, camic ri at nojinak che c'aslemal; chatija' chacojo' ri utz camic ri c'ä catcuinic. Chanimaj ri cubij ri awanima' chawe xukuje' che ronojel ri cawilo, chnataj c'u chawe chi ronojel wa' ri Dios cutok'ij na chawe chi cacholajij na chuwäch.

Salmib 78:8

je c'u mebuxic e jacha' ri e qui mam man ch'abexic ta xcaj xukuje' man etal ta tzij, man co ta xtiqui ri canima' xukuje' ri cuxlabal; ¡ija'lil ri man e jictaj chuwäch ri Dios!

Ri Jeremiy 7:6

we man quebit'orij ri man e i winakil taj, ri minorib xukuje' ri malca'nib, mawi quebicämisaj ri winak ri man c'o ta qui mac chupam we c'olbal ri', mawi quebik'ijilaj jule' diosib chic, ri rumal wa' kas ix quixbanow ri c'ax chiwe chbil iwib,

Ri Jeremiy 9:6

che u q'uexic quib. Ri Ajawaxel cujiquiba' u bixic: “¡T'orinic chrij t'orinic, subunic chrij subunic! Ri nu tinimit man caraj ta chic cuch'ob ta chi nu wäch.

Ri Jeremiy 11:10

E tzelejinak che quibanic ri junam tak macaj ri xequiban ri e qui mam, ri xquik'il quib che nu nimaxic, are' c'u xebequiterenej diosib xequik'ijilaj c'ut. Ronojel ri Israel xukuje' ronojel ri Juda quiyojim ri c'ulwächinic ri xinban cuc' ri e qui mam.

Ri Jeremiy 20:4

Ri Ajawaxel je cubix wa': ‘Catin jalwächij pa xibriquil chawe chbil awib xukuje' chque conojel ri awachil awib cuc'; chquiwäch ri e a bak'wäch, ri awachil awib cuc' quekaj na chuxe' ri qui ch'ich' re ch'o'j ri qui banom qui c'ulel chawe. Quebenjach na conojel ri winak ri e c'o pa Juda pa u k'ab ri ajawinel re Babilon, ri quixresaj na bic quebuc'am c'u na bic pa Babilon o ch'ich' re ch'o'j cucämisabej quech.

Ri Jeremiy 22:21

In xatinch'abej pa ri k'ijol aretak utz at c'olic, man xawaj ta c'ut xinatatabej. Je a banom ulok wa' kas pa ri walc'alal: ¡Man a yo'm ta a tzij che u tatabexic ri quinbij chawe!

Ri Jeremiy 23:17

Quecha' chque ri caquetzelaj u wäch ri nu tzij ‘Ronojel utz quel na chiwäch.’ Chque tak c'ut ri qui takem ri tacalaj u rayinic ri canima', quecha' chque: ‘man c'o ta jun etzelal cäpe ta na piwi'.’ ”

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Jeremiy 44:5

Are c'u ri ix man xininimaj taj mawi xiya' ta i xiquin chwe ri xinbij chiwe. Che u q'uexwäch ri xitanaba' ta can u banic ri iwetzelal xitakej qui chi'xic c'oc' k'ol chque jule' tak diosib.

Ri Jeremiy 44:16

“Man catkatatabej taj che ri cabij chke pa ri u bi' ri Ajawaxel.

Ri Jeremiy 7:13

Pune' c'u jumul xukuje' camul nu yo'm u bixic ri i c'aslemal chiwe, ri ix man i wajwam ta nu nimaxic, mawi c'u ne c'o jas i tzelem u bixic chwe. In, ri Ajawaxel, quinjiquiba' u bixic.

Ri Jeremiy 9:13

Ri Ajawaxel cutzelej u bixic: “Ronojel wa' xc'ulmatajic rumal rech chi ri aj israelib xequixutuj canok ri pixbenic ri xebenya' chque; man xeniman ta chwe mawi xequiban ri xinbij chque.