Ri Jeremiy 12:7 - Quiché Bible

⁷ “Nu wonobam can ri nu tinimit, nu xutum ri xux can wech nabe. Nu jachom pa qui k'ab ri qui banom qui c'ulel chque, ri nim tinimit ri sibalaj quinlok'ok'ej.

Ri Jeremiy 12:7 Referans Kwoze

Ri Isaiy 2:6

Ajawaxel, yo'm la can ri tinimit la, ri u tinimit ri Jacob; ri culew nojinak chque ch'obonelab aj elebal k'ij, xukuje' ajk'ijab jacha' ri e c'o chquixo'l ri aj pilisteyib, cuc'ulaj c'u rib qui wäch cuc' ri man e qui winakil taj.

Ri Jeremiy 11:15

¿Jas ri cutzucuj ri Israel ri wanima' wib ruc', chupam ri wachoch, chwi' ri e u banom chic q'ui jastak ri man e utz taj? ¿La are ta c'u lo pa u c'u'x chi ruc' ri u chi'xic xepo chwe xukuje' ti'j jacha' che tabal tok'ob cubana' ta c'ut chi cunajtajisaj ta rib ri u q'ueyowal, cäcuin ta c'ut ma ta cäkaj puwi'?

Ri Osey 9:15

Je wa' cubij ri Ajawaxel: “Pa Jilgal xquiban wi ronojel u wäch lawaloyil, chila' c'u xinchaplej wi retzelaxic qui wäch. Qui mac ri e itzel tak qui banoj quebenwesaj bic chupam ri wachoch; man quintakej ta qui lok'ok'exic, conojel c'ut ri e c'amal tak qui be man cäcaj ta ch'abexic.

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Ri Joel 3:2

Quebenmulij na conojel tak ri nimak tak tinimit, queben c'am na bic chupam ri beya' re Josapat chila' c'ut quink'at wi na tzij paquiwi' che ri xquiban che ri nu tinimit Israel. Xequijabuj c'u ri aj israelib pa ronojel ri uwächulew, xquijach c'ut ri wulew chquiwäch.

Ri Joel 2:15

¡Chiwok'esaj ri trompet pa ri juyub Sion! Chisiq'uij ri tinimit chixtakenok chi man catij ta wa;

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

Ri Jeremiy 51:5

pune' ba' ri Israel xukuje' ri Juda e macuninak chnuwäch qui nojisam c'u ri culew che macaj, in, ri Ajawaxel, ri c'o ronojel u cuinem, ri Tastalicalaj u Dios ri Israel, c'ä maja' queben wonoba' ta canok.

Ri Jeremiy 7:29

¡Jerusalen, chakopij ri a wi' ri nimak chaq'uiaka' c'ut! ¡Chabixoj jun bisobalalaj bix paquiwi' ri buc'ubak chaki'j uwo sak! Oyowarinak c'ut ri Ajawaxel cuc' ri e a winak, e u wonobam canok xukuje' e u xutum.

Ri Jeremiy 7:14

Rumal ri', junam jas ri xinban che ri k'ijilabal aj Sil, je quenbana' che we rachoch Dios ri' ri are nu c'olbal, ri xinjach pa i k'ab xukuje' pa qui k'ab ri e i mam ri i jiquiban wi i c'u'x.

Ri Jeremiy 14:19

Ajawaxel ¿La kas xa' jumul xutum la ri Juda? ¿La lal k'itajinak che ri tinimit Sion? ¿Jasche xujsoc la ri man c'o ta wi ka to'tajic? Keyem pok'otajic, man c'o ta c'u jun utzil opaninak ta kuc'. Keyem rutzil ka wäch, xuwi c'u xibim ib c'olic.

Ri Jeremiy 17:4

Cajam na canok ri ulew ri xinya' chawe jacha' che awechbal, quinban c'u na chawe chi catux jun lok'om pataninel chque ri e a c'ulel pa jun ulew ri man e awilom taj, rumal rech chi ri woyowal tzijtajinak jacha' jun k'ak' ri catuporoj na.”

Ri Jeremiy 23:33

“Jeremiy, we c'o jun winak aj tinimit o jun k'axal tzij, o jun cojol tabal tok'ob cuc'ot a chi', cubij chawe: ‘¿Jachique ri u chilibenic ri Ajawaxel?’, chatchok chque: ‘Ri Ajawaxel cujiquiba' u bixic chi ix quixupuquij c'ut.’

Ri Jeremiy 23:39

ri in quixinwalijisaj na jacha' jun chilibenic, ri ix xukuje' ri tinimit ri xinya' chiwe xukuje' chque ri e i mam, naj c'u quixentzaka' wi canok chwe.

Ri Osey 11:1

“Aretak ri tinimit Israel c'ä ch'utin, in xinlok'ok'ej ri are'; ri are' nu c'ojol, xinsiq'uij rech quel ulok pa Ejipt.

U Camulixic ri Pixab 33:12

Xubij c'ut ri cuc'ulmaj na ri Benjamin: “Ri culok'ok'ej rumal ri Ajawaxel man c'o ta cubisoj; ri aj chicajil cäch'ukuw na ronojel k'ij. Cäc'oji' na chuxe' ri u to'banic.”

Ucab Ajawinelab 21:14

Are c'u ri u tz'akatil ri nu tinimit, quinwonoba' na canok quinjach c'u na pa qui k'ab ri e u c'ulel, rech quetolobax canok cäjoc c'u bic ronojel ri c'o cuc' cumal ri qui c'ulel.

Salmib 78:62

Sibalaj c'u xk'ak'ar chrij ri u tinimit, xukuje' xujach pa u chi' ri u ch'ich' re ch'o'j ri c'ulel.

Salmib 106:40

Xk'ak'ar c'u ri Ajawaxel chrij ri u tinimit, xebuxutuj c'ut ri e rech;

Ri Jeremiy 22:5

We c'u ne man caquiya' qui xiquin chque tak we pixbenic ri', we rachoch we ajawinel ri' cäwulitaj na. In, ri Ajawaxel, quinjiquiba' u bixic.’ ”