Ri Jeremiy 12:5 - Quiché Bible

⁵ “We sibalaj xatcosic xatxiq'uin chquij ri winak ri quebin chicakan, ¿Jas ta lo ri caban na cacoj awib cuc' ri winak ri e quiejeninak chquij quiej? Puwi' cowilaj ulew man c'o ta jas cana' wi awib, ¿jas c'u lo ri caban na chupam ri u tzatzal ri Jordan?

Ri Jeremiy 12:5 Referans Kwoze

1 Pedro 4:12

Lok'alaj tak wachalal, mixmayin che ri c'ax ri quiriko, je ta ne jun k'ak' ri cänicow chixo'l. Are cäpe piwi' che u k'alajisaxic we utz quibano o man utz taj. Miwilo je ta ne ri quic'ulmaj jun jasach ri man iweta'm taj.

E C'ambal tak Tzij 24:10

We cäqueblaj a c'u'x aretak at c'o pa tak latz' man e q'ui taj ri a chuk'ab e c'olic.

Ri Jeremiy 50:44

Xak c'ätetal quinpetic jacha' jun coj ri quel ulok chquipam tak ri patzapak tak k'ayes ri c'o chuchi' ri Jordan cuq'uiak c'u rib chquipam tak ri c'olbal ri e c'o wi echa' ri amak'el quetojtatic, quinban c'u na chi quebanimaj bic ri aj Babilon chi' quinban c'u na chi cajawin ri winak ri quincha'. ¿Jachin ta lo ri cacuinic cujunamaj ta rib wuc'? ¿Jachin ta ri yuk'unel ri cäcuin ta che u k'atixic nu wäch?

Ri Jeremiy 49:19

Xäk c'ätetal quinpe na, jacha' jun coj ri quel ulok chquipam tak ri patzapak tak k'ayes ri e c'o chuchi' ri Jordan cuq'uiak c'u rib pa tak ri c'olbal ri e c'o wi echa' ri amak'el quetojtatic, quinban c'u na chi quebanimaj ri aj Edom ri e c'o chi', quinban c'u na chi are cajawin na ri winak ri quincha' na. ¿Jachin ta c'ut ri cäcuinic ri cujunamaj ta rib wuc'? ¿Jachin ta ri cäcuinic quinuc'ulelaj taj? ¿Jachin ta ri yuk'unel ri cäcuin ta che u k'atixic nu wäch?

Salmib 42:7

Quetataj chquipam ri najalaj tak siwan ri qui chojojem ri ja' ri qui pak'ak'em ri quebe tak la ulok e oc'owinak panuwi'.

E C'ambal tak Tzij 3:11

Nu c'ojol, mawetzelaj u wäch ri c'äjisabal wächaj ri cuya' ri Ajawaxel, mawi mäpe awoyowal aretak catuyajo;

Ri Josue 3:15

Xak xuwi c'u xeboc ri e cojol tabal tok'ob chupam ri nima' xech'aki' c'u ri cakan rumal ri ja' ri c'o chuchi' (pa ri k'ijol ri cayac ri u wächinic ri ulew ri Jordan capulinic) ri ja' ri petinak ajsic xutanaba' binem xuk'il rib xux jun nimalaj cho. Sibalaj naj xcanaj wi, pa Adam, ri tinimit ri c'o chunakaj ri Saretan.

Ri Jeremiy 36:26

Xane' xutak ri Jerameel, rija'l ri ajawinel, ri Seraiy, u c'ojol ri Azriel xukuje' ri Selemiy, u c'ojol ri Abdeel, chi chquicojo' ri Jeremiy, ri k'axal tzij, pa che' xukuje' ri Baruc ri rajtz'ib. Xecuy c'ut rumal ri Ajawaxel.

Ri Jeremiy 26:8

Aretak c'u xuq'uis u bixic ri xtak che u bixic rumal ri Ajawaxel, ri e cojol tabal tok'ob, ri e k'axal tak tzij xukuje' ri tinimit xquichapo xquibij c'u che: “¡Catecämok!

Nabe Tzijobelil 12:15

E are' tak wa' ri xeboc'ow chupam ri Jordan pa ri nabe ic' aretak sibalaj pulininak ri nima' c'ä chuchi', xquiban c'u chque ri e jekejoj pa tak ri beya' chi xebanimaj chquiwäch, pa ri elebal k'ij xukuje' pa ri u kajebal k'ij.

Ri Jeremiy 11:21

Chque c'u ri winak aj Anatot, ri caquitzucuj ri nu cämical caquiya' c'u takanic chwe chi minch'aw pa ri u bi' ri Ajawaxel, we man quinwaj quinquicämisaj.