Biblia Todo Logo
Bib sou entènèt

- Piblisite -




Ri Jeremiy 12:11 - Quiché Bible

11 Xquiban can chaki'j uwo sak che xukuje' xquitoloba' canok, quinwil c'ut in chi carok'ebej rib. Ronojel ri ulew uxinak chaki'j uwo sak, man c'o ta c'u jun coc ta il che.

Gade chapit la Kopi




Ri Jeremiy 12:11
23 Referans Kwoze  

Ri ulew nojinak chque tak winak ri xekaj pa mac ruc' jun winak chic, chque winak ri quexiq'uin che u banic ri etzelal ri quequicoj ri qui cuinem che qui banic tak ri man suq'uil taj. Rumal ri' ri Ajawaxel xuc'okoj ri ulew, xchaki'jar c'ut ri ulew, xec'at tak c'ut ri echa' chupam ri chaki'j uwo sak.


Rumal ri' xpe royowal chquij xuc'äjisaj c'u qui wäch ruc' jun ch'o'j ri xak c'ätetal xpe paquiwi' ri xebunicowisaj pa k'ak' pune' c'u je xquic'ulmaj wa' man xcaj ta xech'obonic.


“Ri Juda cok'ic rumal bis, ri u tinimit tak e c'o chupam ri rikoj c'ax, ri winak e liq'uiloj chotak ri ulew. Ri Jerusalen curakakej u chi' rumal ri k'oxomal.


Ri ix quixniman na chwe rajawaxic c'ut chi quixoc na il chi nim quiniwil wi na, we man quibano, in quixinc'okoj na. U mac c'u rech chi man ix oquinak ta il chi man nim ta quiniwil wi in quinban na chiwe chi quixux c'okobal xukuje' ne ri utzil ri quiriko chi ix cojol tabal tok'ob.” Are' cäbin ri Ajawaxel ri c'o ronojel u cuinem.


“Chabij che ronojel ri tinimit re ri ulew, xukuje' chque ri e cojol tabal tok'ob: ‘Quiya' i tzij chi man quixwa' taj, quebicoj c'u tak iwatz'iak re bis chupam ri uro' xukuje' ri uwuk ic' oxc'al lajuj (70) junab c'ut i chapom ulok u banic wa'. Man qui ban ta c'u wa' che ta u ya'ic nu k'ij,


Quinban na che we tinimit ri' chi cux jun chaki'j uwo sak, pa jun jasach ri cuya' xibibal ib chque conojel ri queboc'ow chupam quexibitajic xukuje' quemayin na aretak caquilo chi ronojel etzeletajinak.


Chkasaj ri oyowal la paquiwi' ri nimak tak tinimit ri man cacaj taj caquetamaj wäch la, paquiwi' tak ri tinimit ri man caquiya' ta k'ij la, quibik'om c'ut ri u tinimit ri Jacob, quiyojim ronojel, quetzelam c'u can ri ulew.


¡Chixtatabenok! ¡Cul jun tzijol! Re jun ulew ri c'o pa ri iquiak'ab petinak jun nimalaj tininem ri quebujalwächij tak ri tinimit tak ri e re Juda pa jun chaki'j uwo sak ri xuwi xex tak awaj quec'oji' na chupam.”


Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”


Chc'äj a wäch, Jerusalen, we c'u man cäc'äj a wäch, in oyowarinak quintas na wib chawij, quinban na chawe chi catux jun chaki'j uwo sak, man c'o ta a winakil quebenya' ta canok.”


Ri winak ri e tz'akatisanelab pa ronojel, quecämic; man c'o ta c'u jun coc il ri e utzalaj tak winak cäsach qui wäch, man c'o ta c'u jun cäch'obowic chi aretak quecämic queto'tajic man c'o ta chi c'ax cäquiriko


Are utz na ri benam ruc' ri cäminak chuwäch ri benam pa nimak'ij; ri cämical are q'uisbal u c'aslemal ronojel winak, e are' c'ut ri e c'aslic rajawaxic ta ri' u nataxic cumal.


Keta'm c'ut chi conojel ri jastak ri e banom rumal ri Dios, junam quech'ikowic, e c'o pa k'oxowem c'ä camic, je jas jun ixok aretak cäralaj jun ral.


Quintolorisaj na u wäch ri ulew, cäpe c'u na canima' ri e i c'ulel ri quebel jekel chupam.


Quebopan c'axalaj tak tzijol re c'ulmatajic; ronojel ri ulew cätajin curik c'ax. Man c'o ta cänabexic queyojix tak ri nu lic'om ja, e muchum tak ri nu lic'om cäbal.


Ri Ajawaxel cubij: “Ronojel ri ulew cätolobax na, man c'u quinsachisaj ta na u wäch chnimalaj ronojel.


Ri ulew cänoj na che bis xukuje' ri caj cak'ekar na ri u wäch. In ch'awinak, man quinq'uex ta c'u nu tzij; xa' jumul nu bim man quintzelej ta c'u wib chwij.


Ronojel we ulew ri' cäyojyobisax na canok xukuje' cäq'uextaj na pa etzeletajic. We nimak tak tinimit ri' oxc'al lajuj junab (70) quec'oji' na chuxe' ri u takanic ri ajawinel re Babilon.


Ri e ticonijibal e tolonic; ri ulew e c'o pa bis. Ri trico sachinak u wäch, ri ticbal tak uva e chaki'jarinak xukuje' tak ri qui che'al tak aseitun e yututurinak.


¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri tinimit ri je cuban wa'? In, ri Ajawaxel, quinjiquiba' u bixic.


Chebok'ok xukuje' chech'ikowok pa tak ri c'ache'laj, quik'uyuyej jun juyuwem pa tak ri yuk'bal, rumal c'u rech chi e porotajinak chic man c'o ta chi c'u jun coc'ow ta chi chila'; man c'o ta chi qui wunem ri wacax quetatajic, xukuje' tak ri chicop ri querapinic xukuje' ri juyubal tak awaj xebanimaj tak bic.


Swiv nou:

Piblisite


Piblisite