Ri Jeremiy 11:7 - Quiché Bible

⁷ Aretak xebenwesaj ulok pa Ejipt ri e i mam, xinban u bixic chque chi xuwi ta ne che niman chwe, kas c'u ojer ulok c'ä camic nu takem ulok u bixic chque.

Ri Jeremiy 11:7 Referans Kwoze

Ucab Tzijobelil 36:15

Ri Ajawaxel, ri qui Dios ri e qui mam, amak'el xutak u bixic chque cumal tak ri e u tako'n jas ri rajawaxic u banic cumal, rumal rech chi quel u c'u'x che ri u tinimit xukuje' che ri u c'olbal ri u jekelibal.

Efesios 4:17

Are c'u wa' quinbij, quixinbochi'j pa ri u bi' ri Ajawaxel: chi miban chic jas ri cäquiban ri winak ri man e rech ta ri Dios. Ri e are' are cäquiban ri qui chomanic, ri man c'o ta u patan.

Nabe Samuel 8:9

Chanimaj ba u banic ri cäquibij chawe; chaya' c'u utzalaj u bixic chque nabe ri patanijic ri quebucoj wi na ri ajawinel ri cajawin na paquiwi'.”

Elem 15:26

Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

2 Tesalonicenses 3:12

Cujtakan chque ri winak ri je cäquibano, xukuje' quekapixbej pa ri u bi' ri Ajaw Jesucrist chi chechacun ruc' quicotemal, xa' jun chec'ol wi, chquitija' ri kas qui wa.

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Jeremiy 25:4

Xebutak c'u ulok ri Ajawaxel iwuc' conojel ri e pataninelab tak rech ri e k'axal u tzij, man xebitatabej ta c'ut mawi xebiya' ri i xiquin che qui tatabexic.

Ri Jeremiy 11:4

Are ri c'ulwächinic ri xinban cuc' ri e qui mam aretak xebenwesaj ulok pa Ejipt, ulew ri je ta ne jun jorno re porobal ch'ich' chque. Xinbij chque: chixniman chwe, chibana' ronojel ri quixintak wi are c'u ri ix quixux c'u na nu tinimit are c'u ri in quinux na i Dios.

Ri Jeremiy 7:13

Pune' c'u jumul xukuje' camul nu yo'm u bixic ri i c'aslemal chiwe, ri ix man i wajwam ta nu nimaxic, mawi c'u ne c'o jas i tzelem u bixic chwe. In, ri Ajawaxel, quinjiquiba' u bixic.

U Camulixic ri Pixab 30:20

chilok'ok'ej ba ri Ajawaxel ri i Dios, chixniman che, chixux jic chuwäch, pa u k'ab c'ut c'o wi ri c'aslemal xukuje' are cäyo'w chiwe chi quixc'asi'c q'ui junab pa ri ulew aretak xuban ri chi'nic ri kas cäban na chi cuya' che ri Abraham, ri Isaac xukuje' ri Jacob, ri e i mam.”

U Camulixic ri Pixab 12:32

Chitakej ba qui banic ronojel ri ix nu takom wi, c'o mit'ik che mawi c'o miwesaj che.”

U Camulixic ri Pixab 8:6

Chebinimaj ba ri e u takomal ri Ajawaxel ri i Dios, chiya' u k'ij, chebitakej ri tijonic ri e u yo'm chiwe.

U Camulixic ri Pixab 6:2

Jeri' quiya' na u k'ij ri Ajawaxel ri i Dios, pa ronojel c'u ri i c'aslemal quinimaj ri pixab xukuje' ri takomal ri quixintak che u banic, ri ix, ri e i c'ojol xukuje' ri e u wi' tak i mam; q'ui junab c'ut quixc'asi' na.

U Camulixic ri Pixab 5:29

¡C'o ta banom wi chi je ta quechoman wa' amak'el, nim ta quinquil wi, queniman ta che ri nu takomal conojel tak ri k'ij, rech ri e are' xukuje' ri e calc'ual cäc'oji' jun utzalaj qui c'aslemal!

U Camulixic ri Pixab 4:6

Chebitz'akatisaj ri quequibij chebibana' ri quequibij we c'u je qui ban wa', ri tinimit tak caquich'ob na chi c'o no'j iwuc' xukuje' ch'obonic, aretak c'u quetamam chic tak we pixab ri' man cuya' ta chic chiquibij: ‘¡Sibalaj aj no'j xukuje' c'o u ch'obonic we nim tinimit ri' ri nim u k'ij!’

Ri Jeremiy 25:3

“Kas pa ri junab oxlajuj ri rajawinic ri Josiy, u c'ojol ri Amon, pa Juda, c'ä camic, ri u bixic, juwinak oxib junab wa', ri Ajawaxel xinuch'abej, are c'u ri in ix nuch'abem jumul xukuje' camul; are c'u ri ix man i yo'm ta i xiquin chwe.

Ri Jeremiy 31:32

We c'ulwächinic ri' man je taj jacha' ri xinban cuc' ri e qui mam, aretak xeben yukej che ri qui k'ab che quesaxic ulok pa Ejipt; rumal chi man xquitz'akatisaj taj u banic ri nu c'ulwächinic e wech c'u ne. In, ri Ajawaxel, quinjiquiba' u bixic.

Ri Jeremiy 35:14

Ri e rija'lil ri Jonadab, u c'ojol ri Recab, qui tz'akatisam u banic ri takanic ri xuya' chque chi macuq'uiaj u wa'l uva, xukuje' c'u c'ä pa ri k'ij camic man cäcuq'uiaj taj rumal rech chi qui nimam ri u takanic ri e qui mam. In xukuje' e nu yo'm tak takanic chiwe ri man e ajilatal taj, man c'u in i nimam taj.

Ri Zacariy 1:4

Miban iwe ri xquiban ri e i mam, ri xbix chque cumal ri ojer tak k'axal tzij chi in xinbinic chi chquitzaka' canok ri itzel qui c'aslemal xukuje' ri e itzel tak qui banoj, e are tak c'u wa' man xcaj taj, xinquitatabej taj, mawi xquiya' ta qui xiquin chwe. In, ri Ajawaxel, quinjiquiba' u bixic.

Ucab Ajawinelab 17:13

Ri Ajawaxel u yo'm chic u bixic chque ri aj israelib cumal conojel ri e k'axal tak tzij xukuje' cumal ri queca'y pa che' pa abaj chi chequiq'uexa' tak ri itzel tak qui be che qui tz'akatisaj c'ut qui banic tak ri e u takomal xukuje' conojel tak ri pixab re ri tijonic ri e u yo'm chque ri e qui mam cumal ri e pataninel tak rech ri e k'axal u tzij.

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.

Ri Jeremiy 34:14

chi chuwukutak junab chequitzokopij apachique aj hebrey ri u c'ayim rib cuc' ri e u patanim chic wakib junab. E are' tak c'ut ri e i mam man xquiya' ta qui xiquin chwe mawi xeniman ta chwe.

Ri Osey 4:1

Aj israelib, chitatabej ri cubij ri Ajawaxel. Ri are' u jekebam jun ch'o'j cuc' ri e jekel chupam we ulew ri', rumal rech chi man c'o ta ri jicomal waral chquixo'l ri winak, mawi jiquil mawi ri retamaxic u wäch ri Dios.

Ri Osey 5:1

“E cojol tak tabal tak tok'ob, chitatabej wa'; chaya' a xiquin tinimit re Israel; chixtatabenok ix ri ix aj uwo rachoch ri ajawinel: Piwi' ix cakaj wi na ri c'äjisabal wächaj ix c'u uxinak jun c'amibal ri cojom pa Mizpa, jun c'at ri lic'om puwi' ri juyub Tabor,