Ri Jeremiy 11:23 - Quiché Bible

²³ Mawi ta c'u ne jun cäto'taj ta can chque, cäpe c'u na ri k'ij aretak quentok'ij na wa' chiwe ix, winak re Anatot, quinc'am c'u na ulok piwi' ix ri u c'axc'ol.”

Ri Jeremiy 11:23 Referans Kwoze

Ri Jeremiy 23:12

Rumal ri' ri qui be cux na k'ekumalil xukuje' cajililic: in quinban na chi quech'iquimixic chetzak c'ut. Aretak chebenban ajilanic cuc', quinc'am na ulok ri quiäkasakil paquiwi'. In, ri Ajawaxel, quinjiquiba' u bixic.

Ri Lucax 19:44

Catquiwulij na can cho ulew, quequiq'uiak na can ri winak cho ulew ri e c'o awuc'. Man cäquiya' ta na can jun abaj puwi' jun abaj. Rumal rech chi man xach'ob taj ri rulem ri Dios awuc'.”

Ri Miquey 7:4

Ri utz na chquixo'l xak junam ruc' jun q'uix; ri sibalaj tz'akat pa ronojel, xak junam ruc' ri chocol. Cäpe c'u na ri k'ij ri quetz'akatisax ri ajilanic, ri k'ij ri xuya' u bixic ri yuxlenel chawe. C'äte c'u ri' cajawin na ri yojcorem chquixo'l.

Ri Osey 9:7

¡E opaninak tak ri k'ij rech ri c'äjisabal wächaj! ¡E opaninak tak ri k'ij rech ri u ya'ic ri tojbal ri takalic! ¡Ri Israel queretamaj chi e opaninak chic! Ri ix quibij: “Ri k'axal tzij xa' jun con. Ri achi ri uxlabisam jun tak.” Je c'u quibij wa' rumal rech chi nojinak che etzelal, u mac rech chi nim ri iwoyowal.

Ri Jeremiy 50:27

¡Chebicämisaj conojel tak ri e rajch'ojab, chixtakan che qui c'amic bic pa ri cämisabal! ¡Tok'ob qui wäch! ¡Xopan ba' ri qui k'ij, ri k'ijol re ri u c'äjisaxic qui wäch!

Ri Jeremiy 48:44

Ri man cäkaj ta pa qui k'ab ri tzucunelab cätzak na chupam jun jul, are c'ut ri quel ulok chupam ri jul quekaj na chupam ri c'amibal, rumal rech chi ri in quinc'am na ulok puwi' ri Moab ri k'ijol re ri c'äjisabal u wäch. In, ri Ajawaxel, quinjiquiba' u bixic.

Ri Jeremiy 46:21

Ri e rajch'ojab ri xa' e u mocom e jacha' alaj tak ama'ib wacax ri quek'onk'otic, xukuje' c'u ne ri e are' quebanimajic man quecuin ta c'ut co ta caquitac'aba' quib, opaninak c'ut ri k'ij re ri u sachisaxic qui wäch, ri k'ijol re ri u c'äjisaxic qui wäch.

Ri Jeremiy 44:27

Quinchajin c'u na rech are quebentak bic ri c'axc'ol piwi' man c'u e utzilal taj. Conojel ri aj Juda ri e jekel pa Ejipt cachupisax na qui wäch conojel rumal ri ch'o'j, o ri wi'jal.

Ri Jeremiy 11:19

In man c'o ta quinnabej in jacha' jun chij ri cac'am bic pa ri pilibal, man weta'm taj chi cätajin cäban chomanic chwij che u banic c'ax chwe. Je c'u caquibij wa: “Kakasaj ri juwi' che' camic ri c'o pa ronojel ri u räxal, kaboko' pa ri uwächulew quech ri c'asc'oj, rech man c'o ta jun cänatan ta chic.”

Ri Jeremiy 8:12

¡Cheq'uix ta ba' che qui banic ri jastak ri man quebencoch' taj! Man c'u je taj, man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, cäquichak'ij na quib quekaj c'u na jacha' ri jule' chic. In ri Ajawaxel, quinjiquiba' u bixic.’ ”

Ri Jeremiy 6:9

Ri Ajawaxel ri c'o ronojel u cuinem cubij: “Ri aj israelib ri quecanajic quetzucuxic xukuje' quetzuculax na, jacha' ri cäban che qui tzuculaxic tak ri uva chquixo'l tak ri e u k'ab c'ä man c'o ta jun uva cäcanajic.”

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Ri Jeremiy 5:9

¿La ma ta c'u lo chinc'äjisaj qui wäch cumal tak we jastak ri'? ¿La ma ta quinya' na ri takal che ri tinimit ri je cuban wa'?

Ri Abdiy 1:18

ri e rija'lil ri Jacob xukuje' ri e rech ri Jose quebux na k'ak' xukuje' rak' k'ak', e are tak c'ut ri e rija'lil ri Esau e chaki'j tak u xak che' ri quebujarisaj na we k'ak' ri'. ¡Mawi jun chque ri aj e Esau queto'taj ta na! In, ri Ajawaxel, nu bim.”