Ri Jeremiy 11:11 - Quiché Bible

¹¹ Rumal c'u ri', quinc'am na ulok jun nimalaj c'axc'ol paquiwi' ri man quecuintaj caquesaj ta quib chupam. Pune' ta sibalaj caquirak qui chi' che u tz'onoxic chwe chi quebento', man quebentatabej taj. In, ri Ajawaxel, quinjiquiba' u bixic.

Ri Jeremiy 11:11 Referans Kwoze

Ri Ezequiel 8:18

Ri in quencojo' ri woyowal. Man quel ta na jubik' nu c'u'x chque. Pune' caquirak quichi' che nu siq'uixic, man quebentatabej taj.”

Ri Isaiy 1:15

Aretak quiyac ri i k'ab che u banic ch'awem, ri in man quixinca'yej taj; pune' quiban q'ui ch'awem, ri in man quixintatabej taj, rumal chi tz'ajtajinak ri i k'ab che quic'.

E C'ambal tak Tzij 1:28

Pa ri k'ij ri' caquitz'onoj na tok'ob, man c'u quintzelej ta u wäch ri qui tzij; quinitzucuj na, man c'u quinirik ta chic;

Ri Zacariy 7:13

xubij c'ut: “Jacha' c'ut ri xquiban ri e are man xcaj taj xinquitatabej aretak quebensiq'uij, xukuje' c'u quinban in man quebentatabej taj aretak ri e are caquitz'onoj tok'ob chwe.

Ri Miquey 3:4

C'o jun k'ij ri ix quisiq'uij na ri Ajawaxel, are c'u ri are' man cutzelej ta na u wäch ri i tzij. Pa ri k'ijol ri' cuc'u' na rib chiwäch rumal ri etzelal ri e i banom.

Ri Jeremiy 14:12

Pune' ta sibalaj cuq'uisa' rib che man cuya' taj caban wa'im, man quebentatabej taj ri e u tz'ononic; xa' ta ne e joropa' tabal tok'ob ri quechajirisaxic xukuje' tabal tak tok'ob quech c'äj ri quequic'am ta ulok chwe, man utz ta quebenwil na. Quinsachisaj na u wäch rumal ch'o'j, wi'jal xukuje' yabilal.

Ucab Ajawinelab 22:16

chi ri in, ri Ajawaxel, quinbij: Quinwerej na ulok jun u q'ueyowal puwi' we c'olbal ri' xukuje' paquiwi' ri winak ri e c'o chupam, je jas ri cubij ri wuj ri xusiq'uij u wäch ri ajawinel re Juda.

Ri Jeremiy 11:17

In, ri Ajawaxel ri c'o ronojel u cuinem, ri xintiq'uiba', nu yo'm c'u takanic chi cape ri u q'ueyowal puwi' qui mac quech tak ri etzelal ri xebuban ri Israel xukuje' ri Juda, in quic'axc'obisam aretak caquichi'j c'oc' k'ol che ri Baal.”

Ri Jeremiy 6:19

Chatatabej, ulew: Quinc'am ulok jun quiäkasakil puwi' ri nu tinimit are' c'u wa' ri xequic'am ulok ri e itzel tak qui banoj; rumal rech chi man xeboc ta il che qui tatabexic ri e nu tzij, xane' man nim ta xquil wi ri tijonic ri xinya' chque.

Ri Isaiy 24:17

Ri winak ri e c'o cho ri ulew je quebux na jacha' ri awaj ri queterenex cumal ri tzucunelab, ri xak quieb cubij paquiwi' quetzak pa jun jul o pa jun c'amibal.

Salmib 18:41

Are ta xcaj xeto' ta la, man c'o ta c'u jun xyo'w ta to'banic chque; xquisiq'uij ri Ajawaxel, man xutzelej ta u wäch qui tzij.

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

Ri Amos 5:19

Xak junam ruc' ri aretak canimaj jun chuwäch jun coj cupuq'uij c'u rib ruc' jun os, o jacha' aretak jun coc chupam ri rachoch, cutok'ej c'u rib che ri tapia, cacatz c'u rumal jun cumätz.

Ri Ezequiel 7:5

In, ri Ajawaxel, quinbij: chawila', caketet chic ri q'uisbalil, cape na quiäkasakil chrij quiäkasakil; nakaj chic c'o wi ri q'uistajic chawe.

Ri Jeremiy 36:31

are c'u ri at xukuje' ri e awija'lil junam xukuje' ri e a wäch k'atal tak tzij, quinc'äjisaj na i wäch qui mac quech tak ri e i mac. Quinban na chi quebekaj na piwi' ix xukuje' paquiwi' ri aj Jerusalen xukuje' Juda conojel ri nimak tak c'axc'ol ri e nu yo'm quibixic chiwe, ri man xixoc ta wi il chque.’ ”

Ri Jeremiy 35:17

Rumal ri' in, ri Ajawaxel ri c'o ronojel u cuinem xukuje' u Dios ri Israel, quinbij: Quenbana' chi quekaj puwi' ri Juda xukuje' paquiwi' ri winak ri e c'o pa Jerusalen conojel ri c'axc'ol ri nu yo'm u bixic chi cäpe paquiwi'. Ix nu tzijobem c'ut, are c'u ri ix man xiwaj taj xitatabej taj ri xinbij chiwe; ix nu siq'uim, are c'u ri ix man c'o ta jas i tzelem ta u bixic chwe.’ ”

Ri Jeremiy 23:12

Rumal ri' ri qui be cux na k'ekumalil xukuje' cajililic: in quinban na chi quech'iquimixic chetzak c'ut. Aretak chebenban ajilanic cuc', quinc'am na ulok ri quiäkasakil paquiwi'. In, ri Ajawaxel, quinjiquiba' u bixic.

Ri Jeremiy 19:15

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Quebentak na ulok che we tinimit ri' xukuje' chque conojel ri c'ulja tak tinimit conojel ri c'äjisabal tak wächaj ri nu yo'm u bixic chque, quitacarisam c'u quib rech man quequinimaj taj ri nu tzij.’ ”

Ri Jeremiy 19:3

Chabij: ‘Rajawinelab ri Juda xukuje' ri winak ri e c'o pa Jerusalen, chitatabej ri tzijol ri cubij ri Ajawaxel ri c'o ronojel u cuinem, ri u Dios ri Israel: Quintak ulok jun nimalaj c'axc'ol ri sibalaj nim puwi' we c'olbal ri', ronojel c'ut ri cäto'w ri quinya' u bixixic cäpe na ranima'.

Ri Jeremiy 15:2

We c'u ne caquicot a chi' jawije' ri quebe wi na, chabij wa' chque ri quinbij: ‘Ri xya' u bixic chi quecäm rumal cämisanel yabilal quecäm na rumal cämisanel yabilal; ri xya' u bixic chi quecäm chupam ri ch'o'j, chupam ri ch'o'j quecäm wi na, ri xya' u bixic chi quecäm rumal wi'jal, rumal wi'jal quecäm na; ri xya' u bixic chi quec'am na bic pa jun ulew chic, quec'am na bic pa jun ulew chic.’

Ri Jeremiy 11:14

Je c'u ri' Jeremiy, minabochi'j puwi' we tinimit ri'; mebachi'j ch'awem chwe mawi tok'lenic paquiwi', man c'u quebentatabej taj aretak chi qui tz'onoj to'banic chwe aretak e c'o pa u niq'uiajil ri qui c'axc'ol.

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

Salmib 66:18

We ta e c'o itzel tak nu chomanic ma ta xinutatabej ri' ri Ajawaxel;

Ucab Tzijobelil 34:24

chi ri in, ri Ajawaxel, quinbij: Quinc'am ulok jun u q'ueyowal puwi' we c'olbal ri' xukuje' paquiwi' ri winak ri e c'o chupam, cabantaj conojel ri c'okonic ri e tz'ibatal chupam we wuj ri' ri yo'm u siq'uibalil chuwäch ri ajawinel re Juda.

Ri Job 35:13

Ri Dios ri c'o ronojel u cuinem, man coc ta il chque tak ri cawachil.

Ri Jeremiy 14:2

“Ri Juda cok'ic rumal bis, ri u tinimit tak e c'o chupam ri rikoj c'ax, ri winak e liq'uiloj chotak ri ulew. Ri Jerusalen curakakej u chi' rumal ri k'oxomal.

Ri Jeremiy 18:11

Chabij, ba', chque ri winak aj Juda xukuje' chque ri winak ri e c'o pa Jerusalen chi ri in, ri Ajawaxel, quinbij chiwe: ‘Nu bin chi cäpe ri etzelal piwi'; cätajin quinchomaj u c'äjisaxic i wäch. Xopan ba' ri k'ij chiya' ba' canok ri itzel be; chiwutzirisaj ri i c'aslemal xukuje' tak ri e i banoj.’

Ri Jeremiy 25:35

Ri ajyuk'ab man quecuin taj quebanimaj ta na, ri quec'amow u be ri jumulaj man quecuin ta na caquito'tajisaj ta quib.

Juyuwem 2:22

E banom la chi quepe u q'ueyowal pa ronojel c'olbal, e jacha' ta ne ri quepe pa jun nimak'ij; chupam ri k'ij re ri oyowal la, Ajawaxel, man c'o ta jachin ta jun ri cäto'taj ta na. Ri xebenwinakirisaj xukuje' xebenjic'o ri c'ulel xebucämisaj.

Ri Ezequiel 14:3

“We achijab ri' kas xa' jumul qui jachom quib che qui k'ijilaxic tak diosib qui cojom c'ut ri qui bak'wäch chque ri cabanow chque chi quemacunic. ¿La quinya' ta c'u lo ri qui no'j ri caquitz'onoj na chwe?