Ri Jeremiy 11:10 - Quiché Bible

¹⁰ E tzelejinak che quibanic ri junam tak macaj ri xequiban ri e qui mam, ri xquik'il quib che nu nimaxic, are' c'u xebequiterenej diosib xequik'ijilaj c'ut. Ronojel ri Israel xukuje' ronojel ri Juda quiyojim ri c'ulwächinic ri xinban cuc' ri e qui mam.

Ri Jeremiy 11:10 Referans Kwoze

U Camulixic ri Pixab 31:16

Xubij c'u ri Ajawaxel che ri Moises: “Xa' pa quieb oxib k'ij catcäm na, we tinimit ri' cuchuwirisaj na rib cuc' ri qui diosib ri ulew ri man queta'm ta u wäch ri queboc na che rechbexic; quinquixutuj na canok, quinpaxij c'u na ri c'ulwächinic ri nu banom ruc'.

Ri Ezequiel 16:59

In, ri Ajawaxel, quinbij: “Quinya' na ri c'äjisabal a wäch ri takal chawe, man xatz'akatisajtaj u banic ri chi'nic ri kas cäban na xatcha' wi xukuje' man xatz'akatisajtaj ri c'ulwächinic.

Nabe Samuel 15:11

“Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.

K'atal tak Tzij 2:19

Aretak c'ut cäcäm ri c'amal be, caquixk'olij chi quib jumul, nim na ri etzelal ri cäquibano chuwäch ri xequiban ri e qui tat, quequipatanij, xukuje' quequik'ijilaj jule' tak diosib chic. Man cäquiya' ta can ri itzel tak qui nak'atisabal mawi ri itzel tak qui c'aslemal.

K'atal tak Tzij 2:17

Are c'u ri aj israelib man xeniman ta chque we c'amal tak be ri', man xquitakej ta u k'ijilaxic ri Ajawaxel, niq'uiaj diosib chic xequik'ijilaj. Ri e qui mam xequinimaj tak ri e u takanic ri Ajawaxel, ri e are' c'ut man je ta xquibano.

Hebreos 8:9

We c'ulwächinic' man je taj jas ri xinban cuc' ri e qui mam pa ri k'ij aretak xebenc'am che ri qui k'ab che quesaxic ulok pa Ejipt; rumal c'u rech chi ri e are' man xquitz'akatisaj taj ri nu c'ulwächinic, ri in xebenya' canok,’ cächa' ri Ajawaxel.

Ri Soponiy 1:6

Xukuje' quinsachisaj na qui wäch ri caquitas tak quib chwij, ri man quetzucun ta chwe mawi quebopan ta wuc' che u tz'onoxic qui no'j chwe.”

Ri Osey 6:7

Are c'u ri nu tinimit xak junam ruc' ri Adan, man xu tz'akatisaj taj ri nu c'ulwächinic uxinak c'u man jic taj chnuwäch.

Ri Ezequiel 44:7

Ri ix qui wawasij ri wachoch quebiya' c'u c'olbal chi queboc ri man e i winakil taj chupam, winak ri man cuc'amtaj ri retal ri nu c'ulwächinic mawi pa ri qui chomanic mawi che ri qui cuerp; cäcawasij caquichi'j c'u chwe jacha' che k'obisabal ri xepo ri quic' quech tak ri tabal tok'ob, man are ta c'u caquibano jas ri cubij ri nu c'ulwächinic cumal ri qui banic tak we jastak ri' ri itzel quebenwilo.

Salmib 78:57

je xquibano jas ri xequiban ri qui mam, xquixutuj canok, man xebin ta jic chuwäch; ¡xejech'obic jacha' jun subunelalaj q'uiakbal ch'ab!

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

Aj Levitib 26:15

we c'u quebijech'obisaj ri nu takanic, man nim ta quiwil wi ri nu pixab, mawi quitz'akatisaj qui banic ri cäquibij ri e nu takomal, man quebitz'akatisaj taj ri nu c'ulwächinic we je quiban wa',

Ri Zacariy 1:4

Miban iwe ri xquiban ri e i mam, ri xbix chque cumal ri ojer tak k'axal tzij chi in xinbinic chi chquitzaka' canok ri itzel qui c'aslemal xukuje' ri e itzel tak qui banoj, e are tak c'u wa' man xcaj taj, xinquitatabej taj, mawi xquiya' ta qui xiquin chwe. In, ri Ajawaxel, quinjiquiba' u bixic.

Ri Osey 7:16

Xetzelej cuc' tak ri diosib; e jacha' jun q'uiakbal ch'ab ri jech'obinak, ri man cataki ta che ri cuq'uiako. U mac rech chi quebe qui bij c'axalaj tak tzij quekaj na ri e c'amal tak qui be pa u chi' ch'ich' re ch'o'j, xa' c'u cätze'x na qui wäch pa Ejipt.”

Ri Osey 6:4

Cächa' ri Ajawaxel: “¿Jas ta ri quinban chawe, Eprain? ¿Jas ta ri quinban chawe Juda? Ri lok'ok'ebal c'uxaj ri c'o iwuc' chwe xa' jacha' ri mayul re ri ak'abibal, jacha' ri räxk'ab re ri u sakaribal, ri ak'ab casachic.

Ri Jeremiy 31:32

We c'ulwächinic ri' man je taj jacha' ri xinban cuc' ri e qui mam, aretak xeben yukej che ri qui k'ab che quesaxic ulok pa Ejipt; rumal chi man xquitz'akatisaj taj u banic ri nu c'ulwächinic e wech c'u ne. In, ri Ajawaxel, quinjiquiba' u bixic.

K'atal tak Tzij 2:11

E are tak c'ut ri e qui banoj ri aj israelib e itzel xeril ri Ajawaxel, xquichaplej c'ut qui k'ijilaxic ri e jalan tak u wächbal ri Baal.

Ri Jeremiy 7:28

Chabij chque: ‘Are nim tinimit wa ri man caniman ta che ri u Dios mawi c'u ne caraj chic cäpixbexic. Ri kastzij mawi jumul quel chi ulok pa u chi'.’ ”

Ri Jeremiy 9:6

che u q'uexic quib. Ri Ajawaxel cujiquiba' u bixic: “¡T'orinic chrij t'orinic, subunic chrij subunic! Ri nu tinimit man caraj ta chic cuch'ob ta chi nu wäch.

Ri Jeremiy 13:10

We itzel tinimit ri' cuk'il rib che qui nimaxic tak ri e nu takanic are c'u u takem ri tacalaj u chomanic ri ranima'. Benak che qui terenexic qui diosib winak, che qui patanixic xukuje' che qui k'ijilaxic. Xak junam ruc' ri pas ri', ri man c'o ta chi u patan.

Ri Jeremiy 17:23

Man xquiya' ta c'u qui xiquin chwe mawi xinquinimaj, xane' xebux täc man xcaj ta c'ut xenimanic mawi xc'äj qui wäch.

Ri Jeremiy 44:5

Are c'u ri ix man xininimaj taj mawi xiya' ta i xiquin chwe ri xinbij chiwe. Che u q'uexwäch ri xitanaba' ta can u banic ri iwetzelal xitakej qui chi'xic c'oc' k'ol chque jule' tak diosib.

Ri Jeremiy 44:16

“Man catkatatabej taj che ri cabij chke pa ri u bi' ri Ajawaxel.

Ri Ezequiel 5:6

Are c'u ri are' xebuc'ulelaj tak ri nu pixab xukuje' tak ri e nu takanic, nim c'u na ri etzelal ri u banom chquiwäch tak ri tinimit xukuje' ri nimak tak tinimit ri e c'o tak che u c'ulja, man quequinimaj ta c'ut ri e nu pixab mawi quitakem qui banic tak ri e nu takomal.

Ri Zacariy 7:11

Are c'u ri tinimit xuk'il rib man xraj taj xnimanic. Conojel are xquiya' ri quij xquiban quib chi man queta'm taj.

Ri Zacariy 7:13

xubij c'ut: “Jacha' c'ut ri xquiban ri e are man xcaj taj xinquitatabej aretak quebensiq'uij, xukuje' c'u quinban in man quebentatabej taj aretak ri e are caquitz'onoj tok'ob chwe.

Ri Isaiy 24:5

Ri ulew awasim cumal ri winak ri e c'o chuwäch, rumal rech chi qui k'ilom quib che qui banic ri caquibij ri pixab, man e qui nimam ta ri takanic, quekle'n ri junalic c'ulwächinic.

Ri Jeremiy 22:9

Caquitzelej c'u na u bixic: ‘Rumal rech chi xquixutuj can ri c'ulwächinic ri xuban ri Ajawaxel, ri qui Dios cuc', xequik'ijilaj xukuje' xequiya' tak k'ijilanic chque ri e jule' tak diosib.’ ”