Ri Jeremiy 10:7 - Quiché Bible

⁷ ¿Jachin ta ri ma ta cuxe'j rib chwäch la, cajawinel ri nimak tak tinimit? Lal ya'tal che la chi chxex ib chwäch la. Chquixo'l conojel ri ajno'jab xukuje' tak ri ajawinelab re ri uwächulew, man c'o ta jachin jun jacha' ta ri lal.

Ri Jeremiy 10:7 Referans Kwoze

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Salmib 22:28

Ri Ajawaxel, ajawinel c'ut, ri are' cätakan paquiwi' ri nimak tak tinimit.

Ri Jeremiy 10:6

Ajawaxel, man c'o ta jachin jun jacha' ta ri lal: ri lal nim banic la, ri bi' la nim u banic xukuje' cuinel.

Ri Jeremiy 5:22

In, ri Ajawaxel quinbij: ¿La xa' man quina' ta iwib chnuwäch? ¿La xa' man quixbirbob ta chnuwäch in? In xincoj ri sanyeb che u c'ulbatil ri plo, jun c'ulbat ri man cäcuin ta ri plo coc'ow ta puwi'. Ri e u rekbala' xak lok' caquicoj qui chuk'ab quebel c'u ch'u'j, man c'u quecuin ta che u xalk'atixic.

Salmib 89:6

¡Man c'o ta jun chic dios, mawi jun pa ri caj ri cäjunamataj ta uc' la, Ajawaxel!

Ri Lucax 12:5

Quinc'ut c'u na chiwäch jachin chuwäch rajawaxic quixe'j wi na iwib: Are chixe'j iwib chuwäch ri Jun ri c'o u cuinem che i cämisaxic, xukuje' c'o u cuinem che i ya'ic pa ri xibalba. Je, quinbij chiwe, chuwäch ri are' chixe'j wi iwib.

Ri Zacariy 2:11

Aretak chec'ulmataj wa', e q'ui tak ri nimak tak tinimit ri caquijunaj na quib ruc' ri Ajawaxel. Ri are' cubij na: “Xukuje' we nimak tak tinimit ri' quebux na nu tinimit. Quinjeki' c'u na ri in chixo'l ix.” Je c'u ri' ri ix quich'ob na ix chi are' ri Ajawaxel ri c'o ronojel u cuinem are' in takowinak ulok.

Ri Isaiy 2:4

Ri Ajawaxel cuk'at na tzij chquixo'l ri nimak tak tinimit, cujamarisaj na ri qui ch'o'j ri q'uialaj tak winak. Ri e qui ch'ich' re ch'o'j cäquiban na asaron chque, ri e qui tz'imaj ch'ich' cäquiban na jos chque. Man c'o ta jun tinimit quebumajij ta chic ri e u ch'ojibal chrij jun chic, mawi cätijox ta chi che u banic ch'o'j.

Salmib 86:9

Oh Ajawaxel, lal lal wocowinak conojel ri nimak tak tinimit, quepe c'u na uc' la che k'ijilaxic la xukuje' che u ya'ic u k'ij ri bi' la.

Salmib 76:7

¡Ri lal lal xibibal! ¿Jachin ta ri cäcuinic cutac'aba' rib chwäch la aretak lal oyowarinak?

Salmib 72:11

¡Chi conojel c'ut ri ajawinelab chexucul chuwäch! ¡Chi conojel c'ut ri nimak tak tinimit chepatanin che!

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

1 Corintios 8:6

chke c'u uj xa' jun Dios c'olic, are ri Tataxel, ri quepe wi conojel ri jastak. Ri uj c'o che u patanixic ri are'. Xukuje' chi xa' jun Ajawaxel c'olic, are ri Jesucrist. Rumal ri are' e c'o conojel ri jastak. Xukuje' ri uj rumal ri are' uj c'olic.

Elem 8:10

“Kas chwek,” xcha' ri ajawinel. Ri Moises xubij che: “Je ba' cäbantajic jas ri bim la, rech quetamaj la chi man c'o ta chi jun ri junam ta ruc' ri Ajawaxel ri ka Dios.

Elem 9:14

che chi c'u we camic quintak ulok ronojel ri c'äjisabal wächaj pawi', paquiwi' ri awach k'atal tak tzij, puwi' ri a tinimit, rech cawetamaj chi man c'o ta chi jun jacha' ri in cho ronojel ri uwächulew.

Ri Josue 4:24

Jeri' conojel ri tinimit ri e c'o cho ri uwächulew caquetamaj na chi sibalaj nim ri u cuinem ri Ajawaxel, are' c'u ri ix nim quiwil wi na amak'el ri Ajawaxel ri i Dios.”

Ri Ester 1:13

xutz'onoj u no'j chque ri queta'm jas caquibij ri pixab, nak'atisabal c'ut chi ri jastak ri cuchomaj ri ajawinel cächomax cumal ri queta'm ri caquibij ri pixab, xukuje' ri colomibal.

Ri Daniel 2:27

Ri Daniel xubij: “Man c'o ta jun ajno'j mawi jun ch'obonel mawi ajk'ij mawi ajch'imil, ri cäcuin ta chubixic che la, ri c'utalic ri caj la retamaxic.

Ri Daniel 2:28

C'o c'u jun Dios pa ri caj ri cuk'alajisaj tak ri c'utalic, are c'u yo'winak retamaxic che la ri c'ä maja' quec'ulmatajok. Quinya' u k'alajisaxic che la, ri ichic' xukuje' tak ri c'utwächinic ri e ilom la aretak cätajin cäwar la:

Ri Habacuc 3:2

Ri tzijol la ri quinto, Ajawaxel, xukuje' ronojel ri banom la, qui nu nojisaj che u ya'ic nimalaj k'ij la. Chebana' ba' la camic, pa ri ka c'aslemal, ri e nimak tak banoj la ri xeban can la pa jujun tak k'ijol, rech xukuje' ri uj cheketamaj tak qui wäch. Je wa' chbana' la che u c'utic chkawäch ri u tok'obisaxic ka wäch umal la pune' ta ba' pa u niq'uiajil ri oyowal la.

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ucab Ajawinelab 17:39

xane' xuwi chwe in, ri Ajawaxel ri i Dios, quixinwesaj c'u na pa qui k'ab tak ri e i c'ulel.”

Nabe Tzijobelil 16:25

rumal rech chi ri Ajawaxel nim u k'ij xukuje' ya'tal u k'ijilaxic, xukuje' xibibal na chquiwäch conojel tak ri diosib.

Salmib 47:3

Xebutuquij tak tinimit xukuje' nimak tak tinimit xebucoj chuxe' ri ka takanic.

Salmib 86:8

¡Man c'o ta dios ri cäjunamataj ta uc' la, Ajawaxel! ¡Man c'o ta jun jasach ri cäjunamataj ta cuc' ri chac la!

Salmib 147:5

Nim u banic ri ka Dios xukuje' nim ri u cuinem; ri retamanic man c'o ta u q'uistajic.