Ri Jeremiy 10:4 - Quiché Bible

⁴ cuwik c'ut ruc' sak puak xukuje' k'an puak, caquibajij tak clawux che ruc' bajibal rech man catzak taj.

Ri Jeremiy 10:4 Referans Kwoze

Ri Isaiy 46:7

Cäquitelej paquiwi' ri qui teleb, cäquic'am c'u bic cäquiya' puwi' jun telebal, chila' c'u cäcanaj wi man caslab ta pa ri u c'olbal. Pune' sibalaj cäquirak qui chi' che u ta'ic ri u to'banic, man c'o ta jas cutzelej u bixic chque mawi cäcuinic quixucol chupam ri i c'axc'ol.

Ri Isaiy 44:12

Kilampe' jas cuban ri ch'ayal ch'ich': cuya' ri ch'ich' pa ri k'ak', c'äte ri' cuchap u ch'ayic ruc' ri bajibal. Ruc' ri cowilaj tak u k'ab cuchacuj. We c'u man cutij u wa ri ch'ayal ch'ich', cäq'uis ri u chuk'ab, xukuje' we man cutij u joron, cätukaric.

Salmib 135:15

Ri e qui diosib ri winak xa e re k'an puak xukuje' e re sak puak, jastak ri quequiban ri winak cuc' ri qui k'ab.

Salmib 115:4

Ri e qui diosib ri winak e re k'an puak xukuje' sak puak, e jastak ri e qui banom ri winak cuc' tak ri qui k'ab:

Ri Isaiy 46:6

E c'o jachin tak cäquesaj q'ui k'an puak pa ri qui c'olbal, cäquipaj c'u sak puak pa pajbal c'äte ri' cäquitoj jun ajchac che u banic jun qui dios, rech quexuqui' chuwäch che u k'ijilaxic.

Ri Osey 13:2

¡C'ä u takem c'u macunic! Quequijarisaj ri qui sak puak quequik'o' c'ut ri qui diosib tak je jas ri cäpe pa qui jolom jachique ri utz caquil ri ajchaquib. Caquibij c'ut: “¡Chebichi'j tabal tak tok'ob chquiwäch!” are c'u tak ri winak quequitz'umaj ri diosib ri e qui wächbal alaj tak ama'ib wacax.

Ri Habacuc 2:19

¡Tok'ob a wäch, chi che jun dios re che' cabij wi chac'astajok, xukuje' c'u che jun memalaj abaj, chi chatac'alok! ¿La quecuin ta c'u lo wa' quequiya' ta jun tzijol? ¡Jayi', rumal rech chi man c'o ta qui c'aslemal pa quech wi, pune' ta ne ch'ukum tak quij ruc' k'an puak xukuje' sak puak!