Ri Jeremiy 10:16 - Quiché Bible

¹⁶ ¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.

Ri Jeremiy 10:16 Referans Kwoze

U Camulixic ri Pixab 32:9

ri rechbal ri Ajawaxel, ri winak ri e rech, are ri u tinimit ri Jacob.

Ri Jeremiy 32:18

Ri lal cac'ut la ri lok'ok'ebal c'u'x la c'ä chi jun mil (1,000) ija'lil, xukuje' c'ut cäc'äjisaj la qui wäch ri winak rumal rech ri qui mac tak ri qui tat. ¡Oh nimalaj Dios xukuje' c'o cuinem la, ri bi' la Ajawaxel c'o ronojel u cuinem!

Ri Jeremiy 31:35

Ri Ajawaxel, ri xucoj ri k'ij rech catunun pa k'ij xukuje' ri ic' xukuje' tak ri ch'imil rech quetunun chak'ab, ri cabanowic chi cuyujula' rib ri plo xukuje' chi quejinin tak ri rekbala', ri cabinax Ajawaxel ri c'o ronojel u cuinem, je cubij wa':

Ri Jeremiy 51:19

¡Sibalaj ba' nim u jalbem rib ri u Dios ri Jacob, banal re ronojel ri c'olic! Ri are' xucha' ri Israel rech cacanaj pa u k'ab. Ri Ajawaxel ri c'o ronojel u cuinem: are u bi' wa'.

Ri Jeremiy 10:12

Ri Ajawaxel ruc' ri u cuinem, xuban ri ulew; ruc' ri u no'j co xutiquiba' ri uwächulew; ruc' ri retamanic xulic' ri caj.

Salmib 119:57

Lal ri wechbal, Ajawaxel, lal ronojel ri c'o wuc'; nu chi'm qui nimaxic tak ri e tzij la.

Salmib 74:2

Chnataj ri tinimit la che la, ri xrik la ulok ojer pa ri tiquiritajic, ri xlok' la rech cux chi ech la; chnataj ri juyub re Sion che la, ri jekelinak wi la.

Juyuwem 3:24

Quinbij c'u chwe chbil wib: ¡Ri Ajawaxel are' ronojel chwe in; rumal ri' chrij are' quinjiquiba' wi nu c'u'x!

Salmib 135:4

Xucha' c'u ri Jacob, ri Israel, rech cux kas u k'inomal pa rech wi.

Ri Jeremiy 50:34

Are c'ut ri torol quech c'o u chuk'ab ri u bi' are' ri Ajawaxel ri c'o ronojel u cuinem. Are' cabanow na ri suq'uilal piwi'; cuc'am na ulok ri jamaril che ri ulew xibriquil c'ut chque ri winak ri e c'o pa Babilon.”

Ri Isaiy 45:7

In quinyo'w ri sakil xukuje' ri k'eku'm, in quinyo'w ri utzalaj c'aslemal xukuje' ri u q'ueyowal. In, ri Ajawaxel ri quinbanow conojel we jastak ri'.”

Salmib 73:26

Ronojel ri nu cuerp cämem cubano, ri Dios c'ut are' junalic wechbal are' cäyo'w u chuk'ab ri wanima'.

Elem 19:5

Je c'u ri' we quinimaj ri quinbij chiwe, we kas quibano jas ri cubij ri nu c'ulwächinic, quixoc na che nu tinimit ri nim u k'ij chquixo'l conojel tak ri tinimit, wech c'u ronojel ri uwächulew.

Ri Isaiy 54:5

are' c'u ri xatwinakirisanic catuc'am na che rixokil. Ri u bi' are Ajawaxel ri c'o ronojel u cuinem ri torol awech are ri Tastalicalaj u Dios ri Israel ri Dios ri' re ronojel ri uwächulew.

Ri Isaiy 51:15

In ri Ajawaxel ri a Dios, ri nu bi' are Ajawaxel ri c'o ronojel u cuinem in xinslaban ri plo xewalij c'u ri e u rekbala',

Ri Isaiy 47:6

Aretak xyactaj woyowal ruc' ri nu tinimit, xinjach ri kas nu nim tinimit pa ri q'uixbal, xinya' be che chi cäkaj pa a k'ab. Man xatok'obisaj ta c'u qui wäch, xacoj ri alalaj awekebal paquiwi' ri ri'jab.

Ri Isaiy 47:4

Ri torol kech, ri Tastalicalaj u Dios ri Israel, ri u bi' are' Ajawaxel ri c'o ronojel u cuinem je cubij wa':

E C'ambal tak Tzij 16:4

Ri Ajawaxel u winakirisam ronojel che jun patanijic; xukuje' ne ri itzel winak che ri k'ij re ri c'äjisabal wächaj.

Salmib 142:5

Che la Ajawaxel quintz'onoj wi tok'ob, quinbij c'u che la: “Lal ri' ri nu panibal; lal ronojel ri c'o wuc' pa we c'aslemal ri'.”

Ri Jeremiy 10:6

Ajawaxel, man c'o ta jachin jun jacha' ta ri lal: ri lal nim banic la, ri bi' la nim u banic xukuje' cuinel.

Ri Jeremiy 33:2

“In, ri Ajawaxel, ri xinban ri ulew, ri xinya' u ca'yebal co c'ut xintiq'uiba' pa ri u c'olbal, quinbij chawe:

Ri Amos 4:13

Ri Ajawaxel, ri quebutzuk' tak ri juyub xukuje' cuq'uiyisaj ri quiakik', ri quebuya' retamaxic tak ri e u chomam u banic che ri winak, ri cujalwächij ri chäj pa k'ekumalil, ri quebubinibej tak ri ulew ri sibalaj naj e elinak chicaj, ri Ajawaxel, ri i Dios ri c'o ronojel u cuinem: are' wa' ri u bi'.

Ri Zacariy 2:12

Ri Ajawaxel cubana chi rech che ri Juda ri rech can nabe ri sibalaj nim u k'ij pa ri tastalicalaj ulew, xukuje' cuya' chi na c'ac' u tzijol ri Jerusalen jacha' u tinimit ri cha'talic.

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Ri Isaiy 19:25

Ri Ajawaxel ri c'o ronojel u cuinem quebutewichi'j na, cubij c'u na: “Ri in quintewichi'j ri Ejipt, ri nu tinimit, ri Asiriy ri nu banom cuc' ri nu k'ab, xukuje' ri Israel ri wechbal.”

Ri Jeremiy 46:18

In, chi in ri ajawinel, Ajawaxel c'ut ri nu bi' ri c'o ronojel u cuinem, quinban ri chi'nic ri kas cäban na rumal ri nu c'aslemal: Jacha' ri Tabor ri walijinak chquixo'l tak ri juyub, xukuje' jacha' ri Carmel, walijinak puwi' ri plo, je u banic wa' ri c'ulel ri cäpe na.