Ri Jeremiy 10:11 - Quiché Bible

¹¹ (Ix, israelib, chibij chque tak ri e k'ijilal diosib: “Ri diosib ri man e are' taj xebanow ri caj mawi ri ulew casach na qui wäch cho ri uwächulew; mawi jun chque cacanaj ta can chuxe' ri caj.)”

Ri Jeremiy 10:11 Referans Kwoze

Salmib 96:5

Ri e qui diosib ri jule' tak tinimit chic man c'o ta jas ri quecuin ta che u banic, are' c'u ri Ajawaxel, are' xebanow ri caj.

Ri Isaiy 2:18

cusach c'u na qui wäch conojel ri diosib.

Ri Zacariy 13:2

Pa ronojel we ulew ri' quinsachisaj na qui wäch xukuje' ri qui bi' tak ri diosib, rech man cätakex ta chic qui nataxic. Xukuje' quebenwesaj na chupam ri ulew ri e k'axal tzij xukuje' ronojel tz'ilalaj uxlabal. In, ri Ajawaxel, quinya' ri nu tzij.

Ri Soponiy 2:11

Ri Ajawaxel cux na xibibal chque. Cusachisaj na qui wäch conojel ri e u diosib ri ulew, cäk'ijilax c'u na ri are pa ronojel c'olbal, xukuje' ne cumal ri winak ri e c'o chquipam ri ch'akatak tak ulew ri e c'o tak chupam ri plo.

Juyuwem 3:66

Chebeterenej la pa cakan ruc' oyowal, Ajawaxel, ¡bana' la chi chsach qui wäch cho we uwächulew ri'!

Ri Jeremiy 51:18

e jastak ri man c'o ta jubik' qui patan, tze'bal qui wäch, chi ri Ajawaxel Dios, pa ri k'atan tzij cuchupisaj na qui wäch.

Ri Jeremiy 10:15

e banoj ri man c'o ta qui patan, e yabal tak tze', casachisax c'u na qui wäch rumal ri Ajawaxel pa ri k'atan tzij.

Apocalipsis 20:2

Xuchap ri awaj dragon, ri ojer cumätz, are' ri itzel ri Satanas. Jun mil junab c'ut xuximo.

Nabe Samuel 5:4

Xebopan chi c'u ri aj Asdod chucab k'ij, xequirika' chi jumul ri Dagon tzakinak cho ri ulew chuwäch ri u caxa ri Ajawaxel. K'ipk'obinak chic ri u jolom xukuje' e k'ajinak chic ri quieb u k'ab e yo'm puwi' ri apal. Xuwi ri u cuta'mil ri Dagon xcanajic.

Ri Isaiy 57:12

Quinwesaj c'u na u tzijol ri a c'aslemal, ri at cachomaj chi sibalaj at tz'akat.

Ri Jeremiy 43:12

Cut'ik na k'ak' chque tak ri cachoch ri diosib re Ejipt, xukuje' cut'ik na k'ak' chque tak ri qui diosib o quec'am na bic je ta ne cäban winak chque ri quech'äctaj chupam ri ch'o'j. Cujosk'ij na ri ulew re Ejipt jacha' jun ajyuk' ri cujosk'ij ri ratz'iak ri e c'o sakuc' che, cabe c'ut man c'o ta c'u jachin jun cäk'atinic.

Ri Jeremiy 43:13

Chila' pa ri rachoch ri k'ij ri c'o pa Ejipt ri are' quebukasaj na ri e qui rakan tak ja ri xequik'ijilaj, cut'ik c'u na k'ak' chque tak ri cachoch ri e qui diosib ri aj ejiptib.’ ”

Ri Jeremiy 50:2

“Chiya' retamaxic wa', chiya' retamaxic chquixo'l ri nimak tak tinimit. Chiwalijisaj ri etal re u ya'ic tzijol; c'o mic'u' canok. Chibij: ‘¡Ri Babilon xch'äcatajic! ¡Ri dios Bel xcanaj pa q'uixbal, ri dios Marduc xch'äcatajic! ¡Ri e u diosib ri xa' e subunelab tak diosib, xecanaj pa q'uixbal xech'äctajic!’

Ri Ezequiel 30:13

In, ri Ajawaxel, quinbij: Quinsachisaj qui wäch ri e diosib, quenq'uisa' c'u tzij paquiwi' tak ri e subunelab tak diosib ri e c'o pa Memps. Ri Ejipt man cac'oji' ta chic u k'atal tzij, quinnojisaj c'u na ri ulew che xe'n ib.