Ri Jeremiy 10:10 - Quiché Bible

¹⁰ Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Ri Jeremiy 10:10 Referans Kwoze

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Salmib 76:7

¡Ri lal lal xibibal! ¿Jachin ta ri cäcuinic cutac'aba' rib chwäch la aretak lal oyowarinak?

Ri Nahum 1:6

¿Jachin ta lo ri cacuinic cätaq'ui' ta chuwäch ri royowal? ¿Jachin ta lo ri cach'ijow ri royowal? Ri u c'anal cätixtob na jacha' k'ak', quequiban c'u cacab ri nimak tak abaj.

Salmib 42:2

Cächaki'j nu chi' che ri Dios, ri Dios ri cuya' c'aslemal. ¿Jampa' lo ri quinetac'al chi chuwäch ri Dios?

Salmib 100:5

Utz c'ut ri Ajawaxel; ri u lok'ok'ebal c'u'x junalic, ri u jiquil man c'o ta u q'uisic.

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.

Salmib 31:5

Pa k'ab la quinjach wi ri wuxlabal; ¡chinto'tajisaj la, Ajawaxel, Dios, aj kastzij!

Salmib 10:16

Ri Ajawaxel are Ajawinel chbe k'ij sak; ri e k'ijilal tak diosib quebesax na bic chupam ri rulew.

Salmib 18:7

Xuban c'u jun nimalaj cabrakan cho ri ulew: xeyicop ri qui tac'alibal tak ri juyub; xeyicya'x rumal ri royowal ri Ajawaxel.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Hebreos 10:31

Xibibal wa' we cäkaj jun pa ri u k'ab ri c'aslic Dios.

1 Timoteo 1:17

Ri Dios are ri Ajawinel chbe k'ij sak, man cäsach ta u wäch, man quilitaj ta u wäch. Ri are xa' jun Dios, man c'o ta chi jun. Chnimarisax u k'ij, chyok juluwem che amak'el chbe k'ij sak. Je chbanok.

1 Tesalonicenses 1:9

Kas e are' c'ut quetzijon ri solinic ri xkaban chiwe, ri utzalaj ka c'ulaxic xibano xukuje' ri e qui ya'ic tak can ri e diosib che u ternexic ri kas c'aslic Dios xukuje' ri u chaplexic u patanixic.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Ri Malaquiy 3:2

¿Jachin ta c'u lo ri cacuinic cuk'i' ri k'ij re ri u petic? ¿Jachin ta c'u lo ri cacuinic cutac'aba' rib? Copan c'u na jacha' jun k'ak', che ka ch'ajch'ojirisaxic; cux na jacha' jun ch'ipak ri queresaj na tak ri e ka tz'ilol.

Ri Habacuc 3:6

Ri ulew cäyicopic aretak ri are' cätaqui'c; quebirbob ri nimak tak tinimit aretak quebuca'yej; ri e ojer tak juyub quewulijic queja'r c'ut ri ojer tak juyub; e are' tak c'ut ri e u be ri Dios e re chbe k'ij sak.

Ri Miquey 1:4

Chquixe' tak ri rakan quelebebic tak na ri juyub jacha' ri xcab ri cäcoj puwi' ri k'ak', e are tak c'ut ri beya' quejakjob na pa cacab je ta ne ri queramix ta rumal jun nimalaj nima'.

Salmib 146:6

Are' xbanow ri caj, ri ulew, ri plo, xukuje' conojel ri e c'o chquipam. Ri are' amak'el u jekebam ri u tzij.

Salmib 145:13

Ri ajawibal la are jun ajawibal re chbe k'ij sak, ri k'ijinic la re k'ij junab.

Salmib 114:7

¡Chatbirbobok at, ulew chuwäch ri Ajawaxel, ri u Dios ri Jacob!

Salmib 104:32

Ri uwächulew cäyicopic aretak cäcäyex rumal; ¡ri juyub cäquesaj sib aretak cächap rumal!

Salmib 97:4

Ri e u caypa' caquisakarisaj ri uwächulew; ¡ri ulew cäyicopic aretak cärilo!

Salmib 93:2

Ri tem la re ajawibal co jekelic ojer petinak ulok, Ajawaxel. ¡Ri lal, ojer ulok lal c'olic!

Salmib 90:11

¿Jachin ta ri retamam ri u tokinic ri oyowal la? ¿Jachin ta ri retamam ri c'anal la?

Salmib 84:2

¡Sibalaj quincäm che u rayixic ri c'olem chupam ri uwo ja rech ri achoch la! ¡Ruc' ronojel ri wanima' quinbixon che ri Dios ruc' quicotemal, ri ajchak'e ri c'aslemal!

Salmib 77:18

Xetataj ri cakulja la pa ri salc'um; xsakar ri uwächulew cumal tak ri caypa' la, ri uwächulew xyicop cumal tak cabrakan.

Ri Job 9:6

Ri are' cubano chi cayicop ri ulew queslabetaj c'ut ri e u tac'alibal.

Ucab Tzijobelil 15:3

Ri Israel q'ui k'ijol canajinak man c'o ta ri kas Dios ruc', man c'o ta cojol tabal tok'ob catijonic man c'o ta tijonic re k'ijilanic cäya' ta che.

Nabe Ajawinelab 18:39

Aretak xilitaj wa', conojel ri winak xquimej quib c'ä xquiya' na ri qui palaj cho ri ulew, xquibij c'ut: “¡Ri Ajawaxel are' ri Dios, ri Ajawaxel are' ri Dios!”

Nabe Samuel 17:36

Pune' ta c'u ne jun coj pune' ta c'u ne os, we pataninel ech la ri' cucämisaj. Are' c'ut we pilistey ri' ri k'ijilal tak diosib je cuc'ulmaj na, u mac rech chi e u tzurum ri e rajch'ojab ri c'aslic Dios.

Nabe Samuel 17:26

Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

K'atal tak Tzij 5:4

Ajawaxel, aretak xel la ulok pa tak ri juyub re Seir; aretak xebeya' la can ri ulew re Edom, xyicop ri ulew, xbirbob ri caj, ri sutz' xquitzokopij ulok ri jäb.

U Camulixic ri Pixab 5:26

¿Jachin ta jun winak c'olic ri cäcuinic cutatabej ri u ch'abal ri c'aslic Dios ri cäch'aw pa u niq'uiajil ri k'ak', jas ri xkata' uj ri ma ta cäcämic?

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Ri Matey 26:63

Ri Jesus c'ut man xch'aw taj. Ri qui nimal ri e cojol tabal tok'ob xubij che: “Pa ri u bi' ri c'aslic Dios, rajawaxic cabij chke we at ri' ri Crist, ri u C'ojol ri Dios.”

Ri Matey 16:16

Ri Simon Lu' xubij che: “Lal ri' ri Crist, ri u C'ojol ri c'aslic Dios.”

Ri Habacuc 3:10

Ri tacatak tak juyub queyicopic aretak quil la cumal; quetzokopitaj ulok ri nimak tak jäb cho ri caj, ri choalaj plo cäjininic ri u jininem quebuyac c'ut ri nimak tak u rekbala'.

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Daniel 4:3

¡Sibalaj e nimak ri e u cajmajibal xukuje' ri e u mayibal! Ri rajawinic man c'o ta u q'uisic, ri u cuinem cätaken na ija'lil chi ija'lil.

Ri Jeremiy 23:36

Mucoj chi c'ut ri tzij ‘u chilibenic ri Ajawaxel’, we c'u ne c'o jachin jun cacojowic, quinban na chi ri e u tzij quebux jun chilibenic. Ix i q'uexom ri quel caquibij ri u tzij ri c'aslic Dios, ri rech ri i Dios, ri Ajawaxel ri c'o ronojel u cuinem.

Ri Isaiy 37:17

Kas tatabem la, Ajawaxel, chtatabej c'u la. Chjaka' ri bak'wäch la Ajawaxel chila' c'u la. Chtatabej la ri tzij ri xutak ulok u bixic ri Senaquerib chwe, c'axalaj tak tzij ri xubij ulok ronojel che yok'ic la ri c'aslic Dios.

Ri Isaiy 37:4

C'o ta banom wi xuta' ta ri Ajawaxel ri a Dios ri tzij ri xubij ri qui nimal ajch'ojab ri xtak ulok rumal ri rajaw, ri ajawinel aj Asiriy, che u yok'ic ri c'aslic Dios. C'o ta banom wi cäc'äjisax u wäch rumal rech ri tzij ri kas xuta' ri Ajawaxel ri a Dios. Chabana' ba jun ch'awem ruc' Dios paquiwi' ri c'ä e c'o canok.”

Salmib 68:11

Ri Ajawaxel xuya' jun c'ac' tzijol; e q'ui ixokib xquiya' u bixic:

Chapletajic 21:33

Chila' pa Beerseb ri Abraham xutic juwi' che, jun tamarin, xuya' c'u u k'ij ri u bi' ri Ajawaxel, ri junalic Dios.

Nabe Ajawinelab 8:60

Rech conojel ri nimak tak tinimit ri e c'o chuwäch ri uwächulew chquich'obo chi ri Ajawaxel are' Dios man c'o ta chi c'u jun.

Salmib 29:10

Ri Ajawaxel cätakan puwi' ri jäb; ¡ri Ajawaxel are' ajawinel ri c'o u takanic chbe k'ij sak!

Salmib 68:8

ri ulew xyicopic; xpe jäb chicaj, ri Sinai xyicop chuwäch ri u Dios ri Israel.

Salmib 90:2

C'ä majok cheq'uiy tak ri juyub, c'ä majok chc'oji' ri ulew xukuje' ri niq'uiajsak, pa tak ri k'ijol ojer petinak ulok c'ä pa ri q'uisbal tak k'ijol, lal lal Dios.

Ri Isaiy 40:15

Che are' ri nimak tak tinimit xak e junam ruc' jutz'ut ja', jacha' jun u bak'wäch ulew chupam ri pajbal ri tinimit tak ri e c'o chupam tak ri plo xak e junam ruc' jun u bak'wäch sanyeb.

Ri Isaiy 65:16

Apachin ta ne ri c'o pa ri ulew ri cutz'onoj jun tewichibal, cutz'onoj na che ri Dios ri jic apachin ta ne ri c'o pa ri ulew ri cuban jun chi'nic ri kas cäban na, cuban na pa ri u bi' ri Dios ri jic. Ri c'axc'ol ri e re ojer xeboc'owic, man quec'utun ta chi chnuwäch.

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Jeremiy 4:24

Xebenwil tak ri juyub, cätajin c'u queyicopic; conojel ri qui wi' tak ri juyub quebirnajic.

Ri Jeremiy 50:46

Ri u tzakic ri Babilon sibalaj c'o na ri rok'ibal ri cubano, chi cäslab na ri ulew cumal, ri e u rakoj tak chi'aj quetataj na pa ri jule' nimak tak tinimit chic.”

Ri Jeremiy 51:29

Cäyicop ri ulew xukuje' cabirbibic, rumal rech chi ri Ajawaxel cätajin cutz'akatisaj ri u chomam u banic chi cujalwächij ri Babilon pa jun xibibalalaj chaki'j uwo sak.

Ri Josue 3:10

Are' cac'utuw wa' chi ri c'aslic Dios c'o pa i niq'uiajil, quebupac c'ut ri aj cananeyib ri quebirik pa ri i be, ri aj hititib, ri aj hebeyib, ri aj perezeyib, ri aj jerjeseyib, ri aj amoreyib xukuje' ri aj jebuseyib.

Nabe Tzijobelil 29:11

¡E ech la, Ajawaxel, ri nimalil, ri cuinem, ri juluwem, ri ajawinic xukuje' ri nimalaj banic la! Rumal rech chi ronojel ri c'o pa ri caj xukuje' ri c'o pa ri uwächulew e ech la. Ech la xukuje' ri ajawinic, lal Ajawaxel nim na k'ij la chquiwäch conojel.

Salmib 9:8

Cuk'at na tzij puwi' ri uwächulew ruc' suq'uilal, cuban na suc'alaj k'atan tzij chque tak ri tinimit.

Salmib 74:12

Ojer ulok, lal ri' ri lal wajawinel; Lal, nu Dios, xerik la q'ui tak ch'äcanic pa u niq'uiajil ri uwächulew:

Salmib 76:8

Pa ri caj cäc'ut wi la ulok ri k'atan tzij la; ri uwächulew cuxe'j rib xak jun chi cac'oji' wi,

Salmib 100:3

¡Chich'obo' chi Dios ri Ajawaxel; are' xujbanowic, uj c'u rech; uj u tinimit xukuje' uj u chij re ri u yuk'bal!

Ri Isaiy 40:28

¿La xa pa u ma ta aweta'm? ¿La ma ta a tom? Ri Ajawaxel, ri junalic Dios, ri xbanow ronojel ri uwächulew, man cächukchub ta mawi cäcosic ri retamanic man c'o ta u q'uisic.

Ri Daniel 6:27

Are' ri Colonel xukuje' ri Toronel; ri quebuban tak etal ri e mayibal pa ri caj xukuje' cho ri uwächulew. Are' xcolow ri Daniel pa qui chi' ri coj.”

Ri Nahum 1:5

Chuwäch are' quebirbob ri c'ache'laj; ri tac'atak tak juyub queja'r chuwäch ri u wächbal. Ronojel ri ulew cabirbobic aretak carilo; ronojel ri uwächulew xukuje' conojel ri e jekel chuwäch.