Ri Jeremiy 10:1 - Quiché Bible

¹ Chattatabenok, tinimit aj Israel, we tzijol ri' ri cutak u bixic ri Ajawaxel chawe.

Ri Jeremiy 10:1 Referans Kwoze

Apocalipsis 2:29

Apachin ri c'o u xiquin, chutatabej ri cubij ri Uxlabaxel chque ri e comon cojonelab.’ ”

1 Tesalonicenses 2:13

Rumal ri' xukuje' ri uj man cäkatanaba' ta ri ka maltioxinic che ri Dios, rumal chi aretak xic'am ri u tzij ri Dios ri xkatzijoj chiwe, man xic'am taj jas ri u tzij winak. Xane' xic'amo jas ri kastzij, are ri u tzij ri Dios, ri xukuje' cächacun pa ri i c'aslemal ri quixcojonic.

Ri Amos 7:16

Rumal ri' chatatabej ri u tzij ri Ajawaxel. Ri at cabij chwe: ‘C'o maya' u bixic pa u bi' ri Dios chi cuc'ulmaj na ri Israel, mawi c'o jas mabij chi cuc'ulmaj na ri rija'lil ri Isaac.’

Ri Osey 4:1

Aj israelib, chitatabej ri cubij ri Ajawaxel. Ri are' u jekebam jun ch'o'j cuc' ri e jekel chupam we ulew ri', rumal rech chi man c'o ta ri jicomal waral chquixo'l ri winak, mawi jiquil mawi ri retamaxic u wäch ri Dios.

Ri Jeremiy 42:15

chitatabej ba' ix, ri ix aj Juda ri ix canajinak, ri cubij ri Ajawaxel ri c'o ronojel u cuinem, ri u Dios ri Israel: ‘We ri ix are quiwaj quixejekel pa Ejipt,

Ri Jeremiy 22:2

chuwäch ri rajawinel ri Juda, ri t'uyul puwi' ri u tem re ajawibal ri David, chquiwäch c'ut ri rach k'atal tak tzij xukuje' ri winak re ri tinimit: ‘Chitatabej ri cubij ri Ajawaxel.

Ri Jeremiy 2:4

Rija'lil tak ri Jacob, achalaxic tak aj Israel, chitatabej ri u tzij ri Ajawaxel.

Ri Isaiy 28:14

Chitatabej ba' ri cubij ri Ajawaxel achijab ri man c'o ta jubik' i q'uixbal ri quik'at tzij puwi' we tinimit ri' ri Jerusalen.

Ri Isaiy 1:10

Takanelab re Sodom, chitatabej ri cubij ri Ajawaxel; tinimit re Gomor kas chaya' a xiquin che ri cuc'ut na ri ka Dios chawäch.

Salmib 50:7

“¡Chatampe', nu tinimit, Israel; quebenya' ri jastak chisak chawäch! ¡In Dios, ri a Dios!

Nabe Ajawinelab 22:19

Xutik chi c'ut ri Micaiy: “Rumal wa' we bim la ri', chtatabej la ri cubij ri Ajawaxel: Xinwil ri Ajawaxel t'uyul puwi' ri u tem re ajawinel, xukuje' conojel ri e c'o chicaj ri e tac'atoj, chunakaj, pa ri u wiquiak'ab pa ri u mox k'ab.

Ri Jeremiy 9:26

Ri Ejipt, Juda, Edom, Amon xukuje' ri Moab, xukuje' conojel ri e jekel chupam ri chaki'j uwo sak caquisocaj c'u ne tak ri qui wi' xe' tak qui xiquin. Conojel c'ut we tinimit ri', xukuje' c'u ne ronojel ri tinimit Israel man cojon ta quetal re kopinic pa ri canima', xane' kas e k'ijilal tak diosib ruc' ronojel canima'.”

Ri Jeremiy 10:2

Ri Ajawaxel cubij: “Mitakej qui banic ri caquiban ri jule' nimak tak tinimit chic mawi mixe'j tak iwib chque tak ri etal cho ri caj, jacha' ri caquiban we nimak tak tinimit ri'.

Ri Isaiy 40:18

¿Jachin ruc' qui junamaj wi ix ri Dios? ¿Ruc' jachique wächbal qui c'utbej re ri u banic?

Ri Isaiy 44:6

Ri Ajawaxel, ri ajawinel xukuje' torol c'u re ri Israel, ri Ajawaxel ri c'o ronojel u cuinem cubij: “In ri nabe xukuje' ri q'uisbal chnuwäch in man c'o ta chi jun dios.