Ri Jeremiy 1:8 - Quiché Bible

⁸ Maxe'j awib chuwäch apachin jun, quinc'oji' c'u na awuc' che a to'ic. In ri Ajawaxel quinya' ri nu tzij.”

Ri Jeremiy 1:8 Referans Kwoze

Ri Josue 1:5

Man c'o ta jun cacuin ta che a ch'äquic pa ronojel ri a c'aslemal, are' c'u ri in quinc'oji' na awuc' jacha' xinc'oji' ruc' ri Moises, man catinya' ta canok mawi jubik' catinwonoba' ta canok.

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Ri Isaiy 51:7

Chinitatabej, ix ri iweta'm jachique ri suq'uilal, tinimit ri quixoc il che retamaxic ri no'jibal ri quinya'o. Mixe'j iwib chuwäch ri qui yok'onic ri winak, mawi mixk'itaj rumal ri itzel tak tzij ri cäquibij,

U Camulixic ri Pixab 31:6

Chc'ol i chuk'ab xukuje' co chixc'olok; mixe'j iwib maoc xibriquil iwuc', aretak quixch'ojin cuc', c'o c'u ri Ajawaxel ri i Dios iwuc', man quixutzak ta c'u canok mawi quixuxutuj canok.”

Hechos 4:13

Aretak ri e nimak tak tatayib xquilo chi ri Lu' xukuje' ri Xuan man cäquixe'j ta quib quech'awic; xukuje' xquilo chi xak e winak ri man c'o ta quitijom wi quib quemayijinic; queta'm c'u qui wäch chi xec'oji' ruc' ri Jesus.

U Camulixic ri Pixab 31:8

Kas c'u are ri Ajawaxel cänabej na chawäch, cäc'oji' na' awuc'; man catutzak ta canok mawi catuxutuj canok, rumal ri' maxe'j awib mawi mat birbitic.”

Elem 3:12

Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”

Hechos 18:10

Ri in in c'o awuc'. Man c'o ta jun cäcuin che u banic c'ax chawe. E c'o c'u q'ui nu winak chupam we tinimit ri'.”

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

Hechos 26:17

Catinwesaj na pa qui k'ab ri a winakil xukuje' pa ri qui k'ab ri man aj judeyib taj, cuc' c'u wa' catintak wi na bic,

Hechos 4:29

Camic c'ut, Kajaw, chilampe' la. Qui bim chi cäquiban c'ax chque ri ajchaquib la. Ya' la chque ri e pataninel tak ech la chi cäquicoj qui chuk'ab che u bixic ri tzij la, ma ta cäquixe'j quib.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Matey 10:26

“Je c'u ri' mixe'j iwib chquiwäch ri winak, man c'o ta jun jasach ch'ukutalic ri ma ta quel na chisak, man c'o ta jun jasach c'utalic ri ma ta quetamax na.

Ri Jeremiy 20:11

Are c'u ri lal, Ajawaxel, lal c'o wuc' jacha' jun ajch'o'j ri man cäch'äctaj ta wi; ri caquitzucuj ri nu kajic pa qui k'ab, cäquichak'ij na quib; quech'äctaj na, quel c'u na qui q'uixbal, xa' c'u jumul cäcanaj ri qui q'uixbal paquiwi' ri elinak, man casachisax taj.

Ri Jeremiy 1:17

Are c'u ri at chc'ol a chuk'ab; Jät jabij c'u chque ronojel ri catintak wi. Maxe'j awib chquiwäch, we c'u man jewa' cabano quinban na chawe chi catbirbit chquiwäch.

Ri Isaiy 51:12

“In, kas in, quinyo'w u chuk'ab ri awanima'. ¿Jachin chquiwäch caxe'j ta wi awib? ¿La chquiwäch ri winak? ¿La chquiwäch ri winak ri xa quecämic ri xa e junam ruc' ri k'ayes?

Efesios 6:20

Ri Dios in u takom che u tzijoxic we utzalaj tzij ri'. Rumal c'u wa' in c'o pa che'. Chibana' ch'awem panuwi' rech man quinxe'j ta wib, quintzijoj jas ri takal u banic wumal.

Ri Jeremiy 1:19

Ri e are' quech'ojin na awuc', man c'u catquich'äc ta na quinc'oji' c'u na awuc' che a to'ic. In, ri Ajawaxel, quinya' ri nu tzij.”

Ri Jeremiy 30:11

In, ri Ajawaxel, quinjiquiba' u bixic chi in c'o awuc' che a to'tajisaxic. Quebensachisaj na qui wäch ri nimak tak tinimit ri xatinjabuj chquixo'l. Man c'u quinsachisaj ta na a wäch at; xuwi quinc'äjisaj a wäch jas ri takal chawe: man catinya' ta canok we ta mat quinc'äjisaj a wäch.”

Ri Jeremiy 39:11

Ri ajawinel Nabucodonosor re Babilon xuya' che ri Nabuzaradan takanel paquiwi' ri chajinelab, we takanic tak ri' ri chubana' che ri Jeremiy:

Ri Jeremiy 42:11

Mixe'j ba' iwib chuwäch ri ajawinel re Babilon, ri sibalaj quixe'j iwib chuwäch. Mixe'j iwib chuwäch, rumal rech chi in c'o iwuc' che i to'tajisaxic xukuje' che iwesaxic chuxe' ri u cuinem. In, ri Ajawaxel, quinjiquiba' u bixic.

Ri Daniel 3:17

“Ri ka Dios, ri cäkak'ijilaj, cäcuinic cujuto'tajisaj na man c'o ta cuban na ri rak' ri k'ak' ri c'o chupam ri jorno xukuje' chuwäch ronojel ri c'ax ri caj la cäban la chke, cujuto'tajisaj c'u na.

Ri Daniel 3:25

“In quebenwil quiejeb achijab e quiritajinak, ri quebin pa u niq'uiajil ri k'ak', man c'o ta c'u jas cäquic'ulmaj, ri ucaj winak junam u banic ruc' jun tako'n aj caj.”