Ri Jeremiy 1:16 - Quiché Bible

¹⁶ Are c'äjisabal wächaj wa' ri quinya' u bixic chi cäpe na paquiwi' we ajmaquib ri' ri in quixutum, ri xequiporoj c'oc' k'ol xukuje' xequik'ijilaj diosib ri e jule' chiwi ri kas e are' xebanowic.

Ri Jeremiy 1:16 Referans Kwoze

Ri Jeremiy 19:4

Rumal rech chi ri aj israelib xinquitzak canok xquijalwächij c'ut we c'olbal ri' pa jun ulew chic; chupam xquichi'j wi c'oc' k'ol chque tak ri e jule' diosib, ri man quetamam ta qui wäch mawi ri e are' mawi ri e qui mam mawi tak ri e ajawinelab re Juda, xquinojisaj c'u che qui quiq'uel winak ri man c'o ta qui mac.

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Hechos 7:41

Pa tak ri k'ij ri', xquiban jun dios ri junam ruc' jun alaj ama' wacax, xquichi'j c'u tabal tok'ob che ri qui dios, xquiban jun nimak'ij che u ya'ic u k'ij ri xquiban ruc' ri qui k'ab.

Ri Isaiy 2:8

¡Xukuje' e nojinak chque tak ri e diosib! Ri winak quequik'ijilaj ri diosib ri e qui banom ruc' ri qui k'ab, ri e qui banom cuc' ri u wi' tak qui k'ab.

U Camulixic ri Pixab 28:20

Ri Ajawaxel cutak na ulok c'okonic pawi', sachbal c'u'x xukuje' elem ch'u'j pa ronojel ri cabano, xa c'u pa quieb oxib k'ij cäsach na a wäch, rumal rech chi a xutum can ri Ajawaxel cumal ri itzel tak a banoj.

Ri Osey 11:2

Aretak c'u xincäm che u siq'uixic; xa' sibalaj cunajtajisaj rib chnuwäch. Ri nu tinimit xebuchi'j tabal tak tok'ob chque ri diosib ri e subunelab quequiporoj c'u c'oc' k'ol chquiwäch tak ri diosib.

Ri Jeremiy 44:17

Je c'u ri', cäkatakej na u banic ri chomatajinak u banic kumal. Cäkatakej na u chi'xic c'oc' k'ol xukuje' tak sipanic re u wa'l uva che ri Ajawinel Ixok dios re ri Caj, jacha' ri ka takem ulok u banic c'ä camic xukuje' jacha' ri xequiban ri e ka mam xukuje' tak ri e ka ajawinelab xukuje' xquiban ri e c'amal tak be chquipam ri tinimit tak re Juda xukuje' pa tak ri u xo'l tak ri ja pa Jerusalen. Are c'u ri nabe canok tz'ebetal ri cäkatijo, utz c'u quel ronojel chkawäch man xpe ta c'u jun quiäkasakil pakawi';

Ri Jeremiy 17:13

Ajawaxel lal ri' ri eyebal u c'u'x ri Israel. Ronojel ri catzakow la canok cacanaj pa q'uixbal. Ronojel ri cunajtajisaj rib che la cäsach na u wäch jacha' jun bi'aj ri tz'ibam pa ri puc'uc' ulew, rumal ri tzakic la canok, ri bulbux ja' ri cajororic.

Ri Jeremiy 4:12

ri quiakik' ri quinbano chi cäpe na sibalaj nim na ri u chuk'ab che wa', are c'u ri camic quinya' na u bixic ri cuc'ulmaj na.”

Ri Isaiy 37:19

xukuje' e qui porom ri e qui diosib pa k'ak', rumal rech chi kastzij we e diosib ri', man c'o ta qui patan, xa e che' o e abaj ri e banom cumal ri winak. Rumal ri' xecuin che u sachixic qui wäch.

Ucab Ajawinelab 22:17

Kas in quixutum canok qui porom c'u c'oc' k'ol chquiwäch jule' tak diosib, xa' c'u woyowal caquiyac rumal ronojel ri cäquibano; rumal ri' nicowinak ri woyowal chrij we c'olbal ri', man c'u cächup ta na.

Ri Josue 24:20

We ri ix quixutuj quebipatanij c'u jule' tak diosib chic, cutzalc'atij na rib chiwij cuban na c'ax chiwe, cusachisaj na i wäch pune' c'u e u banom nimak tak utzil chiwe.”

U Camulixic ri Pixab 31:16

Xubij c'u ri Ajawaxel che ri Moises: “Xa' pa quieb oxib k'ij catcäm na, we tinimit ri' cuchuwirisaj na rib cuc' ri qui diosib ri ulew ri man queta'm ta u wäch ri queboc na che rechbexic; quinquixutuj na canok, quinpaxij c'u na ri c'ulwächinic ri nu banom ruc'.

Ri Ezequiel 24:14

In, ri Ajawaxel, nu bim, je c'u cabantaj na. Kas in quinebanowok, man c'u quinya' ta canok ri ma ta quintz'akatisaj u banic; man quintok'obisan ta wächaj mawi quinq'uex nu c'u'x. Quinc'äjisaj na a wäch rumal ri a c'aslemal xukuje' ri e a banoj. In, ri Ajawaxel, quinjiquiba' u bixic.’ ”

Ri Jeremiy 51:17

Man c'o ta u no'j xukuje' man c'o ta retamanic ronojel winak. Ri quebanow diosib quekaj na pa q'uixbal: e subunelab tak wächbalil ri man c'o ta qui c'aslemal;

Ri Jeremiy 16:11

At chatzelej u bixic chque: ‘Ri Ajawaxel cujiquiba' u bixic: Wa' cäc'ulmatajic rumal rech chi ri e i mam xinquitzak canok xebe che qui terenexic diosib, che qui ya'ic tak k'ijilanic chque xukuje' che u ya'ic tak qui k'ij; are c'u ri in xinquitzak canok man xequitz'akatisaj ta c'u qui banic tak ri pixbenic ri xebenya' chque.

Ri Jeremiy 15:6

At xinaxutuj canok, are xaya' can ri awij chnuwäch. In, ri Ajawaxel quinjiquiba' u bixic. Rumal ri' in, in k'itajinak che ri coch'onic, quinwalijisaj na ri nu k'ab che u c'äjisaxic a wäch, quinsachisaj c'u na a wäch.

Ri Jeremiy 11:17

In, ri Ajawaxel ri c'o ronojel u cuinem, ri xintiq'uiba', nu yo'm c'u takanic chi cape ri u q'ueyowal puwi' qui mac quech tak ri etzelal ri xebuban ri Israel xukuje' ri Juda, in quic'axc'obisam aretak caquichi'j c'oc' k'ol che ri Baal.”

Ri Jeremiy 11:12

E are c'u ri winak ri e aj Juda xukuje' ri e jekel pa Jerusalen quebe na che u tz'onoxic to'banic chque ri diosib chque ri xquichi'j wi c'oc' k'ol, man quecuinta c'u wa' che qui to'ic aretak e c'o chupam ri u c'axc'ol.

Ri Jeremiy 10:15

e banoj ri man c'o ta qui patan, e yabal tak tze', casachisax c'u na qui wäch rumal ri Ajawaxel pa ri k'atan tzij.

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Ri Jeremiy 5:9

¿La ma ta c'u lo chinc'äjisaj qui wäch cumal tak we jastak ri'? ¿La ma ta quinya' na ri takal che ri tinimit ri je cuban wa'?

Ri Jeremiy 4:28

Ri ulew cänoj na che bis xukuje' ri caj cak'ekar na ri u wäch. In ch'awinak, man quinq'uex ta c'u nu tzij; xa' jumul nu bim man quintzelej ta c'u wib chwij.

Ri Jeremiy 2:17

Je a c'ulmam wa' rumal rech chi xinaq'uiak canok ri in, ri in ri Ajawaxel ri a Dios ri quinc'am c'u a be chupam ri be.

Ri Jeremiy 2:13

Ri nu tinimit quieb u wäch ri mac u banom: in u q'uiakom canok in, u q'uiyibal c'aslic ja', xequic'ot c'ut ri kas e qui c'ua', c'ua' tak ri e xarxobinak ri man quequic'ol ta ri ja'.”

Ri Isaiy 65:3

jun tinimit ri cämacun kas chinupalaj amak'el quebuya' tabal tok'ob chquiwäch ri diosib ri e c'o pa tak ri ticbal cotz'i'j, caporoj c'oc' k'ol paquiwi' tak porobal re alaj tak porom xan;

Ri Isaiy 44:15

Quepe c'u ri winak cäquicoj che u banic qui k'ak', cäquic'am bic ch'akatak che u mik'saxic quib cäquic'am chi bic niq'uiaj che u chak'ajisaxic ri qui wa, cäquic'am chi bic niq'uiaj che u banic u wächbal jun dios, quexuqui' c'u chuwäch che u k'ijilaxic.

Ucab Tzijobelil 34:25

In c'u qui tzakom canok qui porom c'u c'oc' k'ol chquiwäch tak diosib, qui yacom c'u woyowal cumal tak ri quequichacuj; rumal ri' tzijtajinak ri woyowal puwi' we c'olbal ri', man c'u cachuptaj ta na.

Ucab Tzijobelil 15:2

xel bic che u c'ulaxic ri As che u bixic che: “¡Chintabej la, As, xukuje' conojel ri aj Juda xukuje' ri aj Benjamin! Ri Ajawaxel c'o uc' alak, we c'o alak ruc'. We c'u cäya' can alak, cärik na alak; we c'u catzakan alak, xukuje' ri are' cäya' can alak rumal.

Ucab Tzijobelil 7:19

We c'u ri ix quitas iwib chwij, man quebitz'akatisaj ta c'ut ri pixab xukuje' tak ri takomal ri nu yo'm chiwe, xane' quebipatanij xukuje' quebik'ijilaj jule tak diosib chic,

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.

Apocalipsis 9:20

Ri jule' winak chic ri man xecämisax ta cumal we c'axc'olil ri', man xquiq'uex ta c'u ne ri qui c'u'x mawi xequitanaba' qui banic ri e itzel tak chac ri quequibano, mawi xquitanaba' ri qui k'ijilaxic ri itzel tak uxlabal xukuje' ri e diosib ri e re k'an puak, e re sak puak, e re k'an ch'ich', e re abaj xukuje' e re che'. Ri e diosib ri' man quecuin taj queca'yic, mawi quetanic, mawi quebinic.

Ri Jeremiy 2:28

Juda, ¿jawije' tak e c'o wi ri diosib ri xebaban chawe? ¡E q'ui ri a diosib e c'olic e jacha' tak ri tinimit! ¡Chepet ba' ri e are', cakil c'ut we quecuin che a to'tajisaxic aretak chpe ri u q'ueyowal!

Ri Jeremiy 10:3

Ri qui cojonic we tinimit ri' man c'o ta qui patan. Caquit'oy jun cuta'm chupam ri c'ache'laj, jun k'olol dios cujos ruc' jun ch'ich',

Ucab Tzijobelil 28:2

xane' are xutakej u banic rech ri xequiban tak ri ajawinelab re Israel, xukuje' xebuban c'u tak u e wächbal ri Baal pa k'ak',

Ri Jeremiy 2:19

Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Ri Jeremiy 7:17

¿La ma ta cawil ri caquiban chquipam tak ri tinimit re Juda xukuje' xo'l tak ri ja pa Jerusalen?

Ri Jeremiy 7:18

Ri alabom caquimol ri si', ri tataxelab caquitzij ri k'ak', ri ixokib caquisuc'umaj ri k'or che qui banic tak ri lej ri caquichi'j c'u che ri ixok dios ri cäbinax ajawinel ixok re ri caj che cumal. Quinquic'axc'obisaj, quequichi'j c'u ne u wa'l uva chque tak diosib.

Ri Jeremiy 18:15

Are c'u ri nu tinimit in sachinak pa u jolom, quebuchi'j c'u c'oc' k'ol chque ri xa' e subunelab tak diosib. U jaluch'um ri u be, ri ojer u be, e u takem c'u tak be ri man e etamatal taj.

Ri Ezequiel 16:18

xebacoj tak ri awatz'iak ri je'l tak qui ca'yebal chquij xachi'j c'u ri waseit chquiwäch xukuje' ri nu c'oc' k'ol.