Ri Jeremiy 1:14 - Quiché Bible

¹⁴ Xubij c'ut ri Ajawaxel chwe: “Kas pa ri riquiak'ab ri elebal k'ij catixtob wi ulok ri nimalaj c'axc'ol paquiwi' conojel ri winak re we ulew ri'.

Ri Jeremiy 1:14 Referans Kwoze

Ri Jeremiy 10:22

¡Chixtatabenok! ¡Cul jun tzijol! Re jun ulew ri c'o pa ri iquiak'ab petinak jun nimalaj tininem ri quebujalwächij tak ri tinimit tak ri e re Juda pa jun chaki'j uwo sak ri xuwi xex tak awaj quec'oji' na chupam.”

Ri Jeremiy 6:1

Winak ri ix aj rulew ri Benjamin, ¡chitzucuj c'ubal iwib, chixanimaj chiya' can ri Jerusalen! Chiwok'esaj ri trompet pa Teco, chiwalijisaj jun etal pa Bet-aquerem, rumal rech chi jun u q'ueyowal, jun nimalaj c'axc'obic, caxibin ulok kas pa ri riquiak'ab ri relebal k'ij.

Ri Jeremiy 4:6

Chiwalijisaj ri etal chic'utu' chusuq'uil ri Sion; ¡chitzucuj to'bal iwib, mibey iwib! Quinc'am c'u na ulok pa ri riquiak'ab ri elebal k'ij nimalaj u q'ueyowal xukuje' sachbal wächaj.

Ri Isaiy 41:25

Xinbano chi xuc'ut rib jun achi pa elebal k'ij xinsiq'uij ruc' ri u bi', copan c'u pa u mox relebal k'ij. Quebuxak'alej ri k'atal tak tzij ri e je ta ne e t'ac jacha' ri cuban ri banal bo'j, ri cuxak'alej ri t'ac cuc' ri rakan.

Ri Ezequiel 1:4

Xinwil c'ut chi petinak jun quiakik' jäb pa ri riquiak'ab ri elebal k'ij; che jun nimalaj sutz' quel wi ulok jun k'ak' jacha' ta ne ri caypa', ri sutim rij rumal jun nimalaj repc'unic. Pa u niq'uiajil ri k'ak' cajuluw jun jasach ri je ta ne jun ch'ich' ri quiäkarinak pa ri k'ak',

Ri Jeremiy 50:41

Kas pa najatak ulew pa ri riquiak'ab relebal k'ij, jun nim tinimit ri sibalaj c'o u chuk'ab xukuje' tinimit ajawinelab caquisuc'umaj quib che qui petic.

Ri Jeremiy 50:9

Quenbana' c'ut chi jumulaj tinimit ri sibalaj c'o qui chuk'ab aj riquiak'ab elebal k'ij junam queboc che u banic ch'o'j chrij ri Babilon. Caquicholajij quib caquich'äc c'u na. E banal tak ch'o'j ri sibalaj c'o qui nawinic, ri quequiq'uiakala' tak ri ch'ab quetaki c'u chque ri quequiq'uiak wi.

Ri Jeremiy 46:20

Ri Ejipt ri je ta ne jun je'licalaj ati't wacax, queletzop c'u rumal jun alaj amalo aj ri riquiak'ab ri relebal k'ij che u tzopic.

Ri Jeremiy 31:8

Quenbana' chiwe chi quixtzelej ulok quiya' can ri ulew re ri iquiak'ab ri elebal k'ij, quixenmulij c'u na ulok pa ri q'uisbal u jutz' ri uwächulew. Quecachilaj ulok ri moyab xukuje' tak ri ch'ocojib, ri ixokib ri e yawab tak winak chic xukuje' ri c'äte xec'oji' tak cal; ¡ri quetzelej ulok e jun tinimit winak!

Ri Jeremiy 6:22

Ri Ajawaxel cubij: “Kas pa naj tak ulew re ri riquiak'ab ri elebal k'ij cusuc'umaj rib ri u petic jun nim tinimit ri c'o u cuinem.

Ri Isaiy 14:31

¡Chiq'uisa' iwib che ok'ej winak aj pilisteyib, chiraka' i chi' rumal k'oxom, chixbirbob rumal xe'n ib! chuwiquiak'ab elebal k'ij quepe wi na jun sibalaj ajch'ojab jacha' jun k'ekalaj sutz', mawi ta c'u ne xa' ta jun achi quel ta na chquixo'l.

Ri Jeremiy 11:17

In, ri Ajawaxel ri c'o ronojel u cuinem, ri xintiq'uiba', nu yo'm c'u takanic chi cape ri u q'ueyowal puwi' qui mac quech tak ri etzelal ri xebuban ri Israel xukuje' ri Juda, in quic'axc'obisam aretak caquichi'j c'oc' k'ol che ri Baal.”

Ri Jeremiy 47:2

“In, ri Ajawaxel, quinbij: Pa ri riquiak'ab elebal k'ij cäpe wi na jun bik'tajic jacha' jun nima' ri capulinic; cubik' na ri ulew xukuje' ronojel ri c'o chupam, ri tinimit tak xukuje' conojel ri e jekel chquipam. Conojel ri e u winakil ri ulew caquirak qui chi', ri winak quejuyuw na rumal ri k'oxom.

Ri Ezequiel 24:3

Chatzijoj chuxquin we tinimit ri' ri man ch'abexic taj cäraj jun tzijobelil ri chajwataj che, che resaxic u no'j. Chabij che chi in quinbinic: ‘Chacojo' jun t'uy puwi' ri k'ak' chaya' ja' chupam;

Ri Joel 2:20

Quebennajtajisaj tak na chiwe ri sac' ri quepe pa ri elebal k'ij, quebenq'uiak c'u na bic chupam ri chaki'j uwo sak. Quebenjik'isaj na ri e nabejinak chquiwäch chupam ri Cäminak Cho are c'ut ri e teren ulok chquij chupam ri Plo ri Mediteran, ri e qui cuerp quepuk'pup na quetakak c'u na. ¡Quebenbana' na nimak tak jastak!”

Ri Zacariy 6:6

Ri carwaj ri jurum cumal quiej ri k'ek tak quij cäbe pa ri ulew ri c'o pa ri riquiak'ab ri relebal k'ij; ri jurum cumal quiej sak quij, pa ri ulew ri c'o pa ri u kajebal k'ij; are c'u ri jurum cumal quiej tzaratzo'x quij, pa ri ulew ri c'o pa ri u mox k'ab ri elebal k'ij.”

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.