Ri Jeremiy 1:13 - Quiché Bible

¹³ Ri Ajawaxel xpe chi nu suq'uil chu camul: “¿Jas ri cawilo?” xcha' chwe. “Quinwil jun t'uy carokowic, ri xa' co'lman capulin ulok kas pa ri riquiak'ab ri elebal k'ij,” xincha'.

Ri Jeremiy 1:13 Referans Kwoze

Ri Ezequiel 11:7

Rumal ri' ri in, ri Ajawaxel quinjiquiba' u bixic chiwe: ri Jerusalen cux na junam ruc' jun t'uy, man ix ta c'ut ri ti'j, xane' e are' ri qui ti'jal winak ri xebicämisaj, ri ix quixinwesaj na chupam ri t'uy.

Ri Ezequiel 11:3

Caquibij: ‘C'ä maja' naj xeban qui banic tak ri ja kumal. Waral man c'o ta cakac'ulmaj, uj jacha' ri ti'j ri c'o chupam ri t'uy.’

Ri Zacariy 4:2

Xubij c'u chwe: “¿Jas ri cawilo?” xintzelej c'ut u bixic: “Jun nicowisabal aseit ronojel re k'an puak, c'o jun c'olbal aseit puwi'. Xukuje' e c'o wukub chäj puwi', ri copan wi ri aseit cumal wukub tutu.

Chapletajic 41:32

We camul xban la ri ichic', are cubij wa' chi ri Dios kas cuban ri u chomam, cuban c'u chanim.

Ri Jeremiy 24:3

Are' c'u ri Ajawaxel xuc'ot nu chi': “Jeremiy, ¿Jas ri cawilo?” In xintzelej u bixic: “E higo. Ri e utz, sibalaj e utz; e are' c'ut ri man e utz taj, sibalaj man e utz taj ri man cuya' taj quetijic.”

Ri Isaiy 55:11

jeri' xukuje' ri tzij ri quel ulok pa ri nu chi', man cätzelej ta wuc' we ta ma ta cuban na ri u patan, xane' cuban na ri quinwaj cutz'akatisaj c'ut ri takanic ri quinya' che.

Ri Ezequiel 12:28

Rumal, ri' chabij chque: ‘Are' wa' cubij ri Ajawaxel: Ri e nu tzij man cabeytaj ta qui tz'akatisaxic. In, ri Ajawaxel, quinya' u bixic.’ ”

Ri Amos 8:2

ri are' xuc'ot nu chi': “¿Jas ri cawilo Amos?” “Jun chicäch”, xincha'. Xubij c'ut ri Ajawaxel chwe: “Ri Israel chak'ajinak chic; man quensacha' ta chi u mac mawi ta chi ne jumul.