Ri Ester 7:4 - Quiché Bible

⁴ ri nu tinimit jacha' xukuje' ri in uj c'ayitajinak rech cäsachisax ka wäch chnimalaj konojel. We ta uj c'ayitajinak jacha' che pataninelab, ma ta c'o jas quinbij ri', rumal rech chi ri c'ulel man c'o ta nimalaj c'ax ri' cuban ta che ri rajawibal ri ajawinel.”

Ri Ester 7:4 Referans Kwoze

Ri Ester 3:9

Jeri', we utz che ri ajawinel, chuya' jun takanic ri cutak u sachisaxic qui wäch, are c'u ri in pa wech wi quinjach na chque ri e c'olol tak puak wukub mil quieb sient oxc'al (7,260) quintal sak puak pa qui k'ab ri quebanow we chac ri' cäk'ax ruc' ri u rajil ri ajawinel.”

U Camulixic ri Pixab 28:68

Pune' ta ri Ajawaxel xubij chawe, man cattzelej ta chi jumul pa ri be ri cäbe pa Ejipt, cuban c'u na chawe chi pa tak jucub cattzelej chi jumul chila', catec'ayix can pa qui k'ab ri e a c'ulel; man c'o ta c'u jachin jun ri cäraj taj catulok'o.”

Ri Ester 3:13

xec'am c'u bic cumal ri e ya'l tak wuj pa ronojel ri u tz'akatil ri ajawibal. Ri takanic ri xya' bic chupam ri wuj chi kas cäsachisax qui wäch chnimalaj conojel, xa c'u pa jun k'ij, conojel ri aj judeyib, chi c'ojolab, chi ri'jab, chi ac'alab, chi ixokib. Chebiwechbej tak c'ut ri qui k'inomal. Ri k'ij ri xc'ut che u banic wa' are ri roxlajuj rajilabal ri ucablajuj ic', ri ic' re Adar.

Ri Ester 8:11

Chquipam tak ri wuj ri ajawinel xuya' bic takanic chque ri aj judeyib, pa apachique tinimit ri e jekel wi, chquimulij tak quib che u to'ic ri qui c'aslemal, chequicämisaj xukuje' chequisachisaj qui wäch, chquechbej c'ut ri jastak quech ri winak re apachique tinimit o u tz'akatil ri ajawibal ri cäcaj quech'ojin tak cuc' chebequiyala' tak chque nim mequil wi ri ixokib mawi ri ac'alab.

Ri Amos 2:6

Jewa' cubij ri Ajawaxel: “Ri e aj Israel e q'ui tak etzelal ri e qui banom ri man quebenya' ta canok chi ma ta chinc'äjisaj na qui wäch; quebe qui c'ayij c'ut ri man c'o ta qui mac che u q'uexwäch puak are' c'u ri meba' che qui q'uexwäch juc'ulaj xajäb.

Ri Joel 3:6

Naj, xebic'am wi bic tak ri winak aj Juda, xukuje' tak ri aj Jerusalen, xebic'ayij c'ut jacha' ta ne lok'om tak pataninelab chque ri aj gresib.

Ri Ester 7:6

¡Ri c'ulel xukuje' banal etzelal are' we itzelalaj Aman ri'!” xcha' ri Ester. Aretak xtataj wa' rumal, ri Aman man xslab ta chi rumal xe'n ib chuwäch ri ajawinel xukuje' chuwäch ri ixok ajawinel.

Ri Nehemiy 5:5

“Ri e ka winakil tak xukuje' ri uj kachalal tak kib; ri e ka c'ojol man c'o ta jas caquijalbej ta quib coc' tak ri quech. Are c'u ri uj quekajach na tak ri e ka c'ojol xukuje' tak ri e ka mia'l pa ri patanijic. Kas c'u ne tzij, jujun chque ri e ka mia'l lok'om pataninelab chic, man c'o ta c'u jas ta cujcuin ta che u banic che quitoric, rumal rech chi ri e kulew xukuje' tak ri uva ri e ka ticom e c'o chic pa qui k'ab jule' tak winak chic.”

Nabe Samuel 22:23

Chatcanaj can wuc', maxe'j awib, jachin ri cäraj catcämisanic xukuje' craj quinucämisaj in. Man c'o ta c'u cac'ulmaj na wic'.”

Ri Josue 9:23

Rumal rech wa' quixcanaj canok chuxe' c'okonic, man c'o ta iwelic amak'el quixux pataninelab. Quiban na ri si' quiwesaj na ri ja' ri cajwataj che ri rachoch ri nu Dios.”

Ri Lucax 12:45

We ne ri pataninel ri' cuchomaj: ‘Ri wajaw cäbeytaj na, man cäpe ta chanim.’ Cuchaplej c'u qui ch'ayic ri rach tak ajchaquib, chi achijab chi ixokib. Cuchaplej u banic nimak tak wa'im, cuq'uianic, cäk'abaric.

Ri Ester 7:5

Xuban c'ut ri Asuer ri c'otoj chi'aj: “¿Jachin c'u ri' jawije' c'o wi ri u chomam u banic we itzelalaj jasach ri?

Ri Ester 8:6

¿Jas ta c'u lo ri quinban na che u coch'ic ri u q'ueyowal ri kajem cuban puwi' ri nu tinimit, xukuje' ri u sachisaxic qui wäch ri e wachalal?”

Ri Ester 9:25

aretak c'u xoc ri Ester chuwäch ri ajawinel, wa' xuya' takanic chi chitz'ibaxok chi ronojel ri etzelal ri xuchomaj u banic ri Aman chque ri aj judeyib chkaj puwi' ri are'. Jeri' ri Aman xukuje' tak ri e u c'ojol xexequebax puwi' ri jitz'abal.

Ri Daniel 6:2

Xebucoj c'u oxib solinelab paquiwi' wa', che quilic rech utz qui banic ri chac cäquiban ri k'atal tak tzij, rech man c'o ta c'ax curik ri ajawinel. Jun chque we solinelab ri' are ri Daniel,