Ri Ester 3:12 - Quiché Bible

¹² Chupam ri oxlajuj (13) rajilabal ri nabe ic' re ri junab xesiq'uix ri rajtz'ibab ri ajawinel, ri xquitz'ibaj ri u takanic ri Aman chque ri k'atal tak tzij ri e c'o pa ri e u tz'akatil ri ajawibal xukuje' chque tak ri takanelab ri quetakan paquiwi' ri ajch'ojab pa jujun tak c'olbal, xukuje' chque ri qui nimakil ri tinimit. We takanic ri' xetz'ibax pa tak ri qui tz'ib xukuje' pa tak ri kas qui ch'abal ri e u tz'akatil ri ajawibal, pa tak ri kas qui ch'abal conojel tak tinimit, ri xetz'ibax bic pa ri u bi' ri ajawinel Asuer, xet'ik c'u bic ruc' ri u t'ikbal ri ajawinel,

Ri Ester 3:12 Referans Kwoze

Nabe Ajawinelab 21:8

Xebutz'ibaj c'u tak wuj pa ri u bi' ri Acab, xebut'ic bic ruc' ri u mulk'ab ri ajawinel; xebutak c'u bic chque ri nimak tak tatayib xukuje' ri c'amal tak be ri e jekel pa ri u tinimit ri Nabot.

Ri Ester 1:22

Xebutak wuj pa conojel ri u tz'akatil ri rajawibal, xetz'ibax bic pa tak ri qui ch'abal pa tak ri quitz'ib jas kas ri quinak'atisabal ri jujun tz'akatil xukuje' tinimit ri e c'o pa ri rajawibal, xuya' bic takanic pa tak ri wuj chi ri achajixenlab chejekel pa ri qui takanic pa ri cachoch co c'u chech'awok jas ri cacaj.

Ri Daniel 6:15

xebopan chi c'u jumul ri achijab ruc' ri ajawinel xquibij c'u che: “Ri lal, kas eta'm la ri cubij ri qui pixab ri aj medib xukuje' ri aj persib, man c'o ta jun k'ilonic o jun takanic ri u tz'ibam ri u bi' ri ajawinel chuxe' ri manta catz'akatisax u banic.”

Ri Daniel 6:12

Xebextax c'u che rilic ri ajawinel chunataxic ri takanic che, xquibij c'u che: “Ri lal, yo'm la jun takanic, ri je cubij wa': ri winak ri pa we juwinak lajuj k'ij ri' cuban jun bochi'nic che apachique dios o apachique winak we ta ma ta che la, cäq'uiak na chupam ri c'olbal ri e c'o wi ri coj, ¿la ma ta kastzij?” Ri ajawinel xutzelej u bixic: “Je' wa. Ri takanic rajawaxic u tz'akatisaxic jas ri cubij ri qui pixab ri aj medib xukuje' ri aj persib, ri man cuya' taj chi ma ta cäbanic jas ri cubij.”

Ri Daniel 6:8

Rumal c'u ri', chya' tzij la che u tz'akatisaxic u banic we takanic ri', chtz'ibaj ri bi' la chuxe' rech man cuya'taj cäjalc'atixic, je cäcanajic jacha' ri qui pixab ri aj medib xukuje' ri aj persib, ri man cuya' taj chi ma ta cäbanic jas ri cubij.”

Ri Ester 9:27

ri aj judeyib xquijekeba' we nak'atisabal ri' chque ri are', chque ri quija'lil, xukuje' chque conojel ri quebux aj judeyib: kas c'u choc'owisax wa' chujunab, matanabax u banic, we quieb k'ij ri' pa ri ajilabal ri c'utum, jas ri u cholajil ri yo'm u bixic;

Ri Ester 8:2

Xresaj c'ut ri ajawinel ri u mulk'ab ri xresaj che ri Aman, xuya' c'u che ri Mardoquey. Ri Ester pa re wi, xucoj ri Mardoquey che takanel paquiwi' conojel ri jastak ri e rech can ri Aman.

Ri Esdras 8:36

Xquijach c'ut ri takanic ri u yo'm ulok ri ajawinel chque tak ri k'atal tak tzij re ri ajawinic, xukuje' chque ri k'atal tak tzij re ri rajawibal ri c'o pa ri u kajebal k'ij che ri nima' Euprats, ri xequiya' to'banic che ri tinimit xukuje' che ri Rachoch Dios.

Ri Ester 3:11

xubij c'u che: “Ri sak puak ri cachi'j chcanaj awuc'. Are c'u ri tinimit ri a bim, chabana' che jas ri a rayibal.”

Ri Daniel 3:10

Yo'm la takanic chi conojel ri q'uialaj winak chexuculok, qui k'ijilaj c'ut ri u wächbal winak re k'an puak xuwi chtataj ri cok'ebal ri k'ojom,

Ri Daniel 6:25

Are c'u ri Dariy xebutz'ibaj tak wuj chque ri winak ri e c'o pa conojel ri nimak tak tinimit xukuje' tak ch'abal ri e c'o cho ri uwächulew, je xubij bic wa' chque: “Quinrayij jamaril chiwe xukuje' rutzil i wäch,