Ri Esdras 9:8 - Quiché Bible

⁸ Xukuje' c'u ne ri camic, Ajawaxel xukuje' ka Dios, ri utzil la u banom chi uj to'tajinak can quieb oxib. Yo'm c'u la chke chi cakajekeba' ri kachoch pa tastalicalaj ulew; yo'm la c'ac' chäj chquiwäch ri ka bak'wäch, yo'm la chke chi cujuxlab jubik' pu niq'uiajil ri patanijic ri xujcoji' wi.

Ri Esdras 9:8 Referans Kwoze

Salmib 13:3

Ajawaxel, nu Dios, ¡chinila' la, tzelej la u wäch ri nu tzij, che nojisaj la ri nu bak'wäch che ri chäj! ¡Ma ta chinkaj chupam ri waram re cämical!

Ri Osey 6:2

Xa pa jun jok'otaj cutzelej na ri rutzil ka wäch, cujuwalijisaj na rech cujjeki' na chuwäch.

Ri Habacuc 3:2

Ri tzijol la ri quinto, Ajawaxel, xukuje' ronojel ri banom la, qui nu nojisaj che u ya'ic nimalaj k'ij la. Chebana' ba' la camic, pa ri ka c'aslemal, ri e nimak tak banoj la ri xeban can la pa jujun tak k'ijol, rech xukuje' ri uj cheketamaj tak qui wäch. Je wa' chbana' la che u c'utic chkawäch ri u tok'obisaxic ka wäch umal la pune' ta ba' pa u niq'uiajil ri oyowal la.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Salmib 85:6

¿La ma ta cäya' chi na la ka c'aslemal, rech cäquicot ri tinimit la uc' la?

Apocalipsis 3:12

Apachin ri cäch'äcanic, quincoj na che rakan ja pa ri rachoch ri nu Dios, mawi jumul quel chi bic. Quintz'ibaj na ri u bi' ri nu Dios chrij, xukuje' ri u bi' ri u tinimit ri nu Dios, ri c'ac' Jerusalen ri cäkaj ulok chicaj ruc' ri nu Dios. Xukuje' quintz'ibaj na ri c'ac' nu bi' chrij.

Romanos 9:27

Xukuje' ri Isaiy ojer co xch'awic, xubij chrij ri Israel: “Pune' ta e q'ui ri e rija'l ri Israel jas ri sanyeb ri c'o chuchi' ri plo xak c'u e quieb oxib ri caquirik na ri colotajic,

Ri Zacariy 10:4

Chque ri e are' quel wi na ri Abaj ri Tz'apibal u wi' ri chac, ri Ch'ic re Lic'om xukuje' ri Q'uiakbal Ch'ab re Ch'o'j. Chque ri are' quebel wi na conojel ri c'amal tak be.

Ri Zacariy 8:12

Are' c'u ri jamaril catictaj na chquixo'l. Ri u che'al uva tak ri caquiya' tak na ri qui wächinic; ri ulew ri e u wächinic tak ri quebuya'; ri caj ri u räxk'ab. Are c'u ri in quenya' na ronojel wa' chque ri e to'tajinak can che ri nu tinimit rech caquechbej.

Ri Zacariy 8:6

Pa ri k'ijol ri' ronojel wa' je ta ne ri ma ta bantajel chquiwäch ri e to'tajinak can che ri nu tinimit; are c'u ri chwe in man je ta quel wa' chnuwäch. In, ri Ajawaxel ri c'o ronojel u cuinem, quinjiquiba' u bixic:

Ri Ezequiel 14:22

Xa' c'u e quieb oxib quec'asi' canok quecuin c'ut quebel ulok chila' quequic'am bic ri e qui c'ojol xukuje' tak ri e qui mia'l. Aretak c'u ri e are' quebopan iwuc', quiwetamaj c'u na jas ri qui c'aslemal ri xcuc'aj xukuje' ri jastak ri quequibano, cacu'bi' c'u na i c'u'x che ri c'äjisabal wächaj ri xinc'am ulok puwi' ri Jerusalen.

Ri Jeremiy 44:14

Man c'o ta jun chque ri quieb oxib ri xeto'taj can pa Juda ri xepe che jekelem pa Ejipt, cäto'taj taj o cäc'asi' ta canok. Pune' ta ne are ta cacaj quetzelej ta chi pa Juda rech quebejekel ta chi chila' man quetzelej taj, xane' xuwi jujun ri xa' chi c'uyal queboquic.’ ”

Ri Jeremiy 42:2

xenakajin ruc' ri Jeremiy, k'axal tzij, xquibij c'u che: “Quekatz'onoj jun jasach chawe; mak'il c'u awib che u banic: Chabochi'j ri Ajawaxel ri a Dios pakawi', ri quieb oxib ri uj canajinak canok. Nabe sibalaj uj q'ui ulok, are c'u ri camic xa' uj quieb oxib uj canajinak canok, jacha' ri cawilo.

Ri Isaiy 56:5

in, c'o jun jasach quinya' na chque ri nim na u k'ij chuwäch ri e qui c'ojol, xukuje' ri e qui mia'l quinya' na chque chi cäcanaj ri qui bi' chbe k'ij sak chupam ri wachoch, cätz'ibataj can chupam ri nu tapia quinya' na jun qui bi' junalic ri mawi jubik' cäsach u wäch.

Ri Isaiy 1:9

We ta ri Ajawaxel ri c'o ronojel u cuinem ma ta xebuto'tajisaj can quieb oxib chke, je ta ka c'ulmam ri' jas ri xuc'ulmaj ri Sodom xukuje' ri Gomor.

Ri Tzijonel 12:11

Ri e qui tzij tak ri ajno'jab e jacha' ta ne q'uix tak che', aretak c'u e mulitajinak chic quirikom chi c'u tak quib e junam cuc' tak ri ch'ich' ri co e ch'ictalic, ri e cojom xa' rumal jun ajyuk'.

Salmib 138:7

Aretak quinriktaj chupam ri sayowem, ri lal cäya' la nu c'aslemal; calic' ri cuinem la quinto'tajisaj c'u la, chuwäch ri coyowal ri e nu c'ulel.

Salmib 34:5

Ri queca'y che ri Ajawaxel cäjuluw na ri qui palaj rumal quicotemal, mawi jubik' quet'orix ta na.

Ri Job 33:30

cäresaj na pa u k'ab ri cämical, cuya' che chi cutakej rilic ri chäj.

Ri Nehemiy 9:31

Rumal c'u rech, ri nimalaj tok'obisam wäch la man xsachisaj ta la qui wäch conojel, mawi xewonoba' ta la canok; lal c'ut jun Dios ch'uch'uj ri catok'obisan la wächaj.

Ri Nehemiy 1:11

Quinbochi'n ba' che la, Ajawaxel, chtatabej la ri nu ch'awem ri quinban che bochi'xic la xukuje' tak ri qui bochi'nic tak ri e pataninelab la, ri ka rayinic c'ut xuwi ri u ya'ic u k'ij ri bi' la. Quintz'onoj che la xukuje' chi chya' la ri ch'äcanic la chwe, chbana' c'u la chwe chi chel u c'u'x ri ajawinel chwe.”

Ri Esdras 9:9

Pune' uj lok'om che pataninelab, man uj wonobam ta la canok chupam ri ka patanijic; c'utum la ri utzil la chquiwäch tak ri ajawinelab re Pers, yo'm c'u la ka c'aslemal che u banic u yaquic chi jumul ri achoch la ri etzelatajinak, ¡yo'm c'u la ri to'banic la chke pa Juda xukuje' pa Jerusalen!

Ucab Ajawinelab 19:4

C'o ta banom wi chi ri Ajawaxel ri a Dios u tom ta we tzij ri' ri xebubij ri qui nimal ajch'ojab ri takom ulok rumal ri rajaw, ri ajawinel re Asiriy, che u yok'ic ri c'aslic Dios, c'o ta banom wi chc'äjisax ta u wäch rumal ri jastak ri xebuta' ri Ajawaxel ri a Dios. Chabana' ba' jun ch'awem ruc' paquiwi' ri c'ä e to'tajinak canok.”

Nabe Samuel 14:29

Ri Jonatan xutzelej u bixic, xubij: “Ri nu tat u banom jun nimalaj c'ax che ri nim tinimit. Chawila' sibalaj in cowirinak rumal u na'ic jubik' we ri juyubal räx cab ri'.

Nabe Samuel 14:27

Are c'u ri Jonatan, ri man xuta' taj ri chi'nic ri kas cäban na ri xucoj ri u tat paquiwi' ri ajch'ojab, xuyuk ri che' ri c'o pu k'ab, xurub ri u wi' chupam jun akaj re juyubal räx cab xutij c'u wa', chanim xuya' u chuk'ab.

E C'ambal tak Tzij 29:13

Ri c'axc'obisam xukuje' ri c'axc'obisanel c'o ri quejunamataj wi, ri Ajawaxel u yo'm ri qui bak'wäch qui cabichal.

Ri Isaiy 14:3

Tinimit aj Israel, aretak ri Ajawaxel catresaj pa ri c'ax ri at c'o wi, pa tak ri a bis, xukuje' pa ri c'axalaj lok'om patanijic ri xatcoj wi,

Salmib 13:4

Mubij ri nu c'ulel: “¡Nu ch'äcom!” Mäquicotic we quintzakic.

Ri Isaiy 6:13

We c'u ne queto'taj can quieb oxib chque ri winak, cäsach na qui wäch xukuje' jacha' aretak cäram jun bakit, o jun räx che', xuwi c'u cäcanaj can ri u cuta'mil.” (Che c'u we cuta'm ri' quel wi na ulok jun tastalicalaj tuxaj).

Ri Soponiy 3:12

In quebenya' canok awuc' winak ri e mach'amoj ri man nim ta qui banic, ri caquijiquiba' na qui c'u'x chrij ri nu bi'.