Ri Esdras 9:2 - Quiché Bible

² Ri e are' xukuje' tak ri e qui c'ojol xec'uli' cuc' tak ri qui mia'l tak we winak ri'; rumal c'u rech wa', ri u tinimit ri Dios u quichon rib cuc' ri winak ri e re jun tinimit chic. Ri xenabej che u banic we mac ri' e are' ri c'amal tak be xukuje' ri k'atal tak tzij.”

Ri Esdras 9:2 Referans Kwoze

U Camulixic ri Pixab 7:6

Rumal rech chi ri ix ix jun tinimit ri ix tastalic che u patanixic ri Ajawaxel; ri i Dios ix u cha'om chquixo'l conojel tak ri tinimit cho ri uwächulew, rech quixux jun tinimit ri nim u k'ij chuwäch.”

Elem 34:16

o quequic'ulba' ta ne ri qui mia'l cuc' tak ri i c'ojol, aretak c'ut quequik'ijilaj tak ri e qui diosib, quequitakchi'j ta c'u ne tak ri e i c'ojol che u mejic quib chquiwäch che qui k'ijilaxic.

Ri Esdras 10:2

Are' c'u ri Secaniy u c'ojol ri Jehiel rija'lil c'ut ri Elam, xumajij ri tzij xubij c'u che ri Esdras. “Ri uj man uj uxinak ta jic che ri ka Dios, uj c'ulan c'u cuc' tak ixokib ri man e ka winakil taj, e k'ijilal tak diosib, c'ä c'o c'u na, eyebal c'u'x che ri Israel.

1 Corintios 7:14

Ri achajilaxel ri man cojonel taj, cux tastalic winak rumal ri rixokil. Ri ixokilaxel ri man cojonel taj, cux tastalic winak rumal ri rachajil. We ta ma ta jeri', e tz'il ta ri' ri iwalc'ual. Man e tz'il ta c'ut, xane' e tastalic.

Ri Malaquiy 2:15

¿La ma ta pu xa' junam Dios ri xbanow ri cuerp xukuje' ri uxlabal? ¿Jas c'ut ri sibalaj coc wi il we Dios ri' chi curiko xane' e ija'lil ri chquitasa' quib che? ¡Chichajij ba' ix, ri kas iwuxlabal, c'u ma ta chi tz'akatisaj ri chi'nic ri xiban che ri iwixokil re ri i c'ojolal!

Ri Malaquiy 2:11

Ri Juda man jic taj xbin chuwäch ri Dios, queban c'u xibibalalaj tak jastak pa Jerusalen xukuje' pa Israel. Ri Juda rawasim ri u tastajic ri rachoch Dios ri lok' chuwäch ri Ajawaxel, e are tak c'ut ri achijab aj Juda e qui c'amom tak ixokib che quixokil ri quequik'ijilaj tak diosib ri e subunelab.

U Camulixic ri Pixab 14:2

Ix c'u jun tinimit ri ix tastajinak che u ternexic ri Ajawaxel ri i Dios, are' ix chowinak chquixo'l conojel tak ri tinimit cho ri uwächulew rech ix ri tinimit ri quixux rech.”

Elem 22:31

Ri ix rajawaxic chi ix tasom tak wik chwe. Mitij ri qui ti'jal ri awaj ri quech'äkatix can cumal ri juyubal tak awaj pa ri c'ache'laj, chebiq'uiaka' chquiwäch ri tz'i'.”

Elem 19:6

Ri ix quixux na ajawib e cojol tabal tok'ob chwe, jun tinimit ri tastal chwe.’ Chabij ronojel wa' chque ri aj israelib.”

2 Corintios 6:14

Miwuc'aj iwib cuc' ri man e cojonelab taj. We je quiban wa', quixc'oji' chuxe' jun eka'bal ri man junam taj. ¿La cuya' lo caruc'aj rib ri suq'uil ruc' ri man suq'uilal taj? ¿La cuya' lo curik rib ri sakil ruc' ri k'ekumalil?

Chapletajic 6:2

ri e ralc'ual ri Dios xquilo chi ri alitomab ri' sibalaj e je'lic. Xequicha' quixokil chquixo'l, xec'uli' c'u cuc' jachin ri xcaj wi.

Ri Isaiy 6:13

We c'u ne queto'taj can quieb oxib chque ri winak, cäsach na qui wäch xukuje' jacha' aretak cäram jun bakit, o jun räx che', xuwi c'u cäcanaj can ri u cuta'mil.” (Che c'u we cuta'm ri' quel wi na ulok jun tastalicalaj tuxaj).

Ri Nehemiy 13:28

Jun chque ri e u c'ojol ri Joiad, u c'ojol ri nimal cojol tabal tok'ob ri Eliasib, ri xukuje' ne u ji' ri Sanbalat ri aj oron, xinban che chi xanimaj chnuwäch.

Ri Nehemiy 13:17

Xebenyaj c'ut ri c'ämal tak be aj Juda, je xinbij wa' chque: “¿Jas ri etzelal ri cätajin qui bano, chi qui wetzelaj ri k'ij re uxlanem?

Ri Josue 23:12

Rumal rech chi quinwaj quiwetamaj wa': chi we quixutuj can ri Dios quiyuj c'u iwib cuc' tak we winak ri' ri e canajinak chixo'l, ri Ajawaxel ri i Dios man quebuq'uiak ta na bic tak we tinimit ri' chiwäch, xane' quebucoj na jacha' c'at xukuje' jacha' c'amibal rech quixtzakic, e jacha' rapubal cho tak iwachak xukuje' e jacha' q'uix chquipam tak ri i bak'wäch, c'ä man c'o ta jun chiwe cacanaj ta na pa we ulew ri' ri sibalaj utz ri u yo'm ri Ajawaxel ri i Dios chiwe.

Ri Esdras 9:12

Xukuje' xbij la chke chi mekac'uluba' ri e ka mia'l cuc' tak ri qui c'ojol, mawi mekac'am tak ri qui mia'l rech quec'uli' cuc' tak ri ka c'ojol, mawi jubik' makatzucuj ri jamaril chque mawi ri utzil chque, rech amak'el c'o ka chuk'ab, cäkatij c'ut ri u wächinic ri ulew ri', kaya' c'u can ronojel chque tak ri kija'lil jacha' che quechbal re chbe k'ij sak.

Ri Esdras 9:14

¿la cuya' ta c'u lo chi ma ta quekanimaj chic qui banic tak ri e takomal la? ¿La c'o ta chi c'u cujux cuc' tak winak ri e c'o itzelalaj tak qui c'aslemal? ¿La ma ta c'u cäpe na oyowal la chke, casachisaj c'u na la ka wäch ri', man c'o ta jun cac'asi' ta na canok chke?

Aj Levitib 21:15

rech muyuj ri u quiq'uel cuc' apachique winak pa ri u tinimit; in c'ut ri Ajawaxel nu tasom che nu patanixic.”

Ri Josue 22:15

Conojel xebe pa Galaad, jawije' e c'o wi ri amak' rech ri Ruben rech ri Gad xukuje' ri pa niq'uiaj ramak' ri Manases, xquibij c'u chque:

Nabe Ajawinelab 11:1

Ri Salomon man xuwi ta xulok'ok'ej ri u mia'l ri paraon, xane' xukuje' niq'uiaj ixokib chic ri man e u winakil taj: aj moabib, aj amonib, aj edomib, aj sidonib xukuje' aj hititib;