Ri Esdras 7:5 - Quiché Bible

⁵ ri Abisu, ri Pinees, ri Eleazar xukuje' ri Aaron, ri nabe cojol tabal tok'ob.

Ri Esdras 7:5 Referans Kwoze

Hebreos 5:4

Man c'o ta jun ri xak ta pa re wi coc ta pa we chac ri' ri nim u k'ij, xane' are coc ri cäsiq'uix rumal ri Dios, jas ri Aaron.

Ucab Tzijobelil 26:20

Aretak ri qui nimal ri e cojol tabal tok'ob ri Azariy xukuje' conojel ri niq'uiaj e cojol tabal tok'ob chic xquiya' qui wäch che, xquilo chi c'o chic ch'a'c che ri qui metz'al ri u palaj, xquesaxtaj c'u bic chi'; kas ri are xukuje' are ta xraj xel ta bic chanim, c'äjisam c'u u wäch rumal ri Ajawaxel.

Ucab Tzijobelil 19:11

Ri qui nimal ri e cojol tabal tok'ob ri Amariy are caban ri cubij pa conojel ri jastak re ri Ajawaxel, are c'u ri Zebadiy, ri u c'ojol ri Ismael ri xukuje' c'amal u be ri ramak' ri Juda, are' cak'atow na tzij paquiwi' ri jastak re ri ajawinel; ri aj levitib e are' to'l tak iwech. ¡Chichajij ba anima', chixoc c'u che u banic ri chac! ¡Chc'ol ba' ri Ajawaxel ruc' ri utz cachacunic!”

Nabe Tzijobelil 6:4

Ri u c'ojol ri Eleazar are' ri Pinees, ri u c'ojol ri Pinees are' ri Abisu,

Ri Josue 24:33

Aretak xcäm ri Eleazar, u c'ojol ri Aaron, xmuk puwi' ri u juyub ri Pinees ri u c'ojol, ri xya' che pa tak ri juyub re Eprain.

Ri Josue 22:31

Are' c'u ri cojol tabal tok'ob ri Pinees, ri u c'ojol ri Eleazar, xubij chque: “Camic keta'm chi man c'o ta chi queblan c'u'x kuc' chi c'o ri Ajawaxel kuc', are' c'u ri ix man i tijtobem ta u walijisaxic iwib chrij are', uj iwesam c'ut pa u k'ab ri c'äjisabal wächaj ri cuya' ta na ri Ajawaxel chke.”

Ri Josue 22:13

Nabe c'ut xquitak bic ri Pinees, u c'ojol ri Eleazar, ri cojol tabal tok'ob rech cabe pa Galaad, jawije' tak e c'o wi ri amak' ri rech ri Ruben ri rech ri Gad xukuje' ri pa niq'uiaj ramak' ri Manases.

Ri Josue 14:1

E are' tak ulew wa' pa Canaan ri xequic'am ri aj israelib che quechbal, je jacha' ri xjach chque cumal ri Eleazar ri cojol tabal tok'ob, ri Josue xukuje' ri e qui nimal tak ri u k'ab cachalaxic tak ri camak' ri aj israelib.

Ajilanic 31:54

Je c'u ri', ri Moises xukuje' ri Eleazar xequic'am chque ri c'amal tak be ri k'an puak ri e qui c'amom ulok, xquic'am c'u bic chupam ri Lic'om Rachoch Dios re rikoj ib are' che ri Ajawaxel rech quenataj c'u na ri aj israelib che.

Ajilanic 31:31

Ri Moises xukuje' ri Eleazar je xquibano jacha' ri takanic ri xuya' ri Ajawaxel che ri Moises.

Ajilanic 31:6

Ri Moises xebutak u bic che u banic ch'o'j xcachilaj bic ri Pinees ri e ruc'am bic jastak ri e tastalic xukuje' tak ri trompet che u ya'ic ri takanic che u banic ri ch'o'j. (Ri u tat ri Pinees are' ri Eleazar cojol tabal tok'ob.)

Ajilanic 27:2

We job alitomab ri' cachalal tak quib xebe chuchi' ri oquibal chupam ri Lic'om Rachoch Dios re rikoj ib che u tzijobexic ri Moises xukuje' ri Eleazar cojol tabal tok'ob, xukuje' ri e c'amal tak be re ri tinimit, xquibij c'u chque:

Ajilanic 3:32

Ri c'amal qui be ri aj levitib ri nim na u k'ij are' ri Eleazar, pu k'ab c'u jachom wi ri quilixic ri quechajin ri k'ijilabal, (ri u tat ri Eleazar are' ri cojol tabal tok'ob Aaron).

Aj Levitib 10:16

Xuta' c'u ri Moises chque jas xquiban che ri alaj ama' q'uisic' ri cäpil u mac ri macaj, xbix c'u che chi xporotajic; xoyowar chrij ri Eleazar xukuje' ri Itamar, ri e quieb u c'ojol ri Aaron ri e canajinak canok, xubij chque:

Aj Levitib 10:12

Xubij c'u ri Moises che ri Aaron, xukuje' che ri Eleazar, ri Itamar, ri e quieb u c'ojol ri Aaron ri e canajinak canok: “Chebic'ama' ri sipanic quech c'äj ri e canajinak can chque ri sipanic ri xeporox chuwäch ri Ajawaxel, mebiya' ch'am cuc', chebitija' chunakaj ri porobal, sibalaj c'u tastalic wa'.

Aj Levitib 10:6

Xubij c'u ri Moises che ri Aaron, e rachil ri e u c'ojol ri Eleazar xukuje' ri Itamar: ri e u c'ojol ri Aaron: “Miquiyiba' ri i wi', mawi mebijis ri iwatz'iak che u c'utic ri i bis, mixecäm c'u ne, mäkaj ri royowal ri Ajawaxel paquiwi' ri aj israelib. Ri cuya' caquibisoj are ri cachalal ri cachalaxic quib, conojel ri aj israelib, chi ri Ajawaxel xuban na we c'atic ri'.

Elem 6:25

Ri Eleazar jun chque ri e u c'ojol ri Aaron, xc'uli' ruc' jun chque ri u mia'l ri Putiel, ri xralaj ri Pinees. E are' tak wa' ri e c'amal tak qui be ri e aj levitib, pa ri qui cholajil ri nimak qui k'ij.

Ri Esdras 7:4

ri Seraiy, ri Uz, ri Buqui,

Ri Esdras 7:6

We Esdras ri' are' jun ajtij ri sibalaj u tijom rib chupam ri u pixab ri Ajawaxel, ri u Dios ri Israel, ri yo'm rumal ri Moises, c'o c'ut ri u to'banic ri Ajawaxel ruc', jeri' ri ajawinel Artajers xuya' che ronojel ri xutz'onoj. Rumal c'u ri', ri Esdras xuya' can ri Babilon.