Ri Esdras 5:2 - Quiché Bible

² Are' c'u ri Zorobabel, u c'ojol ri Salatiel, xukuje' ri Jexu, u c'ojol ri Josadac, xquitakej chi jumul u banic u yaquic ri Rachoch ri Dios pa Jerusalen, xec'oji' c'ut ri e k'axal u tzij ri Dios cuc' che qui to'ic.

Ri Esdras 5:2 Referans Kwoze

Ri Esdras 3:2

are' c'u ri Jexu, u c'ojol ri Josadac, xukuje' tak ri e rachil ri e cojol tabal tok'ob, xukuje' c'u ri Zorobabel, u c'ojol ri Salatiel, xukuje' tak ri e c'o quebux che, xeboc che u yaquic ri porobal ri re ri u Dios ri Israel, che qui chi'xic tak ri tabal tok'ob ri cächajirisaxic ri cätakan wi ri u pixab ri Moises, achi ri pataninel re ri Dios.

Ri Esdras 6:14

Jeri' ri aj judeyib ri e c'amal tak u be ri chac xecuinic xquitakej qui banic tak ri chac ri caban u banic, je jas ri yo'm u bixic rumal ri k'axal tzij ri Hajey xukuje' ri Zacariy, u c'ojol ri Id. Xq'uis c'u u banic ri yacanic je jas ri yo'm u bixic rumal ri u Dios ri Israel, je c'ut xukuje' jas ri takanic ri u yo'm ri Sir, ri Dariy xukuje' ri Artajers, e ajawinelab re Pers.

2 Corintios 1:24

Man cujtakan ta puwi' ri i cojonic. Xane' quixkato' rech c'o i quicotemal. Co chi c'u ix tac'al pa ri i cojonic.

Ri Zacariy 6:11

Chac'ama' bic ri sak puak xukuje' ri k'an puak ri a mulin, chebabana' tak corona, chacojo c'u jun che ri u jolom ri qui nimal ri e cojol tabal tok'ob ri Jexu (ri Josadac are' ri u tat ri Jexu).

Ri Esdras 10:18

Ri e cojol tabal tok'ob ri xeriktajic ri e c'ulan cuc' tak ixokib ri man e qui winakil taj, e are' tak wa': Chque ri e rija'lil ri Jexu, u c'ojol ri Josadac, chque c'ut ri e rija'lil: ri Maasiy, ri Eliezer, ri Jarib xukuje' ri Jedaliy,

Ri Hajey 2:18

Camic, ri k'ij juwinak quiejeb rajilabal ri ubelej ic', xecoj tak ri e u tac'alibal ri wachoch.

Ri Esdras 1:8

Ri Sir xutak qui tzelexic rumal ri Mitrid, ri c'olol puak, aretak c'u ajilatajinak chic rumal xebujach pa u k'ab ri Sesbasar, k'atal tzij re Juda.

Ri Esdras 3:8

Ri Zorobabel, u c'ojol ri Salatiel, xukuje' ri Jexu, u c'ojol ri Josadac, junam cuc' tak ri e cachil ri e cojol tabal tok'ob xukuje' ri aj levitib, xukuje' conojel ri xec'am bic pa Babilon ri xetzelej pa Jerusalen, xquichaplej chi jumul u banic u yaquic ri Rachoch ri Dios pa ri ucab ic' re ri ucab junab che ri copanic pa Jerusalen, xjach c'ut ri u c'amic ri qui be ri chac pa qui k'ab ri aj levitib ri oc'owinak chi juwinak qui junab.

Ri Zacariy 4:4

Xinc'ot u chi' ri tako'n aj caj ri cätzijon wuc': “Tat, ¿Jas quel cubij wa'?”

Ri Zacariy 4:14

Ri are' xutzelej u bixic chwe: “E are' quieb wa' ri e tasom che u patanixic ri Ajawaxel rech ronojel ri uwächulew.”

Ri Zacariy 8:9

Are wa' ri cubij ri Ajawaxel ri c'o ronojel u cuinem: “Chebicojo' tak i chuk'ab, ix ri e i tom tak ri tzij ri e qui bim tak ri e k'axal tak tzij, kas pa ri k'ij aretak xecoj tak ri tac'alibal che ri u tz'akatisaxic u yaquic ri rachoch ri Ajawaxel ri c'o ronojel u cuinem.