Ri Esdras 5:12 - Quiché Bible

¹² Xukuje' xquibij chi ri e qui mam xquiyac can royowal ri Dios aj caj, are' c'ut xejachow pa u k'ab ri Nabucodonosor ajawinel re Babilon, ri aj Caldey, are' c'u wa' ri xyojin we Rachoch Dios ri' xebuc'am c'u bic ri winak pa Babilon.

Ri Esdras 5:12 Referans Kwoze

Ri Daniel 9:5

Uj macuninak xukuje' ka banom ri etzelal; ka banom ri lawaloyil; xak uj c'olinak chi jeri' man kayo'm ta c'olbal che la pa ri ka chomanic; e ka xutum ri takomal la xukuje' tak ri takanic la.

Ucab Ajawinelab 24:2

Are' c'u ri Ajawaxel xebutak ulok chrij ri Joasim jumulaj eläk'omab aj caldeyib, aj siriyab, aj moabib xukuje' aj amonib. Xebutak ulok chrij ri Juda, rech caquisachisaj u wäch, je jas ri u yo'm u bixic ri Ajawaxel cumal ri e pataninel tak rech ri e k'axal tzij.

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Salmib 106:40

Xk'ak'ar c'u ri Ajawaxel chrij ri u tinimit, xebuxutuj c'ut ri e rech;

Ucab Ajawinelab 25:1

Chupam ri lajuj rajilabal ri lajuj ic' re ri ubelejeb junab ri rajawinic ri Sedequiy, ri ajawinel Nabucodonosor xopan che u banic ch'o'j ruc' ri Jerusalen e rachil conojel ri rajch'ojab, xusutij c'u rij. Xaya' rib chuwäch, xebuwalijisaj c'u tak ak'anisabal chrij che u banic ch'o'j ruc'.

K'atal tak Tzij 6:1

Ri e qui banoj tak c'ut ri aj israelib chuwäch ri Ajawaxel e itzel, wukub junab c'ut xebujach pa qui k'ab ri aj madianib.

K'atal tak Tzij 4:2

rumal ri' ri Ajawaxel xebujach pu k'ab ri Jabin, jun ajawinel aj cananey ri cätakan pa ri tinimit Hazor. Ri c'amal qui be ri e rajch'ojab ri Jabin Sisara u bi', ri quel pa Haroset-goim.

K'atal tak Tzij 2:14

rumal ri' ri Ajawaxel xoyowar chquij ri aj israelib, xubano chi ri eläk'omab xequeläk'aj ri jastak quech, xukuje' xech'äc cumal ri e qui c'ulel ri e c'o chquinakaj man xecuin taj xquito' ta quib pa qui k'ab.

U Camulixic ri Pixab 32:30

¿Jas c'u che chi xa jun xcuin che cokataxic jun mil? ¿Jas c'u che chi xa e quieb xecuin che cokataxic lajuj mil? Xa rumal rech chi ri Ajawaxel, ri to'l iwech, xuchomaj qui jachic ri c'ulel pa i k'ab.

U Camulixic ri Pixab 31:17

Cänicow c'u na ri woyowal paquiwi', quebenxutuj c'u na canok; man c'o ta chi jas quinoc ta chi wi il chque, sibalaj c'u e q'ui ri etzelal xukuje' ri rikoj tak c'ax ri cäpe na paquiwi', rumal c'u ri' cäquibij na: Ri c'ax ri cätajin cäkariko, ¿La ma ta lo are cabanowic chi ri ka Dios man c'o ta chi kuc'?

Ri Jeremiy 52:12

Chupam ri lajuj rajilabal ri uro' ic' re ri ubelejlajuj u junab ri rajawinic ri Nabucodonosor, ajawinel re Babilon, ri Nabuzaradan, ri rach k'atal tzij ri ajawinel takanel c'ut paquiwi' ri quechajin ri ajawinel, xopan pa Jerusalen

Ucab Tzijobelil 36:20

Xebuc'am chi c'u na bic pa Babilon ri man xq'uis ta qui cämisaxic, ri xebux wi u pataninelab lok'om xukuje' quech tak ri e u c'ojol c'ä xjekebax na ri ajawinic aj Pers,

Ri Isaiy 47:6

Aretak xyactaj woyowal ruc' ri nu tinimit, xinjach ri kas nu nim tinimit pa ri q'uixbal, xinya' be che chi cäkaj pa a k'ab. Man xatok'obisaj ta c'u qui wäch, xacoj ri alalaj awekebal paquiwi' ri ri'jab.

Ri Jeremiy 51:59

Chupam ri ucaj junab ri rajawinic ri Sedequiy, ajawinel re Juda, ri Jeremiy ri k'axal tzij xuya' jun takquil che ri Seraiy, u c'ojol ri Neriy ri' u mam c'ut ri Maasiy. Ri Seraiy terenel rech ri ajawinel Sedequiy pa ri u bic pa Babilon, are c'u cäsuc'uman ri carokxanij wi rib ri ajawinel.