Ri Esdras 5:1 - Quiché Bible

¹ Ri e k'axal tak tzij, ri Hajey xukuje' ri Zacariy u c'ojol ri Id xequiya' u bixic chque tak ri aj judeyib ri e c'o pa Juda xukuje' pa Jerusalen ri tzijol tak ri qui c'amom ri yo'm chque rumal ri Ajawaxel, ri u Dios ri Israel.

Ri Esdras 5:1 Referans Kwoze

Ri Hajey 1:1

Chupam ri ucab junab re ri rajawinic ri ajawinel Dariy, chupam ri nabe rajilabal ri uwak ic', ri Ajawaxel, rumal ri Hajey k'axal tzij, xutzijobej ri k'atal tzij re Juda, ri Zorobabel (ri Salatiel are' ri u tat ri Zorobabel), xukuje' ri c'amal qui be ri cojol tabal tok'ob, ri Jexu (ri Josadac are' ri u tat ri Jexu).

Ri Miquey 5:4

Ri ajawinel cawalij na che u yuk'uxic ri u tinimit ruc' ri cuinem xukuje' ri nimalaj u banic ri Ajawaxel ri u Dios, ri e are' quecuinic quejeki' na pa jamaril, rumal rech chi canimarisax na u k'ij ri Ajawaxel c'ä chupam ri q'uisbal jutz' re ri uwächulew.

Ri Esdras 4:24

Rumal ri', xk'ilk'ob u banic u yaquic ri Rachoch Dios pa Jerusalen c'ä pa ri ucab junab re ri rajawinic ri Dariy re Pers.

Ri Esdras 6:14

Jeri' ri aj judeyib ri e c'amal tak u be ri chac xecuinic xquitakej qui banic tak ri chac ri caban u banic, je jas ri yo'm u bixic rumal ri k'axal tzij ri Hajey xukuje' ri Zacariy, u c'ojol ri Id. Xq'uis c'u u banic ri yacanic je jas ri yo'm u bixic rumal ri u Dios ri Israel, je c'ut xukuje' jas ri takanic ri u yo'm ri Sir, ri Dariy xukuje' ri Artajers, e ajawinelab re Pers.

Ri Hajey 2:18

Camic, ri k'ij juwinak quiejeb rajilabal ri ubelej ic', xecoj tak ri e u tac'alibal ri wachoch.

Ri Zacariy 8:9

Are wa' ri cubij ri Ajawaxel ri c'o ronojel u cuinem: “Chebicojo' tak i chuk'ab, ix ri e i tom tak ri tzij ri e qui bim tak ri e k'axal tak tzij, kas pa ri k'ij aretak xecoj tak ri tac'alibal che ri u tz'akatisaxic u yaquic ri rachoch ri Ajawaxel ri c'o ronojel u cuinem.