Ri Esdras 10:8 - Quiché Bible

⁸ Apachin c'u ri man copan taj aretak coc'ow ri oxib k'ij, jas ri xquichomaj ri e c'ämal tak be xukuje' ri e ya'l tak no'j man cäya' ta chi che coc chi chupam ri rechbal, quesax c'u ri u bi' chquixo'l ri xetzelej ulok.

Ri Esdras 10:8 Referans Kwoze

Ri Esdras 7:26

Ronojel c'ut ri man cutz'akatisaj ta ri u banic ri u pixab ri a Dios; xukuje' tak ri u pixab ri ajawinel, chc'okox che cämical, chesaj bic pa jun tinimit chic, chutojo' ri torobal rib, we man cutojo chcoj pa che'.”

1 Corintios 5:13

Are c'u ri winak ri man e cojonelab taj, are ri Dios ri' cäk'atow na tzij paquiwi'. Chiwesaj ba' ri ajmac ri' chixo'l.

Ri Xuan 16:2

Quixesax na bic pa tak ri ja ri cäquitijoj wi quib ri aj judeyib che ri pixab. Cäpe c'u na ri k'ij, aretak apachin ri quixquicämisaj, cäquichomaj wa' chi patanijic wa' che ri Dios.

Ri Xuan 9:34

Ri aj judeyib xquibij che: “Ri at at nojinak che ri mac xatalaxic. ¿La at ta c'ut cujatijoj?” Xquesaj c'u bic.

Ri Xuan 9:22

Ri u tat u nan xquibij wa' rumal rech chi xquixe'j quib chquiwäch ri aj judeyib. Are c'u ri aj judeyib qui banom chomanic, chi we c'o jachin jun cubij chi ri Jesus are ri Crist, quesax bic pa ri ja ri cäquitijoj wi quib ri aj judeyib che ri pixab.

Ri Matey 18:17

We ri awachalal man cutatabej ta ri qui tzij, chabij chque ri comon cojonelab. We c'u man cutatabej ri qui tzij ri comon cojonelab chux ba' chawe jacha' jun man cojonel taj, chux je jas jun tok'il alcabal chawe.

Ri Nehemiy 13:3

Je c'u ri', xuwi xquita' ri cubij ri pixab, xequitas che ri Israel conojel ri e qui yujum tak quib cuc' tak ri man e qui winakil taj.

Nabe Samuel 11:7

Ri Saul xebuc'am juc'ulaj wacax xebuban ch'akatak chque, xebutak c'u tako'n xequic'am bic ri ch'akatak pa conojel ri qui tinimit ri aj israelib. Ri e tako'n je xquibij wa': “Je cäban na wa' chque ri u wacax ri winak ri man cunuc' ta rib ruc' ri Saul xukuje' ri Samuel, man cäteri ta c'u chquij.” Xemajix c'u ri winak rumal jun nimalaj xe'n ib, e je ta c'u ne xa jun winak xebel ulok che u junaxic quib cuc'.

K'atal tak Tzij 21:5

Xquitala' c'u chquixo'l xquibij: “¿Jachin tak ri man xec'oji' ta chkaxo'l pa ri mulin ib pa Mizpa?” Xquiban ri chi'nic ri kas cäban na chi quequicämisaj jachin tak ri man quec'oji' ta pa ri mulin ib.

Ri Josue 6:19

Are' c'u ri k'an puak ri sak puak, xukuje' conojel ri jastak ri e re k'an ch'ich' xukuje' ri e re räx ch'ich', e tastal che ri Ajawaxel, queya' c'u na ruc' ri u k'inomal.”

Aj Levitib 27:28

We c'o jachin jun cutas che ri Ajawaxel jubik' chque ri jastak rech che jun sipanic we e winak, we e awaj, we e ulew ri rechbem chque ri rachalaxic; che ri tasom man cuya' taj c'o ta cac'ayix che mawi cäc'am ta chi jumul; ronojel ri tasom are jun jasach ri sibalaj tastalic ri jachom che ri Ajawaxel.

Ri Esdras 10:7

Xban c'u jun siq'uinic chque chnimalaj conojel ri e c'o pa Juda xukuje' pa Jerusalen, rech caquimulij quib pa Jerusalen conojel ri xquiya' can ri Babilon ri xetzelej ulok.

Ri Esdras 10:9

Rumal c'u rech wa', conojel ri achijab aj Juda xukuje' ri aj Benjamin xquimulij quib pa Jerusalen pa ri juwinak (20) rajilabal ri ubelej (9) ic', ri u bixic, pa oxib k'ij. Conojel c'u wa' xet'uyi' chuwäch ri Rachoch Dios, quebirbitic rumal rech ri petinak paquiwi' xukuje' ri jäb ri cätajin cäkajic.

Ri Nehemiy 13:28

Jun chque ri e u c'ojol ri Joiad, u c'ojol ri nimal cojol tabal tok'ob ri Eliasib, ri xukuje' ne u ji' ri Sanbalat ri aj oron, xinban che chi xanimaj chnuwäch.