Ri Esdras 10:1 - Quiché Bible

¹ Aretak ri Esdras cätajin cuban ch'awem ruc' ri Dios cätajin c'u cuban we k'alajisam macaj ri' cätajin cok'ic u xucuban c'u rib chuwäch ri Rachoch ri Dios, jumulaj aj israelib, achijab, ixokib xukuje' ac'alab, ri xukuje' quebok' ruc' nimalaj c'axc'olil, xquimulij quib pa tak u xc'ut.

Ri Esdras 10:1 Referans Kwoze

Ri Daniel 9:20

“Ri in xintakej qui k'alajisaxic ri nu mac xukuje' ri quech ri nu tinimit Israel, xebenjach c'ut ri nu bochi'nic chuwäch ri Ajawaxel ri nu Dios puwi' ri tastalic u juyub ri Dios.

Salmib 119:136

Nima' quech u wa'l wächaj queturuw tak chque ri nu bak'wäch, rumal rech chi man nim ta quil wi ri tijonic la.

Romanos 9:2

chi ronojel k'ij c'o nimalaj nu bis, sibalaj cäk'oxow ri wanima'.

Nabe Ajawinelab 8:30

Chtatabej la ri nu bochi'nic xukuje' ri e quech ri Israel ri tinimit la aretak cakaban ch'awem chusuq'uil we c'olbal ri'. Chtatabej la ulok chicaj, are c'u c'olbal wa' ri lal jekel wi, chäya' la ri sachbal mac chke.

Ri Lucax 19:41

Aretak xenakajin che ri Jerusalen, ri Jesus xril ri tinimit, xrok'ej u wäch.

Ri Nehemiy 8:9

Ronojel c'ut ri tinimit cok'ic aretak xuta' ri xubij ri pixab; are' c'u ri takanel Nehemiy, ri Esdras (ri ajtij xukuje' cojol tabal tok'ob), xukuje' tak ri aj levitib ri caquik'alajisaj ri pixab chuwäch ri tinimit, xquibij chque conojel chi mebisonic mawi mebok'ic, rumal rech chi ri k'ij ri' tasom che ri Ajawaxel, ri i Dios.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Nehemiy 10:28

E are' chi c'ut ri niq'uiaj winak chic: ri e cojol tabal tok'ob, ri aj levitib, ri chajil tak oquibal, ri aj bixab, ri pataninelab chupam ri rachoch Dios, xukuje' conojel ri xquitas quib chquij ri winak ri e c'o pa ri ulew rech caquitz'akatisaj ri u pixab ri Dios, e cachilam tak ri quixokil xukuje' conojel tak ri e qui c'ojol xukuje' tak ri e qui mia'l ri caquicoj chic ri qui chomanic,

Ucab Tzijobelil 20:9

‘We cäpe jun u q'ueyowal pakawi' jacha' jun c'äjisabal wächaj, we ne ch'o'j, cämisanel yabil o wi'jal, quelkaya' na kib chuwäch we achoch la ri', lal c'u c'o chupam we achoch la ri', chupam c'ut ri ka rikoj c'ax cakatz'onoj c'ut ri to'banic la, ri lal c'ut cujtatabej na la cujto'tajisaj c'u na la.’

Ri Osey 14:2

Chixtzelej ruc' ri Ajawaxel chic'ama' bic we ch'awem ri' iwuc'. “Cuyu' la ronojel ri ketzelal ruc' c'u ronojel anima' la chec'amowaj la ri k'ijilanic ri quekachi'j che la.

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Salmib 32:5

Xink'alajisaj c'ut ri nu mac chwäch la xukuje' ri wetzelal man c'o ta xinc'u' che; xpe pa wanima' qui k'alajisaxic ri e nu mac chwäch la, are c'u ri lal, Ajawaxel, xecuy la.

Nabe Ajawinelab 9:3

xubij c'u che: “Nu c'amowam ri ch'awem ri a banom xukuje' ri bochi'nic ri a banom chwe nu tasom c'ut we ja ri' ri a yacom jacha' jun jekelibal che ri nu bi' amak'el. Amak'el c'ut quinchajij na man cäsach ta c'u pa nu jolom.

Hechos 21:5

E oc'owinak chi c'u ri wukub k'ij ri', xujel bic. Uj achilam cumal conojel ri cojonelab cuc' ri quixokil xukuje' ri calc'ual, c'ä tza'm ja. Xujxuqui' chuchi' ri plo, xkaban ch'awem ruc' Dios.

Hechos 10:30

Ri Cornel xutzelej u bixic: “C'o chi quiejeb k'ij je jok'otaj wa' in c'o chupam ri wachoch pa ri urox jok'otaj c'ut benak k'ij cätajin c'u quinban ri ch'awem ruc' Dios, aretak xinwil jun achi xtaq'ui' chnuwäch, cäjuluw ri ratz'iak.

Ucab Tzijobelil 20:13

Ronojel ri Juda tac'al chuwäch ri Ajawaxel, e are' juch'ob ri quixokil ri e qui c'ojol, xukuje' ne ri ac'alab ri c'ä e chutik na.

U Camulixic ri Pixab 31:12

Rajawaxic chi conojel ri tinimit cäquimulij na quib, chi achijab chi ixokib, ri ac'alab xukuje' ri man e i winakil ta ri e jekel pa ri e i tinimit tak, rech cäquita' ri u siq'uixic ri pixab xukuje' cäquetamaj u nimaxic ri Ajawaxel ri i Dios, cäquitakej c'u u banic ri cubij ri pixab.

Ri Matey 3:6

Xquik'alajisaj ri qui mac, xban ri qui bautism rumal ri Xuan pa ri nima' Jordan.

Ri Esdras 10:6

Ri Esdras xuya' can ri Rachoch ri Dios che u bic pa ri alaj rachoch ri Johanan, u c'ojol ri Eliasib, ri xroc'owisaj wi ri junak'ab man c'o ta wa ja' xutijo, rumal rech chi sibalaj cäbisonic, rumal rech chi man jic ta quebin ri xquiya' can ri Babilon ri xetzelej ulok.

Ri Nehemiy 1:4

Aretak xinta' tak we tzijol ri', xint'uyiba' wib che ok'ej, xbeytaj c'u quieb oxib k'ij ri nu bis, man xinwa' taj xukuje' xinban ch'awem chuwäch ri Dios ri c'o pa ri caj.

Ri Nehemiy 1:6

quinbochi'n che la camic chi tatabej la ri ch'awem ri quinban chwäch la chi pa k'ij, chi chak'ab paquiwi' ri e pataninelab la, ri aj israelib. Quincoj wib chupam chi ri uj, ri uj aj israelib, uj macuninak chwäch la; ¡Xukuje' tak ne ri e wachalaxic xukuje' ri in, uj macuninak!

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Ri Josue 8:35

Man c'o ta xa ta ne jun tzij che ronojel ri takaninak wi ri Moises, ri ma ta xuya' u siq'uixic ri Josue chquiwäch conojel ri aj israelib, chi ixokib chi ac'alab, xukuje' ne ri man e qui winakil taj ri e jekel chquixo'l.