Ri Esdras 1:5 - Quiché Bible

⁵ Ri c'ämal tak qui be ri jujun tak ja winak aj Juda xukuje' ri aj Benjamin, ri e cojol tabal tok'ob xukuje' ri aj levitib, conojel ri xya' chuk'ab chque rumal ri Dios, xequisuc'umala' tak quib che ri qui bic pa Jerusalen che u banic u yaquic ri Rachoch ri Ajawaxel.

Ri Esdras 1:5 Referans Kwoze

Ri Esdras 1:1

Pa ri nabe junab re ri rajawinic ri Sir, ajawinel re Pers, rech cätz'akat ri u tzij ri Ajawaxel ri xya' u bixic rumal ri Jeremiy, ri Ajawaxel xuya' pa ranima' ri Sir rech cuya' nimalaj u bixic rumal tzij xukuje' rumal tz'ibatalic, we takanic ri':

Filipenses 2:13

Are c'u ri Dios cayo'w pa ri iwanima' ri u rayixic u banic ri cakaj chuwäch.

2 Corintios 8:16

Maltiox che ri Dios chi xuya' pa ranima' ri Tit ri junam oquem il ri c'o wuc' chiwe.

Ri Nehemiy 2:12

xinwalij chak'ab, in achilatal cumal jujun tak achijab, man c'o ta c'u jachin che wi ri u yo'm ri Dios pa ri wanima' ri quinban che ri Jerusalen. Man c'o ta chi jun quiejebal wuc'am xane' xak xuwi ri quinquiejebej.

Ucab Tzijobelil 36:22

Pa ri nabe junab re ri rajawinic ri Sir, ajawinel re Pers, rech c'u cätz'akat ri u tzij ri Ajawaxel ri xuya' u bixic ri Jeremiy, ri Ajawaxel xutakchi'j ri Sir rech cuya' u bixic pa ronojel ri rajawibal, cumal tzij xukuje' cumal tz'ibam, we takanic ri':

3 Juan 1:11

Lok'alaj wachalal, maban ba awe ri etzelal, xane' chbana' ri utzilal. Apachin ri cuban utzilal, are ri' rech ri Dios. Apachin c'u ri cuban etzelal, man rilom ta u wäch ri Dios ri'.

E C'ambal tak Tzij 16:1

Ri e chomanic e rech ri winak; ri q'uisbal u tza'm tzij ruc' ri Ajawaxel c'o wi.

Ri Esdras 1:2

“Ri Sir, ajawinel re Pers, cuk'alajisaj ri cätakex u bixic: Ri Ajawaxel, ri Dios ri c'o chicaj, u yo'm pa nu k'ab conojel ri ajawibal aj uwächulew, u yo'm c'u u bixic chwe chi quinyac jun Rachoch Dios pa Jerusalen, ri c'o pa ri rulew ri Juda.

Ri Esdras 1:4

Apachin ta c'u ne ri c'ä c'aslic ri quel bic pa ri c'olbal ri jekel wi camic, chyok bic sak puak, k'an puak che cumal tak ri u c'ulja che u to'ic, jastak re, xukuje' tak awaj, xukuje' chquiya' bic sipanic che ri Rachoch ri Dios pa Jerusalen.”

Ri Hajey 1:14

Je xuban wa' ri Ajawaxel che u ya'ic chajin anima' che ri Zorobabel, u k'atal tzij ri Juda, che ri Jexu, c'amal qui be ri e cojol tabal tok'ob, xukuje' ri e qui tz'akatil tak ri winak, chupam c'ut ri k'ij juwinak quiejeb rajilabal ri uwak ic' re ri ucab junab re ri rajawinic ri Dariy xquichaplej u banic ri rachoch ri qui Dios, ri Ajawaxel ri c'o ronojel u cuinem.