Ri Daniel 8:9 - Quiché Bible

⁹ Che jun chque we uc'a' ri' xel chi ulok jun alaj uc'a', ri sibalaj xq'uiy apan che ri u mox elebal k'ij, che ri elebal k'ij xukuje' che ri Ulew ri re ri Je'lical.

Ri Daniel 8:9 Referans Kwoze

Ri Daniel 11:16

Ri ch'äcanel cuban na jachique ri cäraj cuc' ri e ch'äctajinak, man c'o ta c'u jachin cäcuin ta che qui k'atexic, cäcanaj c'u na can pa ri Ulew re ri Je'lical, cusachisaj c'u u wäch ronojel ri curik pa ri u be.

Ri Daniel 7:8

Aretak c'u cätajin quebenca'yej tak ri uc'a', xinwilo chi cätajin quel chi ulok jun alaj uc'a' chquixo'l, xebok c'u oxib ruc'a' rech cäya' can c'olbal che ri q'uisbal ri c'äte xel ulok, ri e c'o u bak'wäch jas ri e c'o che jun winak xukuje' jun u chi' ri cäch'aw ruc' banoj nimal.”

Ri Ezequiel 20:15

Xukuje' pa ri chaki'j uwo sak xinban ri chi'nic ri kas cäban na, xincha' chque chi man quebenwoquisaj taj pa ri ulew ri nu yo'm chque, ri sibalaj je'l na chquiwäch conojel, jawije' ri cabelel wi ri leche xukuje' ri u juyubal räx cab jacha' ri ja',

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Salmib 48:2

¡Sibalaj je'l ri u chicajil ri juyub Sion, jela' pa u xcut ri riquiak'ab ri elebal k'ij! ¡Are u quicotemal ronojel ri uwächulew! ¡Are u tinimit ri ajawinel ri nim u k'ij!

Ri Zacariy 7:14

Rumal ri' xebenjabuj jacha' ta ne ri rumal jun salc'um chquixo'l conojel ri nimak tak tinimit ri man queta'm ta qui wäch, xcanaj c'u can ri culew chquij ri xq'uextaj pa jun chaki'j uwo sak ri man c'o ta jachin jun ri cacuin taj cäjeki' ta chila'. ¡Jun je'lalaj ulew, are c'u ri e are' xquijalwächij pa jun toloticalaj juyub ri man c'o ta chi cac'am che!”

Ri Daniel 11:21

Aretak cäminak chic cajawin na jun itzel achi, ri man takal ta che chi coc che ajawinel, ri quebuc'u' ri itzel tak u chomanic, cumajij c'u na ri takanic cumal tak subunic.

Ri Jeremiy 3:19

“Israel, in xinya' nu tzij che a c'amowaxic jacha' che walc'ual xinya' c'u jun ulew chawe ri carayixic, ri ulew ri sibalaj je'l na pa ronojel ri uwächulew. Xinchomaj c'ut chi quinbinaj na tataxel awumal chi mawi ta jumul xanajtajisaj ta awib chwe.

Salmib 105:24

Ri Dios xubano chi xq'uiyir ri rajilabal ri u tinimit, c'o c'u na u chuk'ab chquiwäch ri aj ejiptib.