Ri Daniel 8:3 - Quiché Bible

³ Xinca'y apan chinaj, xinwil c'u apan jun ama' chij ri c'o apan chuchi' ri nima'. E c'o quieb ruc'a' ri e tac'atak, jun chque matam xel ulok, xoc'ow c'u na ri u taq'ui'c chuwäch ri jun chic.

Ri Daniel 8:3 Referans Kwoze

Ri Daniel 8:20

Ri ama' chij ri e c'o quieb ruc'a' are quebuc'ut ri ajawinelab re Med xukuje' re Pers.

Ri Daniel 10:5

Xtaki' c'u apan nu wäch, xinwil c'u jun achi e u cojom sakloloj atz'iak re lino xukuje' jun ximibal u pam re utzalaj k'an puak.

Ri Zacariy 6:1

Xc'utun chic jun c'utwächinic chnuwäch. Xinwilo chi xebel ulok quiejeb carwaj re ch'o'j chquixo'l quieb juyub re k'an ch'ich'.

Ri Zacariy 5:9

Xinca'y chi jumul, xebenwil quieb ixokib ri xquic'ut quib. E c'o qui xic', are c'u ri quiakik' e c'amowinak bic. Ri e qui xic e jacha' ta ne ri e qui xic' ri siguenya, cuc'am c'u bic ri caxa pajbal pa tak ri quiakik'.

Ri Zacariy 5:5

Xpe chi c'ut ri tako'n aj caj ri catzijon wuc', xubij c'u chwe: “¡Kas chawila' ri cuc'ut rib camic!”

Ri Zacariy 5:1

Xc'utun chic jun c'utwächinic chnuwäch. Xinwil jobotaj wuj ri tz'ibatal u wäch, ri carapapic.

Ri Zacariy 2:1

Xinwil chi c'u na jun c'utwächinic. Xc'utun jun winak chnuwäch ri ruc'am jun etabal pa u k'ab.

Ri Zacariy 1:18

Xinwil chic jun c'utwächinic, ri xebenwil quiejeb uc'a' chupam.

Ri Daniel 7:5

Ri ucab je ta ne u banic jun os, c'o na ri u nimal ri juperaj chuwäch ri juperaj chic, e u cayem c'u oxib c'alc'a'x; xinta' c'ut cäbix che: ‘¡Jät, jatija' ronojel ri ti'j ri catcuin che u tijic!’

Ri Daniel 6:28

Ri Daniel xutakej ruxic jun achi ri nim u k'ij pa ri rajawibal ri Dariy, xukuje' pa ri rajawibal ri Sir ri ajawinel pa Pers.

Ri Daniel 5:31

are c'u ri Dariy ri aj Med xtokin ri ajawibal. Ri Dariy c'o oxc'al quieb (62) u junab pa tak ri k'ij ri'.

Ri Daniel 2:39

Aretak c'u oc'owinak chic ri ajawinic la, cäpe c'u na jun ajawibal ri man nim ta u k'ij chuwäch ri ech la. Cäpe chi c'u na jun urox ajawibal re k'an ch'ich' ri cajawin na puwi' ronojel ri uwächulew.

Ri Jeremiy 51:11

Ri Ajawaxel are caraj cusachisaj u wäch ri Babilon, u c'asum c'u pa qui jolom tak ri ajawinelab re Med we junam chomanic ri'. Are c'u rajil c'axelal wa' cuya' ri Ajawaxel u mac rech ri xquiban che ri rachoch. ¡Chebisuc'umaj tak ri ch'ab! ¡Chebiwuc'aj tak ri i quetecak tak i ch'ich'!

Ri Isaiy 44:28

In quinbij che ri Sir: At nu cojom che wajyuk', at catbanow na ronojel ri quinwaj xukuje' quinbij che ri Jerusalen: Ri at catyac chi na jumul che c'u ri rachoch Dios: quecoj chi na ri e a tac'alibal.”

Ri Isaiy 21:2

Xibibal ri c'utwächinic ri u c'utum ri Ajawaxel chnuwäch: ri jachinel quieb u wäch cäjachinic, ri yojinel cayinic. ¡Chatwalijok, Elam! ¡Oh medib, chixtokinok! ¡In quinya' na uxlanem chque ri quech'ikow rumal!

Ri Isaiy 13:17

Quebentak na ulok ri winak aj medib chquij, winak ri man queboc ta il che ri sak puak, xukuje' man c'o ta cubij qui c'u'x che ri k'an puak.

Ri Ester 1:3

Chupam c'ut ri urox junab re ri rajawinic xuban jun nimak'ij che u ya'ic qui k'ij conojel ri e rach k'atal tak tzij, ri quetoban pa ri ajawinic, ri e c'amal tak qui be ri e rajch'ojab aj Pers xukuje' aj Med, xukuje' chque ri k'atal tak tzij xukuje' ri c'ämal tak qui be pa ri u tz'akatil ri ajawibal,

Ri Esdras 4:5

Xquiban c'u u pa qui k'ab ri e k'atal tak tzij, we winak ri' xequicoj qui chuk'ab, xequik'il che u takexic u banic ri cätajin caquibano ronojel ri k'ijol ri xajawin ri Sir, ajawinel re Pers. C'ä xuchaplej na ajawinic ri Dariy, ajawinel re Pers.

Ri Esdras 1:2

“Ri Sir, ajawinel re Pers, cuk'alajisaj ri cätakex u bixic: Ri Ajawaxel, ri Dios ri c'o chicaj, u yo'm pa nu k'ab conojel ri ajawibal aj uwächulew, u yo'm c'u u bixic chwe chi quinyac jun Rachoch Dios pa Jerusalen, ri c'o pa ri rulew ri Juda.

Nabe Tzijobelil 21:16

Xca'y c'u apan ri David, xril apan ri u tako'n ri Ajawaxel chi c'o chuxo'l ri caj ruc' ri ulew, ruc'am jun ch'ich' re ch'o'j ch'anal pa u k'ab, ri are' cätajin cuc'ut ri Jerusalen. Are' c'u ri David xukuje' ri nimak tak tatayib, e qui cojom wakwoj tak atz'iak, xquimejela' quib cho ri ulew c'ä xquiya' na ri qui palaj cho ri ulew,

Ri Josue 5:13

Jun k'ij, c'o apan ri Josue chunakaj ri Jerico, xrilo chi c'o jun achi' chuwäch ri c'o jun ch'ich' re ch'o'j pa u k'ab. Ri Josue xkeb ruc' xuc'ot c'u u chi': “¿La at kachil o at cachil ri ka c'ulel?”

Ajilanic 24:2

Aretak c'u xril ri Balaam chi ri Israel quicholajim quib pa tak amak', xmajix rumal ri ruxlabal ri Dios;

Apocalipsis 5:6

Pa u niq'uiajil ri tem re ajawibal, chquixo'l ri quiejeb awaj, xukuje' chquixo'l ri nimak tak tatayib, xinwil jun Alaj Chij. Chäcalic, je ta ne ri cämisam. C'o wukub ruc'a', c'o wukub u bak'wäch, are wa' ri wukub ruxlabal ri Dios ri e takom bic cho ronojel ri uwächulew.

Apocalipsis 13:11

Xinwil chi c'u na jun xibibal awaj chic ri xpaki' ulok xel ulok pa ri ulew. C'o quieb ruc'a' junam cuc' ri ruc'a' jun alaj chij, xtzijon c'ut je jas jun awaj dragon.

Ri Daniel 8:2

Aretak cätajin quinwil ri c'utwächinic xinna' wib chi in c'o pa ri tinimit Sus, ri c'o chuxe' ri u takanic ri Elam, chuchi' ri nima' Ulay.