Ri Daniel 7:2 - Quiché Bible

² “In xinwil pa ri nu waram chi ri quiejeb quiakik' quejich'ich'ic xequich'ujirisaj c'ut ri e u ja'il ri plo.

Ri Daniel 7:2 Referans Kwoze

Apocalipsis 7:1

Aretak xebantaj we jastak ri', xebenwil quiejeb tako'nib aj caj ri e tac'atoj paquiwi' ri quiejeb u tza'm ri uwächulew. Qui chapom ri quiejeb quiakik', rech man cäjich'ich' ta ri quiakik' cho ri uwächulew, mawi cho ri plo, mawi puwi' apachique che'.

Apocalipsis 17:15

Ri tako'n aj caj xubij c'u chwe: “Ri ja' ri e awilom jawije' ri t'uyul wi ri ixok quech nim ch'utin, are e winakil, e q'uialaj winak, e nimak tak tinimit xukuje' e ch'abal.

Ri Matey 24:31

Quebutak na ri tako'nib aj chicaj ruc' nimalaj rok'ebal trompet. Quebumulij na ri e rech ri e u cha'om pa ri quiejeb u tza'm ri uwächulew, che ri jun u tza'm ri caj c'ä che ri jun chic.

Ri Jeremiy 49:36

Quinc'am na ulok tak quiakik' puwi' we tinimit ri' kas pa ri quiejeb xcutaj, rech quebuc'am bic pa conojel tak c'olbal, c'ä man c'o ta na ulew cäcanajic ri quebopan ta wi ri aj Elam ri quequito' ta wi quib.

Ri Daniel 2:19

Pa ri ak'ab ri' ri awatalic xc'utunisax chuwäch ri Daniel pa jun c'utwächinic, rumal c'u wa' ri Daniel xutewichi'j ri Dios ri c'o pa ri caj

Ri Daniel 7:7

Ri ucaj awaj ri xinwil pa ri e nu c'utwächinic sibalaj xibibal, cäxibinic, c'o c'u jun u chuk'ab ri man c'o ta c'o wi, e c'o jujun nimak tak u ware re räx ch'ich', ronojel cubik'o, ronojel cut'ubu, quebuxak'alej tak ri ch'akatak ri queto'tajic. Are jun xibibalalaj awaj wa' ri man cäjunamataj cuc' conojel ri e wilom pa ri nu waram, e c'o lajuj ruc'a' pa u jolom.

Ri Daniel 7:13

Ri in nu takem quilic tak we c'utwächinic ri' pa ri chak'ab ri', xak c'u c'ätetal: Xinwilo chi petinak jun pa tak ri sutz' ri je ta ne cäpe jun rija'l winak, xbe c'ut jawije' c'o wi ri Nim Winak; xoquisax c'u chuwäch.

Ri Daniel 8:2

Aretak cätajin quinwil ri c'utwächinic xinna' wib chi in c'o pa ri tinimit Sus, ri c'o chuxe' ri u takanic ri Elam, chuchi' ri nima' Ulay.

Ri Daniel 8:8

Ri ama' q'uisic' sibalaj cätajin cäq'uiy ri u chuk'ab, aretak c'u sibalaj c'o chic ri u chuk'ab, xk'aj ri nimalaj ruc'a', pa ri u c'olbal xebel chi ulok quiejeb ruc'a' ri are cäquic'ut ri quiejeb u xcut ri uwächulew.

Ri Daniel 11:4

Aretak c'u jekel chic ri rajawinic cayojyob na, cäban c'u na quiejeb che. Ri u cuinem we ajawinel ri' man cäk'ax ta na pa qui k'ab ri rija'lil, mawi c'u ne c'o ta chi sibalaj nim u chuk'ab we ajawinic ri' jacha' ri nabe canok, cäjachjaxin c'u na e jutak le' chi wi ri quebajawin pa ri u c'olbal.

Ri Zacariy 6:5

Ri tako'n xutzelej u bixic chwe: “E are quiejeb quiakik' wa', ri quel bic chuwäch ri Ajawaxel re ronojel ri uwächulew.

Ri Isaiy 17:12

¡Chitampe' ri qui jininem tak ri tinimit ri sibalaj quebuchuwic, jacha' ri u jininem ri plo! Are' ri wululem ri quequiya' ri nimak tak tinimit, jacha' ri qui chojojem nimak tak ja'.

Ri Jeremiy 51:42

Ri plo xubik' ri Babilon, xuch'uk cuc' ri nimak tak u rekbala'.