Ri Abdiy 1:21 - Quiché Bible

²¹ Ruc' ch'äcanic quepaki' na pa ri juyub Sion che u k'atic tzij paquiwi' ri e c'o chupam ri e aj u c'ache'laj ri rulew ri Esau, are' c'u ri Ajawaxel are ri cajawin na.

Ri Abdiy 1:21 Referans Kwoze

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Santiago 5:20

chich'obo' chi ri jun ri cäresaj ri ajmac pa ri be jawije' ri sachinak wi, cuto' na ri ranima' wa' chuwäch ri cämical, xukuje' cubano chi quesachtaj ri q'ui mac.

Ri Zacariy 14:9

Chupam ri k'ijol ri' ri Ajawaxel cajawin na puwi' ronojel ri uwächulew. Ri Ajawaxel xa' jun cux na' ri are' xa' jun cux na' ri u bi' xukuje'.

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

1 Timoteo 4:16

Chawila' awib, xukuje' chawilij ri a tijonic, maya' canok. We caban c'u wa', cacol na awib, xukuje' quebacol ri catquitatabej.

Salmib 22:28

Ri Ajawaxel, ajawinel c'ut, ri are' cätakan paquiwi' ri nimak tak tinimit.

Ri Lucax 22:30

rech quixwa'ic, quixuq'uian pa ri nu mexa pa ri wajawibal, rech quixt'uyi' paquiwi' tak tem che u k'atic tzij paquiwi' ri cablajuj ramak' ri Israel.”

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Isaiy 19:20

Cajwataj wa' che jun etal che u nataxic ri Ajawaxel ri c'o ronojel u cuinem pa ronojel ri ulew re Ejipt. Aretak c'ut cäquita' ri u to'banic ri Ajawaxel che qui to'ic pa qui k'ab ri quebanow c'ax chque, ri are' cutak na ulok jun torol quech, rech quebuto' xukuje' quebucolo.

K'atal tak Tzij 2:16

xebuwalijisaj c'u c'amal tak qui be ri xeto'w pa qui k'ab ri xetokin ri jastak quech.

Apocalipsis 20:4

Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.

Apocalipsis 19:6

Xukuje' xinta' jun ch'abal, je ta ne qui ch'abal q'ui winak, je ta ne qui chojojem q'uialaj tak ja' xukuje' ri cok'ebal cowilaj tak cakulja, ri xubij: “¡Chnimarisax u k'ij ri Ajawaxel!, rumal rech chi ri Ajawaxel ri ka Dios ri c'o ronojel cuinem ruc', cätakan puwi' ronojel.

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Ri Matey 6:10

Chpet ri ajawibal la. Chban ri rayibal la cho ri uwächulew, jacha' ri cäban chicaj.

Ri Joel 2:32

Conojel c'ut ri caquiya' u k'ij ri Ajawaxel quecuinic caquito'tajisaj quib man querik ta na rumal ri cämical, chupam c'ut ri juyub re Sion, pa Jerusalen, cac'oji' wi na ri to'tajisabal ib, je jacha' ri u chi'm ri Ajawaxel. Ri e u cha'om quec'asi' na canok.

Ri Daniel 12:3

Ri achijab ri ajno'jab, ri xequic'am qui be q'ui winak pa ri colomalaj be, quejuluw na jacha' ri räxalaj caj; ¡quejuluw na chbe k'ij sak, e junam cuc' tak ri ch'imil!

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Daniel 2:35

Pa ri jok'otaj, ri räx ch'ich', ri t'äc, ri k'an ch'ich', ri sak puak xukuje' ri k'an puak xebux puc'uc' ulew, jacha' ri quilitaj pa ri sak'ij aretak cäjopix ri trico, cäc'am c'u bic rumal ri quiakik' man c'o ta c'u jubik' retal cäcanajic. Are c'u ri abaj ri xpe chrij ri u wächbal winak xux jun nimalaj juyub xunojisaj c'u ronojel ri uwächulew.

Salmib 102:15

Conojel ri nimak tak tinimit xukuje' tak ri ajawinelab aj uwächulew nim cäquil wi na ri je'lalaj u bi' ri Ajawaxel,

Ucab Ajawinelab 13:5

Xuya' c'ut ri Ajawaxel jun torol quech ri e aj Israel, xetorotaj c'ut ri aj israelib pa u k'ab ri Siriy xejeki' chi c'u jumul pa utzil pa tak ri cachoch, jacha' ri nabe canok.

K'atal tak Tzij 3:9

c'ä xquita' na tok'ob che ri Ajawaxel, xuwalijisaj c'u jun achi che qui to'ic. Ri xeto'wic are ri Otoniel u c'ojol ri Senaz, u chak' ri Caleb:

Ri Nehemiy 9:27

Rumal ri' xejach la pa qui k'ab ri qui banom qui c'ulel chque, rech caquiban c'ax chque. Chi' c'ut aretak e c'o chupam ri qui rikoj c'ax, xquitz'onoj ri to'banic la, are c'u ri lal, rumal ri nimalaj tok'obisam wächaj la, xeto'w la ulok kas chicaj; xeya' la achijab chque ri xeto'tajisan pa qui k'ab ri xebanow tak c'ax chque.

Salmib 47:7

¡Chibixoj jun bix che ri Dios, rumal rech chi are' ajawinel puwi' ronojel ri uwächulew!

Salmib 67:4

Chquiraka' qui chi' tak ri nimak tak tinimit ruc' quicotemal, lal c'ut cäk'atow na la tzij paquiwi' tak ri winak; lal cac'amow la qui be ri nimak tak tinimit cho ri uwächulew.

Chapletajic 25:23

Ri Ajawaxel xubij che: “Quieb nimak tak tinimit e c'o chapam; quieb tinimit cätajin quech'ojinic c'ä maja' c'u quebalaxic. Ri jun c'o na u chuk'ab chuwäch ri jun chic, ri nabeal cäc'oji' na chuxe' ri u takanic ri chak'axel.”

Salmib 22:29

Chi meja' iwib xuwi c'ut ri are' chik'ijilaj conojel ri e c'o pa telechinic, conojel ri quetzelej na pa ri ulew, man c'o ta c'u qui c'aslemal pa quech wi.

Ri Isaiy 24:23

Aretak ri Ajawaxel ri c'o ronojel u cuinem cuc'ut rib chi are ajawinel pa ri juyub Sion xukuje' pa Jerusalen, ri k'ij xukuje' ri ic' cäk'ekumar na, ri e c'amal tak u be re ri u tinimit cäquil na ri u juluwem ri Ajawaxel.