Nabe Tzijobelil 11:3 - Quiché Bible

³ Je c'u wa' xbanic, conojel ri nimak tak tatayib re Israel xebetzijon ruc' ri ajawinel David pa Hebron, xuban c'u jun c'ulwächinic cuc', are xucoj ri Ajawaxel che k'alajisanel chquixo'l. Xquitas c'ut ri David jacha' ajawinel re Israel, je jas ri xuchi'j ri Dios rumal ri Samuel.

Nabe Tzijobelil 11:3 Referans Kwoze

Nabe Samuel 16:1

Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Ucab Samuel 5:3

Je c'u wa' ri xbanic, conojel ri nimak tak tatayib ri e c'o pa Israel xebe che u ch'abexic ri ajawinel David pa Hebron, xuban c'u jun c'ulwächinic cuc', xquicoj c'u ri Ajawaxel che k'alajisanel. Xquijamij c'u aseit puwi' ri David rech cacanaj che ajawinel puwi' ri Israel.

Ucab Samuel 2:4

Xebopan chi c'ut ri achijab ri e c'o pa Juda, xquicoj c'ut ri David che ajawinel puwi' ri Juda. Aretak xtzijox che ri David chi e are' ri aj Jabes aj Galaad e are' xemukuw ri Saul,

Nabe Samuel 16:3

chawula'j c'u ri Isayi rech cac'oji' awuc' aretak cachi'j ri tabal tok'ob, quinbij c'u na chawe ri rajawaxic u banic awumal. Chatasa' che ajawinel jachin ri quinbij chawe.”

Ucab Tzijobelil 23:3

Conojel ri xquimulij quib xquiban jun c'ulwächinic chila' ruc' ri ajawinel chupam ri rachoch ri Ajawaxel. Ri Joiad xubij chque: “¡C'o ri u c'ojol ri ajawinel chiwäch! Are wa' ri rajawaxic cux ajawinel, jacha' ri xuchi'j ri Ajawaxel chque ri e rija'lil ri David.

Ucab Ajawinelab 23:30

Xyac bic cumal ri rach k'atal tak tzij xya' bic chupam jun carwaj xquic'am bic kas pa Meguid c'ä pa Jerusalen, xmuk c'u chila' chupam ri u mukubal. Ri e aj tinimit xquic'am c'ut ri Joacaz, u c'ojol ri Josiy, xquitaso jacha' che ajawinel xquicoj c'u che u q'uexwäch ri u tat.

Ucab Ajawinelab 11:17

Ri Joiad xuban c'u na jun c'ulwächinic ruc' ri Ajawaxel, ri ajawinel xukuje' ri tinimit, chi ri e are' xquicoj quib chuxe' chi quebux u tinimit ri Ajawaxel, ri ajawinel xukuje' ri tinimit.

Nabe Samuel 28:17

Ri Ajawaxel u banom chawe ri xuya' u bixic chawe wumal in. U tokim ri ajawinic pa a k'ab u jachom c'u che ri awachil ri David.

Nabe Samuel 23:18

Qui cabichal c'ut xquiban jun c'ulwächinic chquixo'l, xquicoj c'u ri Ajawaxel che k'alajisanel. Xuwi c'u xbantaj wa' cumal ri Jonatan xtzelej cho rachoch, are c'u ri David xcanaj can pa Hors.

Nabe Samuel 15:28

Xubij c'u ri Samuel che ri Saul: “Ri Ajawaxel je u banom wa', u tanq'uiyim camic ri ajawic pa a k'ab puwi' ri Israel. Resam chawe, cujach c'u pu k'ab jun awinakil, ri utz na chawäch at.

Nabe Samuel 11:15

Rumal c'u ri' ronojel ri tinimit xutakej u be xbe pa Jilgal, chila' c'ut chuwäch ri Ajawaxel, xk'alajisax wi chi are' ajawinel ri Saul. Xequichi'j c'u tabal tak tok'ob che ri Ajawaxel re utzirisan ib, are c'u ri Saul xukuje' conojel ri aj israelib xenoj che quicotemal.

K'atal tak Tzij 11:11

Xpe c'u ri Jepte cuc', ri tinimit xquicoj che c'amal qui be xukuje' che qui nimal. Pa Mizpa, ri Jepte xubij chi jumul chuwäch ri Ajawaxel jas ri u bim can nabe.

Ucab Samuel 5:5

Pa Hebron xajawin wukub (7) junab ruc' niq'uiaj puwi' ri Juda, aretak c'o chic pa Jerusalen xajawin juwinak oxlajuj (33) junab puwi' ronojel ri Israel xukuje' puwi' ri Juda.

Nabe Tzijobelil 11:10

E are' tak rajch'ojab ri David wa' ri nimak na qui k'ij, ri xetoban ruc' pa ri rajawibal xecachilaj c'u conojel ri aj israelib xquiban ajawinel che je jas u yo'm u bixic ri Ajawaxel che ri Israel.