Nabe Samuel 4:5 - Quiché Bible

⁵ Xc'ulmataj c'ut chi aretak xopan ri caxa ri c'o wi ri u c'ulwächinic ri Ajawaxel pa ri kajebal, ri aj israelib conojel xquirak qui chi' ruc' nimalaj quicotemal chi xjinin ne ri ulew.

Nabe Samuel 4:5 Referans Kwoze

Ri Josue 6:5

Aretak c'u i tom chic ri trompet cuban jun rok'ibal ri jalanic, chiraka' i chi' ruc' ronojel ri i chuk'ab, ri nimalaj u tapia ri tinimit cätzak na. Rajawaxic c'ut chi chijujunal quixoc chupam ri tinimit.”

Ri Amos 6:3

Ri ix man quiwajtaj quixchoman che ri lawalolaj k'ij cätajin c'u qui juruj ulok ri rajawinic ri tokinic.

Ri Jeremiy 7:4

Mijiquiba' i c'u'x chquij tak ri quixsubuwic je caquibij wa': ¡Waral c'o wi ri rachoch ri Ajawaxel, waral c'o wi ri rachoch ri Ajawaxel!

Ri Job 20:5

Ri u jajatem ri banal etzelal man cabeytaj taj; ri u quicotemal xa' re jok'otaj.

K'atal tak Tzij 15:14

Aretak xebopan pa Lehi, ri aj pilisteyib xebel ulok che u c'ulaxic, cäquirak qui chi' rumal ri qui quicotemal. Xakaj c'u ri ruxlabal ri Ajawaxel ruc' cuinem, puwi' ri Sanson ri xebut'okopij c'ut ri colob ri e ximowinak ri e u k'ab xukuje' ri e u kul tak u k'ab, ri e je ta ne ximibal re lino ri e kawinak;

Ri Josue 6:20

Ri winak xquirak qui chi' xukuje' ri trompet xebok'ic. Aretak ri aj israelib xquita' ri cok'ebal tak ri trompet, xquichaplej u rakic qui chi' ruc' ronojel ri qui chuk'ab, xtzak c'ut ri u tapia ri tinimit. Xekaj c'u puwi' ri tinimit, xquimajij c'ut.

Ri Miquey 2:11

We c'o jachin jun cuban banoj tzij, cubij c'ut: “In quinya' u bixic u wa'l uva xukuje' tzam”, are' k'axal tzij wa' ri takal che we tinimit ri'.

Nabe Samuel 4:6

Aretak ri aj pilisteyib xquita' ri nimalaj rakoj chi'aj, xquic'otola' qui chi' xquibij: “¿Jasche c'o sibalaj wululem chquixo'l ri aj hebreyib pa ri qui kajebal?” Aretak xquetamaj chi opaninak ri u caxa ri Ajawaxel chquixo'l ri ajch'ojab,

Ucab Samuel 15:24

Xukuje' benak ri Sadoc chquixo'l conojel ri aj levitib ri e u c'aninak bic ri caxa ri c'o wi ri u c'ulwächinic ri Dios, ri xquiya' can chunakaj ri Abiatar c'a xebel na ulok conojel ri winak pa ri tinimit.

Nabe Ajawinelab 1:40

Conojel c'ut xeteri chrij, quecok'esaj tak su'. Sibalaj c'u nim ri qui quicotemal chi je ta ne ri cuban ta quieb ri ulew rumal rech ri rakoj chi'aj.