Nabe Samuel 31:3 - Quiché Bible

³ Xquicoj c'u qui chuk'ab che u ch'äquic ri Saul; are' tak c'ut ri e aj q'uiakbal tak qui ch'ab xecuin che u soquic cuc' tak ri qui ch'ab, sibalaj xuxe'j rib chquiwäch.

Nabe Samuel 31:3 Referans Kwoze

Ucab Samuel 1:6

We achi ri' xutzelej u bixic: “Xak c'u xurika' in c'o apan pa ri juyub Jilbo, xtaki' c'u nu wäch che ri Saul u q'uiakom rib puwi' ri u tz'imaj ch'ich' e petinak chi c'u ri carwaj re ch'o'j xukuje' ri ajch'ojab ri e petinak chunakaj.

Ri Amos 2:14

Pune' c'u sibalaj quiq'uis iwib che animajem man quixto'taj ta na; ri sibalaj co na quebeq'uis ri e u chuk'ab, man cäto'taj ta c'u na ri sibalaj c'o u chuk'ab.

Nabe Ajawinelab 22:34

C'o c'u jun ajch'o'j ri xak xutzokopij ri u q'uiakbal ch'ab pa ri quiakik', xusoc c'ut ri rajawinel ri Israel che cämical chuxo'l ri u tikem wi rib ri ratz'iak re ch'o'j. Xuya' c'u takanic che ri c'amal u be ri u carwaj: “Chattzelej chawij chinawesaj bic pa ri ch'o'j, nim ri socotajic nu rikom.”

Ucab Samuel 1:4

“¿Jas c'ut ri c'ulmatajinak? ¡Chabana' tok'ob, chabij chwe!” xcha' ri David che. “Xebanimaj bic ri ajch'ojab chuwäch ri ch'o'j, e q'ui c'ut xecäm chque” xcha' we achi ri'. “¡Xukuje' xcäm ri Saul xukuje' ri Jonatan ri u c'ojol!”

Chapletajic 49:23

Ri e aj q'uiakal ch'ab cäquiban coyowal che, quequiq'uiak tak ch'ab che, amak'el c'ut caquiya' latz' che.

Ucab Samuel 21:12

xbec xebuc'ama' ulok ri u bakil ri Saul xukuje' ri u bakil ri Jonatan ri u c'ojol, ri e mukutal pa ri culew ri aj jabes pa Galaad. We winak ri' xequeläk'aj ulok cho ri c'ayibal ri c'o pa Bet-san, ri xequixequeba' wi ri aj pilisteyib aretak xkaj ri Saul pa qui k'ab pa Jilbo.