Nabe Samuel 30:12 - Quiché Bible

¹² Xquiya' jun lej che re higo xukuje' quieb lej re uva rachil pasa. Aretak wokinak chic, ri aj ejipt xpe u chuk'ab oxib k'ij c'ut xukuje' oxib ak'ab man wokinak taj mawi c'o joron u tijom.

Nabe Samuel 30:12 Referans Kwoze

K'atal tak Tzij 15:19

Xujak c'ut ri Dios ri jul ri c'o pa Lehi, xutij c'u ri Sanson ri ja' ri xel ulok pa ri jul, xuna' c'ut chi c'o chic u chuk'ab. Rumal ri', ri u q'uiyibal ja' ri c'ä c'o camic pa Lehi, xcoj “En-acor” che u bi'.

Nabe Samuel 14:27

Are c'u ri Jonatan, ri man xuta' taj ri chi'nic ri kas cäban na ri xucoj ri u tat paquiwi' ri ajch'ojab, xuyuk ri che' ri c'o pu k'ab, xurub ri u wi' chupam jun akaj re juyubal räx cab xutij c'u wa', chanim xuya' u chuk'ab.

Ri Matey 27:63

Xquibij che: “Tat, xnataj chke chi we subunel ri', aretak c'ä c'aslok, xubij: ‘E oc'owinak chi oxib k'ij quinc'astaj na chquixo'l ri cäminakib.’

Ri Jonas 1:17

Are' c'u ri Ajawaxel xutak ulok jun nimalaj cär che u bik'ic ri Jonas. Xcanaj c'u oxib k'ij oxib ak'ab ri Jonas chupam ri cär.

Ri Ester 4:16

“Choj la chemulij la conojel ri aj judeyib ri e c'o pa Sus, rech man quewa' taj che nu to'ic. Mewa'ic xukuje' mebuq'uianic oxib k'ij xukuje' oxib ak'ab. Ri nu pataninel tak we xukuje' ri in junam quekaban na ke, xuwi c'u cabantaj wa' quinbe che rilic ri ajawinel, pune' c'u man cätajin ta quinnimaj ri pixab. We c'u quincämisaxic, chincämisax ka wi.”

Nabe Samuel 30:13

Xc'ot c'u u chi' rumal ri David, xubij che: “¿Jachin ri awajaw? ¿At aj jawije'?” Ri aj ejipt xutzelej u bixic che, xubij: “In aj ejipt, pataninel re jun aj amalec, oxib k'ij chi wa' in u tzakom can ri wajaw rumal rech chi xinyawajic,

Nabe Samuel 30:11

Benak chi c'u ri k'ij xquirik jun achi aj ejipt pa ri lianic, xquic'am bic chuwäch ri David, xquitzuk c'u na xukuje' xquiya' na ruq'uia'.

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!