Nabe Samuel 3:13 - Quiché Bible

¹³ Nu yo'm u bixic che chi quinc'äjisaj qui wäch ri e rech, xa' jumul chbe k'ij sak rumal rech ri etzelal ri reta'm chic; ri e u c'ojol in quic'okom, man xebuk'il ta c'ut.

Nabe Samuel 3:13 Referans Kwoze

Ri Matey 10:37

Apachin ri are lok' na ri u tat o ri u nan chnuwäch in, man in takal ta che; apachin ri are lok' na ri u c'ojol o ri u mia'l chnuwäch in, man in takal ta che.

E C'ambal tak Tzij 19:18

Chajic'a' ri a c'ojol utz c'ä cuya' cäjiq'uic, macämisaj c'u rumal ri u c'äjisaxic u wäch.

Nabe Samuel 2:12

Ri e u c'ojol ri Eli e itzel tak achijab, man nim ta c'u cäquil wi ri Ajawaxel

Nabe Samuel 2:17

Je c'u ri', sibalaj c'axalaj mac ri cäquiban we alabom ri' chuwäch ri Ajawaxel, man nim ta c'u quequil wi ri tabal tak tok'ob ri queya' che ri Ajawaxel.

Ri Ezequiel 18:30

Ri in quink'at na tzij piwi' chijujunal, aj israelib, jas kas qui cholajil tak ri e i banoj. In, ri Ajawaxel, quinjiquiba' u bixic. Kas xa' jumul chebitanaba' qui banic conojel tak ri etzelal ri quebibano, rech man quikajbej taj ri etzelal ri quebibano.

Ri Ezequiel 7:3

Opanem cuban ri u sachisaxic a wäch, Israel. Quintojojej ri woyowal pawi'; quinta' na chawe jastak ri a banom pa ri a c'aslemal, quinc'äjisaj c'u na a wäch rumal ri xojibalalaj tak a banoj.

Nabe Ajawinelab 1:6

Ri u tat man c'o ta xubij che, mawi xuc'ot u chi' jasche cuban ri cätajin cubano. Ri Adoniy, ri are' chak'axel che ri Absalon, sibalaj utz caca'yic.

E C'ambal tak Tzij 29:15

Cumal ch'ayic xukuje' k'ilonic cäban etamanic, are' c'u ri c'ojolaxel ri xak cämalamaxic cäresaj u q'uixbal ri u nan.

1 Juan 3:20

We c'u ri kanima' c'o jas cujutzujuj wi, are c'u c'o na ri Dios chuwäch ri kanima', reta'm c'u ronojel.

Ri Joel 3:12

Chiquicolomaj tak quib ri nimak tak tinimit chebopan c'ut chupam ri beya' re Josapat, chila' c'u cuk'at wi na tzij ri Ajawaxel paquiwi' ri c'ulja ri nimak tak tinimit.

Ri Tzijonel 7:22

Pune' c'u ne aweta'm at xukuje', chi q'ui mul a yok'om chi jule'.

Ucab Tzijobelil 20:12

Ka Dios ¿La ma ta cäc'äjisaj la qui wäch? Ri uj man cubana' ta ri ka chuk'ab che u k'atixic qui wäch we q'uialaj ajch'ojab ri' ri cacaj quech'ojin kuc'. ¡Man cakach'ob taj jas cakabano; rumal c'u ri' ka yo'm ka wäch chi'j la!”

Nabe Ajawinelab 2:44

Ri at kas aweta'm ri c'ax ri xaban che ri David ri nu tat. Rumal ri' ri Ajawaxel u banom chi ri etzelal ri xaban che cakaj pawi'.

U Camulixic ri Pixab 17:12

Are c'u ri winak ri banal nimal, ri man cunimaj ta ri cubij ri cojol tabal tok'ob ri c'o chila' che u patanixic ri Ajawaxel o ri cubij ri k'atal tzij, cätak na u cämisaxic. Je quiban wa' che u sachic u wäch ri etzelal ri c'o pa Israel,

U Camulixic ri Pixab 21:18

“We c'o jachin jun ri c'o jun u c'ojol ri man nimanel taj, xukuje' man tal ta tzij, ri man cuya' ta u xiquin che ri cäbix che cumal ri u nan u tat, pune' ta ne cäch'ayic man cäniman ta wi chque,