Nabe Samuel 26:19 - Quiché Bible

¹⁹ In quintz'onoj che la chi tatabej la we pataninel ech la ri': we are' ri Ajawaxel cojowinak la che u banic c'ax chwe, c'o ta banom wi chuc'amowaj ta jun sipanic; we xak are' ri achijab quebanowic, chec'okox ta rumal ri Ajawaxel. In quiq'uiakom c'u ulok camic che we ulew ri', ri rech ri Ajawaxel, ruc' wa' ri qui banom chwe quinquich'iquimij che qui patanixic jule' tak diosib chic.

Nabe Samuel 26:19 Referans Kwoze

Ucab Samuel 20:19

Ri ka tinimit sibalaj aj jamaril na ri sibalaj jic chquixo'l ri aj Israel, ¡jun chque ri sibalaj nim u k'ij! Are c'u ri lal, cätajin catij la u tuquixic. ¿Jasche caj la catuquij la ri rech ri Ajawaxel?”

Ucab Samuel 16:11

Xbextax c'u u wäch ruc' ri Abisay xukuje' cuc' ri e rach k'atal tak tzij, xubij: “We c'u ne kas are' ri nu c'ojol cutzucuj resaxic ri nu c'aslemal, ¡e ta c'u lo jun chque ri e aj ramak' ri Benjamin! ¡Chiya' c'olbal che chi chinuc'okoj na, bim c'u ne la' che rumal ri Ajawaxel chi je cubano!

Ucab Samuel 14:16

We c'u ri lal quel c'u'x la chwe, quinto'tajisaj c'u la pa u k'ab apachin ta ne ri cäraj cusachisaj ka wäch, ri in xukuje' ri wal, cho we uwächulew ri' ri rech ri Dios.

Salmib 120:5

¡Tok'ob nu wäch in ri xa wokxanim wib pa Mesec, ri in jekel chquixo'l tak ri lic'om re Sedar!

Nabe Tzijobelil 21:1

Ri tako'n tzujunel xuwalijisaj rib chquij ri aj Israel xucoj c'u u c'u'x ri David chi che rajilaj ri aj israelib.

Nabe Samuel 18:10

Chucab k'ij, ri itzel uxlabal ri takom ulok rumal ri Dios xkaj puwi' ri Saul, je ta c'u ne ri xux jun ch'u'j chupam ri rachoch. Ri David cätajin cuk'ojomaj ri arp, jas ri cuban amak'el, ri Saul c'o ri u tz'imaj ch'ich' pu k'ab.

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

2 Timoteo 4:14

Ri Alejandr ri ch'ayal ch'ich', u banom q'ui etzelal chwe. Ri Ajawaxel chtojow che jas ri u chac u banom.

Gálatas 5:12

E are' tak c'ut ri queyo'w latz' chiwe, quinwaj ta ne chi kas e are' chi xa' ta jumul caquik'at quib.

Romanos 14:15

We caban che ri awachalal chi cäbisonic xa' rumal ri catijo, man calok'ok'ej ta ri'. ¡Maban che jun winak chi cäsach u wäch rumal ri catijo! ¡Xcäm c'u ri Crist rumal rech ri are'!

Ri Isaiy 60:5

Ri at, aretak quebawilo, nimalaj catquicot na, ri awanima' cänoj na che quicotemal cäquic'am na ulok ri qui k'inomal tak ri ulew chawe ri e c'o chupam ri plo, quequijach na ri qui k'inomal ri nimak tak tinimit pa a k'ab.

E C'ambal tak Tzij 30:10

Mayok' ri lok'om pataninel chuwäch ri rajaw, matuc'okoj c'u ne wa' cakajbej c'u na ri c'äjisabal wächaj.

Nabe Ajawinelab 22:22

ri uxlabal xutzelej u bixic chi queruxlabaj banoj tzij pa qui chi' ri e k'axal u tzij ri ajawinel. Xubij c'u ri Ajawaxel che, chi kas catcuin na che u subic, jät ba' che u banic.

Ucab Samuel 24:1

Ri Ajawaxel xyactaj chi royowal chque ri aj israelib, xutakchi'j c'u ri David chquij, xuya' c'u takanic chi chban jun ajilanic pa Israel xukuje' pa Juda.

Nabe Samuel 25:24

Xutzak rib chuwäch, xubij c'u che: “Chi ri chak'maquil, wajaw, chkaj panuwi'. Quintz'onoj jun tok'ob che la chi chintzijon ta' na jubik' uc' la, ta' na la ri quinbij na che la.

Aj Levitib 26:31

Quinban na chi quetz'inow can ri i tinimit tak, quinq'uis na tzij paquiwi' ri i k'ijilabal tak, man quebensik ta chic ri c'oc'alaj tak sipanic ri quichi'j tak chwe.

Chapletajic 44:18

Ri Juda xoc chuwäch ri Jose, xubij che: “Quinwaj quinbij quieb oxib tzij che la. Bana' la jun tok'ob mäpe oyowal la chwe, ri lal xak junam k'ij la ruc' ri ajawinel.

Nabe Samuel 24:9

xubij che: “¿Jasche wajaw ajawinel cäya' xiquin la chque ri tzij ri quebixic chi ri in quintzucuj u banic c'ax che la?

Nabe Samuel 27:1

Cuchomaj ri David: “We mata'm o chanim ri Saul quinucämisaj na. Rumal ri' ri utz na ri quinbano are ri wanimajic quinbe pa ri culew ri pilisteyib, rech man cuya' ta chi latz' ri Saul chwe, man quinutzucuj ta chi c'ut pa ronojel ri ulew re Israel. We je quinban wa' quinto'taj na man quinkaj ta na pu k'ab.”

Ucab Samuel 21:3

Ri David xuc'ot qui chi' xuta' chque, xubij: “¿Jas ri rajawaxic quinban chiwe? ¿Jas ri quinban che u c'ojoxic ri winakchi' ri xban chiwe, rech qui tewichi'j ri e u winak ri Ajawaxel?”

Ajilanic 36:7

Ri ulew ri xquitaklebej chquijujunal pa Israel man cuya' taj quesax pa jun amak' cak'ax ta chi c'u pa jun; ronojel aj Israel rajawaxic cucanajisaj ri rechbal chupam ri kas ramak'.

Ajilanic 36:9

Man c'o ta jun echbal ri quel ta pa jun amak' cak'ax ta chi c'u chupam jun amak'. Chquijujunal tak ri amak' re Israel rajawaxic chucanajisaj ri ulew ri xutaklebej.”

U Camulixic ri Pixab 13:3

Minimaj ri cubij chiwe. Are c'u cäraj ri Ajawaxel ri i Dios quixuc'ambejej che retamaxic we kas qui lok'ok'ej ruc' ronojel iwanima' xukuje' ruc' ronojel i c'aslibal.

Ucab Samuel 16:10

Xutzelej c'ut u bixic ri ajawinel che: “We c'ulmatajic ri' man c'o ta iwech ix che, ral tak ri Sarb. We qui nu c'okoj, are' c'ut ri Ajawaxel takowinak che u banic. ¿Jachin ta c'u lo ri cuchajij ta anima' che u c'otic u chi' jasche je u chomam u banic wa?”

Salmib 20:4

Chebutz'akatisaj conojel ri e a rayibal, chuq'uisa' qui banic conojel ri jastak ri a chomam qui banic.