Nabe Samuel 24:12 - Quiché Bible

¹² ¡Are' ba ri Ajawaxel chuk'ata' tzij pakawi' ka cabichal, chuya' c'u rajil u q'uexel che la! Are ri in mawi jumul quinwalijisaj ta na ri nu k'ab che u banic c'ax che la.

Nabe Samuel 24:12 Referans Kwoze

Salmib 43:1

Nu Dios, bana' la suq'uilal chwe; ¡Cojo' ib la wuc' che qui c'ulelaxic ri winak ri quequik'ijilaj diosib! ¡Chinesaj la pa u k'ab ri banal tzij xukuje' banal etzelal!

K'atal tak Tzij 11:27

Ri in man c'o ta jun etzelal nu banom chawe. At ri' ri cätajin caban etzelal, at petinak c'u che u banic ch'o'j kuc'. Ri Ajawaxel are k'atal tzij, cuk'at na tzij paquiwi' ri aj israelib xukuje' paquiwi' ri aj amonib.”

Salmib 35:1

Ajawaxel, walij la chquij ri quewalij che nu c'ulelaxic; k'atij la qui wäch ri cäquik'atij nu wäch.

Chapletajic 16:5

Ri Saraiy xubij che ri Abram: “¡U mac awech chi quetzelax nu wäch rumal ri Agar. In xinyo'w che awixokil; camic c'ut aretak reta'm chic chi cäc'oji' na jun ral, man nim ta chic quinrilo. Chubij ba' ri Ajawaxel jachin ri ajchak'mac, we in o at!”

1 Pedro 2:23

Aretak xyok'ic, man xuya' ta rajil u q'uexel. Aretak xurik c'ax, man xubij ta chque ri winak chi cuban na c'ax chque. Xane' xujach ronojel pa u k'ab ri Dios, ri cuk'at tzij ruc' suq'uil.

Romanos 12:19

Lok'alaj tak wachalal, mitoj u q'uexel ri etzelal xane' chiya' can che ri royowal ri Dios. Tz'ibatal c'ut: “Wech in ri tojow q'uexel, in quintojow na, cächa' ri Ajawaxel.”

Salmib 94:1

¡C'utu' ib la, Ajawaxel, Dios ri quebuya' rajil c'axelal!

Ri Job 5:8

We ta in ri at, quintzelej ta ri' ruc' ri Dios quinjach ta ri' ri nu c'ulmam pa u k'ab;

Apocalipsis 6:10

Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”

Nabe Samuel 26:23

are ta ba' ri Ajawaxel chyo'w rajil u q'uexel chque chquijujunal ri u suq'uilal xukuje' ri u jicomal. Pune' are' ri Ajawaxel xjachow la pa nu k'ab camic, man xwaj taj xinwalijisaj ri nu k'ab chrij ri Ajawinel ri cha'tajinak rumal are'.

Chapletajic 31:53

Ri u Dios ri a mam Abraham, ri u Dios ri nu mam Nacor, chuk'ata' tzij pakawi'.” Are c'u ri Jacob xuban ri chi'nic ri kas cäban na pa ri u bi' ri Dios ri xuk'ijilaj ri Isaac ri u tat.

Nabe Samuel 24:15

Rumal c'u ri', are ta ba' ri Ajawaxel chrila' chuk'ata' c'u tzij pakawi' ka cabichal; ¡are' ba' ri are' chnic'on ri cätajin quinc'ulmaj, chinuto' c'u pa k'ab la!”

Ucab Samuel 22:48

Are' Dios wa' ri yowinak rajil c'axelal chwe e u jachom c'u tak ri tinimit pa nu k'ab.

Nabe Samuel 20:1

Ri David xanimaj bic pa Naiot re Rama, xbe c'ut jawije' c'o wi ri Jonatan, che u bixic che: “¿Jas ri nu banom in? ¿Jachique ri nu mac? ¿Jas ri mac ri nu banom chuwäch ri a tat, rech cutzucuj nu cämisaxic?”

Nabe Tzijobelil 12:18

Are c'u ri Amasay, c'amal qui be ri juwinak lajuj, majim rumal ri uxlabal, co xurak u chi' xubij: “¡Jamaril chawe, David, u c'ojol ri Isayi! ¡Chc'ol ba' ri jamaril awuc'! ¡Jamaril awuc', xukuje' chque ri catquito, at u to'm c'ut ri a Dios!” Ri David xebuc'amo xuya' c'u qui c'olbal chquixo'l ri e c'amal tak qui be ri ajch'ojab.