Nabe Samuel 23:6 - Quiché Bible

⁶ Xanimaj c'u bic ri Abiatar (u c'ojol ri Ahimelec), che u rikic rib ruc' ri David pa Keil, xuc'am bic ri atz'iak ri nim u k'ij.

Nabe Samuel 23:6 Referans Kwoze

Nabe Samuel 22:20

Jun c'ut chque ri u c'ojol ri Ahimelec, ri Abiatar u bi' xcuinic xel chuwäch ri cämisanic, xanimaj bic, xopan c'a ruc' ri David.

Nabe Samuel 14:18

C'o c'ut ri u caxa ri Dios chquixo'l ri aj israelib pa ri k'ij ri', ri Saul xubij che ri Ahiy: “Chac'ama' ulok ri caxa ri rech ri Dios waral.”

Nabe Samuel 14:3

Ri cojowinak bic ri atz'iak ri nim u k'ij are ri Ahiy, ri u tat ri Ahiy are' ri Ahitob rachalal ri Icabod (ri u tat ri Icabod are' ri Pinees, ri u tat ri Pinees are' ri Eli, cojol tabal tok'ob chuwäch ri Ajawaxel pa Sil). Ri winak man queta'm taj chi benak ri Jonatan.

Nabe Samuel 23:2

ri are' xbec xutz'onoj u no'j che ri Ajawaxel, xubij che: “¿Jas cäbij la, a quinbe che qui ch'äquic ri aj pilisteyib?” Ri Ajawaxel xutzelej u bixic che: “Je', chabana' c'ax chque chawesaj ri tinimit keil pa qui k'ab.”

Nabe Samuel 23:5

Ri David xukuje' ri rachijab xquitakej qui be xebe pa Keil, xquitij qui chuk'ab cuc' ri aj pilisteyib, kas xech'äcataj cumal xukuje' xequitokij ri cawaj. Je xuban ri David wa' che qui to'ic ri aj Keil.

Nabe Samuel 23:7

Xya' c'u u bixic che ri Saul chi c'o ri David pa Keil xuchomaj c'ut, xubij: “Ri Dios xjachow pa nu k'ab, we c'u xunim rib pa ri tinimit ri c'o tz'apibal u chi' u tz'apim ba rib chnuwäch.”

Nabe Samuel 23:9

Aretak c'u xretamaj ri David chi ri Saul cuchomaj u banic c'ax che, xubij che ri cojol tabal tok'ob Abiatar chi chuc'ama' ulok ri atz'iak ri nim u k'ij rech cutz'onoj u no'j che ri Ajawaxel.

Nabe Samuel 30:7

xubij c'u che ri Abiatar, ri cojol tabal tok'ob, u c'ojol ri Abimelec: “Chabana' tok'ob chac'ama' ulok ri atz'iak ri nim u k'ij.” Xuwi c'u xyaxtax ri atz'iak ri nim u k'ij che ri David rumal ri Abiatar,

Nabe Ajawinelab 2:26

Are c'u ri cojol tabal tok'ob Abiatar, ri ajawinel xuya' takanic che: “¡Jät pa Anatot, pa tak ri awulew! Takal ri a cämisaxic, man catincämisaj ta c'ut rumal rech chi xatelej ri u caxa ri Ajawaxel chuwäch ri David, ri nu tat, xebarik c'ut ri junam tak c'ax ruc'.”

Elem 28:6

Ri atz'iak ri nim u k'ij rajawaxic re k'an puak, re quem azul, quem morato', quiäk quem xukuje' tumim lino, utzalaj u t'isic cäbanic