Nabe Samuel 23:26 - Quiché Bible

²⁶ Pa jun u xcut ri juyub benak wi ri Saul xukuje' ri e u winak, pa ri jun chi c'ut benak wi ri David xukuje' ri e rech, xa c'u jubik' man quekaj pa qui k'ab,

Nabe Samuel 23:26 Referans Kwoze

Salmib 17:9

pa qui k'ab ri banal tak etzelal ri e walijinak chwij, ¡pa qui k'ab ri c'ulel ri qui sutim wij cäcaj quinquicämisaj!

Apocalipsis 20:9

Xquibinibej c'ut ri ulew ri c'o chquiwäch xiquisutij c'u rij ri kajinak wi ri u tinimit ri Dios xukuje' ri nimalaj tinimit ri nim u k'ij chuwäch ri Dios. Xkaj c'u ulok k'ak' chicaj, xebujärisaj c'ut.

2 Corintios 1:8

Cäkaj c'ut, wachalal, chi quiwetamaj jas ri c'ax ri xkarik pa Asiy. Sibalaj nim ri c'ax xkariko, ri man c'o ta chi ka chuk'ab che u ch'ijic. Jeri' chi man c'o ta chi cu'lbal ka c'u'x chrij chi cujc'asi'c.

Salmib 31:22

Pa ri nu ch'ujilal xinchomaj chi in q'uiakom apan la chwäch la; aretak c'ut xintz'onoj ri to'banic la xta' la ri nu rakoj chi'aj.

Salmib 22:16

Jumulaj banal tak etzelal e jacha' ri tz'i' qui sutim wij; e qui worom ri nu k'ab xukuje' ri e wakan.

Salmib 22:12

Ri qui banom qui c'ulel chwe qui sutim wij e jacha' ta ne' ama'ib tak wacax, e jacha' c'analaj tak wacax re Basan.

Salmib 17:11

quiterenem ri u xo'l wakan, queyem jampa' quinquikasaj pa ulew.

Ucab Tzijobelil 20:12

Ka Dios ¿La ma ta cäc'äjisaj la qui wäch? Ri uj man cubana' ta ri ka chuk'ab che u k'atixic qui wäch we q'uialaj ajch'ojab ri' ri cacaj quech'ojin kuc'. ¡Man cakach'ob taj jas cakabano; rumal c'u ri' ka yo'm ka wäch chi'j la!”

Ucab Samuel 15:14

Xuya' c'u takanic ri David chque conojel ri e c'o ruc' chuxe' ri u takanic pa Jerusalen, xubij: “¡Chujanimaj ba' chanim o we man je cäkabano cujkaj ri' pa u k'ab ri Absalon! ¡Jo' chiwanej, mujulurika' muban c'u jun nimalaj c'ax chke mebucämisaj c'u conojel ri winak ri e c'o pa ri tinimit chi ch'ich' re ch'o'j!”

Nabe Samuel 20:38

Xurak chi u chi' ri Jonatan che ri pataninel, xubij che: “¡Aninak jät, chatxic'anok mabey awib!” Ri u pataninel ri Jonatan xusic' ri ch'ab xuc'am ulok che ri rajaw,

Nabe Samuel 19:12

Ri Mical xresaj ulok ri David pa jun wenta'n ruc' jun colob, xcuin c'u ri David xanimajic.

K'atal tak Tzij 16:2

Aretak xoc pa qui jolom ri aj Gaz chi c'o ri Sanson pa ri tinimit, xquisutij rij; ronojel ri jun k'ij xecanaj can che u chajixic ri u chi' ri tinimit. Aretak c'u xnajtin ri chak'ab xebewarok, xquichomaj chi c'äte cäquicämisaj aretak cäsakaric.

Nabe Samuel 23:25

are c'u ri Saul xukuje' ri e u winak xquitakej qui be che u tzucuxic. Aretak xya' u bixic wa' che ri David, ri are' xunima' rib xo'l tak ri abaj ri c'o pa ri chaki'j uwo sak ri c'o pa Maon. Aretak xretamaj ri Saul, xuq'uiak rib pa ri chaki'j uwo sak ri c'o pa Maon, che u tzucuxic ri David.

Nabe Samuel 23:27

xopan jun tako'n che u bixic che ri Saul: “¡Chtzelej la chanim, rumal rech chi ri aj pilisteyib e boquinak chupam ri ulew!”