Nabe Samuel 23:2 - Quiché Bible

² ri are' xbec xutz'onoj u no'j che ri Ajawaxel, xubij che: “¿Jas cäbij la, a quinbe che qui ch'äquic ri aj pilisteyib?” Ri Ajawaxel xutzelej u bixic che: “Je', chabana' c'ax chque chawesaj ri tinimit keil pa qui k'ab.”

Nabe Samuel 23:2 Referans Kwoze

Nabe Samuel 23:4

Ri David xutz'onoj chi u no'j che ri Ajawaxel. Ri Ajawaxel xutzelej u bixic che: “Chatakej a be jät pa Keil, quebenjach na ri aj pilisteyib pa k'ab.”

Ucab Samuel 5:23

xuta' chi c'u u no'j ri David che ri Ajawaxel, ri Ajawaxel xutzelej u bixic che: “Matpaki' bic chquiwäch che u banic ch'o'j cuc', xane' chasutij quij, chquij chatel wi ulok che u banic ch'o'j cuc', aretak catopanic jawije' e c'o wi ri e c'oc'alaj tak che'.

Ucab Samuel 5:19

Rumal ri', ri David xuta' u no'j che ri Ajawaxel, xubij c'u che: “¿La quincuin che qui ch'äquic ri e aj pilisteyib we quinbe chquij? ¿La cäya' la chwe chi quinch'äcan paquiwi'?” Xutzelej u bixic ri Ajawaxel che, xubij: “Je', chatch'ojin cuc', quinya' c'u na ri ch'äcanic chawe paquiwi'.”

Ri Jeremiy 10:23

Ajawaxel, weta'm chi ri winak man pa u k'ab taj c'o wi ri u c'aslemal, chi man c'o ta u takanic puwi' ri u binem.

Nabe Samuel 30:8

ri David xuta' u no'j che ri Ajawaxel. Xuban we c'otoj chi'aj ri' che: “¿La Quinbe che qui ternexic we juk'at eläk'omab ri'? ¿La quincuin lo che qui rikic?” Ri Ajawaxel xutzelej u bixic che: “Jät chquij, quebarika' na xukuje' quebatokij na ri winak ri e qui c'amom bic.”

Nabe Samuel 23:6

Xanimaj c'u bic ri Abiatar (u c'ojol ri Ahimelec), che u rikic rib ruc' ri David pa Keil, xuc'am bic ri atz'iak ri nim u k'ij.

Ri Josue 9:14

Ri aj israelib xquina' que ri qui wa ri aj Gabaon man xquita' ta c'u na qui no'j che ri Ajawaxel.

Salmib 32:8

Ri Ajawaxel cubij: “Ri e nu bak'wäch e c'o pawi'. Quebenya' tijonic chawe, quebenya' a no'j, quinc'ut na ri be chawäch ri caterenej.

Nabe Tzijobelil 14:10

Rumal ri', ri David xutz'onoj che ri Ajawaxel, xubij c'u che: “¿La quinch'ojin cuc' ri aj pilisteyib? ¿La cäya' la ri ch'äcanic chwe paquiwi'?” Ri Ajawaxel xutzelej u bixic che: “Chatch'ojin cuc', quinya' na ri ch'äcanic chawe paquiwi'.”

K'atal tak Tzij 1:1

Aretak cäminak chic ri Josue, ri aj israelib xquita' qui no'j che ri Ajawaxel che retamaxic jachin chque ri qui tinimit ri rajawaxic cäbe nabe che u banic ch'o'j chquij ri aj cananeyib.

Ajilanic 27:21

Ri Josue cutac'aba' c'u na rib chuwäch ri Eleazar ri cojol tabal tok'ob, are c'u ri Eleazar cätz'onon na chwe pa ri u bi' rumal ri Urim. Ri Josue are' ri cäyo'w na ri takanic chque ri aj israelib, che ronojel ri caquiban na.”

Nabe Samuel 10:22

xquitz'onoj chi c'u jumul che ri Ajawaxel, che retamaxic we c'o ri Saul chi'. Ri Ajawaxel xubij chi c'o chic chila', u c'u'm c'u rib chquixo'l tak ri jastak.

Nabe Samuel 23:3

Ri rachijab c'ut ri David xquibij che: “We aretak uj c'o waral pa Juda cäkaxe'j kib, are c'u sibalaj cäkaxe'j chi na kib ri' we cujbe pa Keil che u tijic ka chuk'ab cuc' ri cajch'ojab ri aj pilisteyib.”

Ucab Samuel 2:1

Aretak oc'owinak chi wa', ri David xtz'onon che ri Ajawaxel, xubij c'u che: “¿La quinbe pa jun chque ri tinimit ri e c'o pa Juda?” Ri Ajawaxel xutzelej u bixic che: “Je', rajawaxic catbec.” Xuta' ri David che: “¿Jawije' ri rajawaxic quinbe wi?” Ri Ajawaxel xutzelej u bixic: “Pa Hebron.”

Nabe Samuel 14:37

Ri Saul xuta che ri Dios: “¿La quintakej cokataxic ri aj pilisteyib? ¿La quebe jach la pa qui k'ab ri aj israelib?” Are c'u ri Ajawaxel man c'o ta xutzelej u bixic pa ri k'ij ri'.