Nabe Samuel 2:5 - Quiché Bible

⁵ Ri sibalaj oc'owinak ulok u wi' ri cäquitijo, camic cäquiya' quib pa moquic xa rumal u rikic juba' wa; e are' c'ut ri c'o quinumic, man quenum ta chic. Ri ixok ri man cäcuin taj quec'oji' ral, wukub mul alc'ualinak chic; are c'u ri sibalaj calc'ualanic, camic xa jumul xyututiric.

Nabe Samuel 2:5 Referans Kwoze

Ri Lucax 1:53

Q'ui ri utzil xuban chque ri winak ri quenumic, xeresaj c'u bic ri k'inomab, man c'o ta xuya' bic chque.

Salmib 113:9

Cuban che ri man c'o ta ral chi cac'oji' chquixo'l alaxic, chi quicotok chi qui nan alc'ualaxelab, xukuje' chi c'o ri kas rachoch. ¡Chyo'k u k'ij ri Ajawaxel!

Ri Jeremiy 15:9

Ri nanaxelab ri e c'o q'ui cal cäpe canima', cäbe ri cuxlab; elinak qui q'uixbal e mach'ital c'ut, ri u sakil ri k'ij cux k'ekumalil chque. We e c'o jujun quec'asi' canok, quinban na chi quecämisax cumal tak ri e qui c'ulel. In, ri Ajawaxel, quinya' nu tzij.”

Salmib 34:10

Ri k'inomab quebux mebayib, caquicoch' c'u na wi'jal, e are tak c'ut ri quitzucum ri Ajawaxel mawi jubik' queq'uetet ta che jun utzil.

Ri Lucax 16:25

Ri Abraham xubij: ‘Nu c'ojol, chnataj chawe chi xarik utzalaj tak jastak pa ri a c'aslemal, are c'u ri Lazaro xurik itzel tak jastak. Camic c'ut ri are' cu'bisam u c'u'x waral, ri at c'ut catel ch'u'j.

Ri Isaiy 54:1

Charaka' a chi' ruc' quicotemal, ixok ri man catalan taj, ri man e c'o ta awal; chebabixoj bix re quicotemal, at ri mawi jumul c'olinak awal, cubij c'u ri Ajawaxel: “Ri ixok ri xutum canok e q'ui ral quec'oji' na chuwäch ri ixok ri c'o rachajil.”

Nabe Samuel 1:6

Rumal c'u ri' ri Penin, ri ya'l u ca'y, cuq'uiak u xiquin cäretz'bej u wäch, man nim ta cäril wi rumal rech chi man yo'm ta che rumal ri Ajawaxel chi quec'oji' ral.

Nabe Samuel 1:20

Rumal c'u ri' xcanaj can yawab winak, aretak c'ut xtz'akat ri k'ijol xralaj jun ral ala, xucoj c'u Samuel che u bi', rumal rech chi u tz'onon che ri Ajawaxel.

Gálatas 4:27

Tz'ibatal c'ut: “Chatquicotok, ri man catalan taj, ri man c'o ta awal. Charaka' a chi' ruc' quicotemal, ri man c'o ta a k'oxowem re alanic. E q'ui c'u na ri ral ri ixok ri yo'm canok, chquiwäch ri ral ri ixok ri c'o rachajil.”

Ri Rut 4:15

Ri are' cuya' na cu'lbal c'u'x chawe, catrilij c'u na c'ä pa ri a ri'jal, rumal rech chi are' ral ri awalib, ri sibalaj catraj ri are' utz na chawe chquiwäch wukub awal.”

Ri Isaiy 33:9

Ri ulew u cojom k'ek' atz'iak, cabison c'ut, ri Libano bach'uyirinak elinak u q'uixbal, ri beya' aj Saron uxinak jun chaki'j uwo sak, ri Basan xukuje' ri juyub Carmel e toltobinak.