Nabe Samuel 2:2 - Quiché Bible

² ¡Man c'o ta jun ri tastal taj ri man cuban ta etzelal jacha' ri lal, Ajawaxel! ¡Man c'o ta jun cuya' ta to'banic jacha' ri lal, ka Dios! ¡Man c'o ta chi jun we ta ma ta xuwi ri lal!

Nabe Samuel 2:2 Referans Kwoze

Ucab Samuel 22:32

¿Jachin ta chic ri Dios, we ta ma ta are' ri Ajawaxel? ¿Jachin ta chic jun dios c'olic ri cacuin ta che u to'ic ka wi'?

Ri Isaiy 44:6

Ri Ajawaxel, ri ajawinel xukuje' torol c'u re ri Israel, ri Ajawaxel ri c'o ronojel u cuinem cubij: “In ri nabe xukuje' ri q'uisbal chnuwäch in man c'o ta chi jun dios.

Salmib 86:8

¡Man c'o ta dios ri cäjunamataj ta uc' la, Ajawaxel! ¡Man c'o ta jun jasach ri cäjunamataj ta cuc' ri chac la!

Salmib 89:8

Ajawaxel, Dios ri c'o ronojel u cuinem, ronojel ri cuinem ech la are c'u ri kastzij sutim ij la rumal; ¡man c'o ta jachin jun cäjunamataj ta uc' la!

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

1 Pedro 1:16

Tz'ibatal c'ut cubij: “Chixux tastalicalaj tak winak chrij ri etzelal rumal rech chi ri in in tastalicalaj Dios chrij ri etzelal.”

Ri Jeremiy 10:6

Ajawaxel, man c'o ta jachin jun jacha' ta ri lal: ri lal nim banic la, ri bi' la nim u banic xukuje' cuinel.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

U Camulixic ri Pixab 3:24

‘Ajawaxel, chaplem ya' la u c'utic chuwäch we pataninel ech la ri' ri nimalaj banic la, xukuje' ri cuinem la, man c'o ta chi jun Dios pa ri caj mawi cho ri uwächulew ri cäcuinic quebuban jastak ri sibalaj e mayibal jas ri queban la.

Aj Levitib 19:2

“Chabij chque conojel ri aj israelib ri quinbij chawe: Chixux tastalic, ri in c'ut ri Ajawaxel ri i Dios, in tastalic, man quinban ta etzelal.

Romanos 15:4

Conojel c'u ri jastak ri xetz'ibax ulok, xetz'ibax che ka tijoxic, che u cu'bisaxic ka c'u'x. Rech jeri' cäkach'ij ri c'ax, cäcu'bi ka c'u'x chrij ri Dios.

Ri Isaiy 44:8

Chichajij ba' anima', mixe'j iwib. In je xinbij, kas ojer c'u ulok nu yo'm ulok u bixic, ix c'ut quixk'alajisan na ri nu bim. ¿La c'o chi puch jun dios we ta mat xak xuwi ri in? Man c'o ta chi jun to'bal ib, man c'o ta chi jun ri weta'm ta u wäch.”

Ri Isaiy 40:18

¿Jachin ruc' qui junamaj wi ix ri Dios? ¿Ruc' jachique wächbal qui c'utbej re ri u banic?

Ri Isaiy 6:3

Caquibij c'u chquibil tak quib: “Tastalic, tastalic, tastal ri Ajawaxel ri c'o ronojel u cuinem ronojel ri uwächulew nojinak che ri u juluwem.”

Salmib 111:9

Xutor ri u tinimit, co xujekeba' ri u c'ulwächinic re chbe k'ij sak. Ri Dios tastalic xukuje' xibibal.

Salmib 99:5

¡Chiya' u k'ij ri Ajawaxel ri ka Dios, chixxucul xe' rakan u k'ab! ¡Ri Dios tastalic!

Salmib 89:6

¡Man c'o ta jun chic dios, mawi jun pa ri caj ri cäjunamataj ta uc' la, Ajawaxel!

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

Salmib 99:9

Chiya' u k'ij ri Ajawaxel, ri ka Dios, ¡chixxucul chuwäch ri tastalicalaj u juyub! Ri ka Dios, ri Ajawaxel, tastalic ri are'.

Salmib 73:25

¿Jachin ta ri quinrik pa ri caj? Xuwi ri lal. Aretak in c'o chi uc' la man quinrayij ta chic ri c'o cho ri uwächulew.

Salmib 71:19

Ri suq'uil la, nu Dios, copan c'ä chicaj; ri lal e banom la nimak tak jastak; ¡man c'o ta chi jun ri junam ta uc' la!

Salmib 71:3

Chux la jun nimalaj abaj chwe ri quinch'uk wi wib, chux la to'bal wib re panibal xukuje' colobal ib. Lal ri' ri lal nimalaj abaj chwe xukuje' to'bal wib.

Salmib 18:2

Lal ri ch'ukubal wech, ri nu c'olbal che panem, lal torol wech, nu Dios, ri nimalaj abaj quinuch'uku, nu quetequic ch'ich', ri cuinem ri quinto'tajisanic, ri c'ubal wib ri sibalaj naj elinak chicaj.

U Camulixic ri Pixab 32:20

xubij c'ut: ‘Quintzalc'atij na can ri wij chquiwäch, ¡quebenwil c'u na jas quebel na! Kastzij e itzel tak winak, alc'ualaxelab ri man c'o ta u cu'lbal c'u'x chquij.

U Camulixic ri Pixab 4:35

C'utum wa' chiwäch rech quiwetamaj chi ri Ajawaxel are ri kas Dios, chi man c'o ta chi c'u jun chuwäch ri are'.

Romanos 4:8

¡Utz re ri winak ri man quenatax taj ri u mac chrij rumal ri Ajawaxel!”

Ucab Samuel 7:22

rumal ri', Wajaw Dios. ¡Sibalaj ba' nim ri banic la! Man c'o ta chi c'u jun jacha' ri lal, mawi c'o chic jun dios we ta ma ta xak xuwi ri lal, jas ri u cholajil ronojel ri ka tom cuc' ri ka xiquin.

Ucab Samuel 22:3

nu Dios, ri nimalaj abaj ri quinuto', nu quetequic ch'ich', ri cuinem ri quinto'tajisanic, ri c'ubal wib ri sibalaj chicaj c'o wi, ri nu panibal ri sibalaj chicaj, c'o wi ri nu Colonel. ¡Xinto'tajisaj la man xintokix ta bic!

Nabe Ajawinelab 8:23

je c'u xubij wa': “Ajawaxel, u Dios ri Israel: mawi pa ri caj mawi pa ri uwächulew c'o ta jun Dios jacha' ri lal, ri cätz'akatisaj la ri c'ulwächinic la, cac'ut c'u la ri utzil la chquiwäch ri ruc' ronojel canima' quepatanin che la.

Salmib 18:31

¿Jachin ta ri Dios we ta ma ta are' ri Ajawaxel? ¿Jachin ta jun Dios chic ri cäcuin ta che ka ch'ukic?

Salmib 99:3

Chyo'k u k'ij ri u bi', nim xukuje' xibibal; ¡Ri Dios tastalic!

Aj Levitib 11:44

“In c'ut ri Ajawaxel ri i Dios, ri ix rajawaxic chi kas quitas iwib, chixux c'u tastalic, in c'u in tastalic, man quinban ta etzelal. Mitz'iloj ba iwib ruc' apachique chicop ri cujururej rib cho ri ulew.

Aj Levitib 11:45

In ri' ri Ajawaxel ri xixinwesaj ulok pa Ejipt rech quinux i Dios: rumal ri' rajawaxic quixux tastalic, ri in man quinban ta etzelal, in c'u tastalic in.”

U Camulixic ri Pixab 4:39

Kas ba' chiwetamaj camic, chicojo' c'u chupam ri iwanima' chi ri Ajawaxel are' Dios, pa ri caj, xukuje' cho ri uwächulew; man c'o ta chi jun.