Nabe Samuel 2:1 - Quiché Bible

¹ Ri Na' je u banic ch'awem wa' xuban ruc' ri Dios: “Ajawaxel ruc' ronojel wanima' quinquicot umal la e yo'm c'u la c'ac' tak nu chuk'ab. Quincuinic quink'atij qui wäch ri quinquic'ulelaj in c'u to'm la. ¡Quinjajat c'ut!

Nabe Samuel 2:1 Referans Kwoze

Salmib 13:5

Ri in nu cu'bisam nu c'u'x pa ri tok'ob la; ri wanima' cäquicotic rumal rech chi quincol la.

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

Salmib 92:10

Lal cäya' la u wi' ri nu chuk'ab, jacha' ri e u chuk'ab jun ama' wacax, cak'ij c'u la c'oc'alaj cunabal pa nu jolom.

Salmib 89:17

Kastzij, lal ri lal u chuk'ab xukuje' ri u je'lical; ri ka chuk'ab cänimar rumal ri utzalaj rayibal la.

Filipenses 4:4

Ronojel k'ij chixquicot pa ri u bi' ri Ajawaxel. Jumul chic quinbij: ¡Chixquicotok!

Salmib 20:5

Cäkaban c'u na nimak'ij rumal ri a ch'äcanic, quekawalijisaj tak na etal pa u bi' ri ka Dios. Chuya' ri Ajawaxel chawe ronojel ri catz'onoj che.

Salmib 9:14

Je c'u ri' chquichi' tak ri oquibal pa Jerusalen, quinbij na che ronojel winak chi ya'tal k'ijilaxic la, chi in tewichitalic rumal rech chi xinto'tajisaj la.

Salmib 35:9

Xinquicot c'u na rumal ri Ajawaxel, are c'ut ri xinto'tajisanic.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Romanos 5:11

Man xuwi ta c'u wa', xane' xukuje' cujquicot rumal ri Dios rumal ri Ajawaxel Jesucrist, rumal c'ut ri Crist karikom ri jamaril ruc' ri Dios.

Salmib 118:14

In quinbixon che ri Ajawaxel, ri cäyo'w nu chuk'ab; are' nu colonel.

Salmib 89:24

Cac'oji' na ri nu lok'ok'ebal c'u'x ruc' xukuje' ri nu jiquil, in quinbanowic chi cänimar na ri u cuinem;

Elem 15:21

ri are' cätajin cubixoj chque: “Chixbixon che u ya'ic u k'ij ri Ajawaxel, ri xuban jun mayibalalaj ch'äcanic aretak xebujik'isaj ri quiej pa ri plo cachilam ri ajquiejab.”

Elem 15:1

Ri Moises xukuje' ri aj israelib xquibixoj we bix ri' che u ya'ic u k'ij ri Ajawaxel: Quinbixon che u ya'ic u k'ij ri Ajawaxel, ri xuban jun mayibalalaj ch'äcanic aretak xebujik'isaj ri quiej pa ri plo cachilam ri ajquiejab.

1 Pedro 1:8

Quilok'ok'ej ri Jesucrist pune' man iwilom ta u wäch, quixcojon che pune' man quiwil ta camic. Sibalaj quixquicot ruc' ri Jesucrist, ruc' jun quicotemal ri man quixcuin ta che u bixic, c'o i quicotemal ri nim u k'ij.

Salmib 51:15

Ajawaxel, jaka' la ri nu chi', ruc' c'u ri nu chi' quinya' na k'ij la.

Salmib 18:2

Lal ri ch'ukubal wech, ri nu c'olbal che panem, lal torol wech, nu Dios, ri nimalaj abaj quinuch'uku, nu quetequic ch'ich', ri cuinem ri quinto'tajisanic, ri c'ubal wib ri sibalaj naj elinak chicaj.

Ri Habacuc 3:1

Are wa' ri u ch'awem ri Habacuc (ri k'axal u tzij) ruc' ri Dios:

Salmib 75:10

ri are' cusach na u wäch ri nimal ri quec'amow ri banal tak etzelal, cunimarisaj c'u na ri u cuinem ri utzalaj winak.

Salmib 71:8

Ronojel k'ij nojinak ri nu chi' che u bixoxic ri juluwem la;

Apocalipsis 18:20

Caj, chatquicot puwi' ri tinimit, ix tastalic tak winak aj Dios, ix takomxenlab, xukuje' ix k'axal tak tzij, u banom c'ut ri Dios ri suq'uilal chiwe rumal ri u c'äjisaxic u wäch.”

Ri Lucax 1:69

Xuya' jun Colol kech ri sibalaj c'o u cuinem, are' rija'l ri David, ri pataninel rech ri Dios.

Ri Nehemiy 11:17

ri Mataniy, ri u c'ojol can ri Micaiy, ri u c'ojol can ri Zabdi, ri u c'ojol can ri Asap, are' ri c'ämal qui be ri bixonelab ri caquibixoj ri k'ijilabal xukuje' ri u ya'ic ri maltioxinic aretak curik ri k'ijol che u banic ri ch'awem ruc' Dios; ri Bacbuquiy, ri are' ucab pa ri alaxic, xukuje' ri Abda, ri are' u c'ojol ri Samu, u c'ojol can ri Galal, u c'ojol can ri Jedutun.

U Camulixic ri Pixab 33:17

Sibalaj je'lic jacha' ta ne ri nabe u c'ojol jun ama' wacax, c'o nimalaj u chuk'ab jacha' ta ne jun u wacax juyub, quebutok' c'u conojel tak ri tinimit copan c'ä chuchi' ri uwächulew. E je tak wa' ri qui q'uiyal ri aj Eprain; e je tak wa' ri cajilabal ri aj Manases.”

Ri Job 16:15

In nojinak che bis, xebencoj wakwoj tak atz'iak xinmuk c'ut ri nu jolom chupam ri puc'uc' ulew.

Salmib 148:14

Ri are' u yo'm cuinem pa u k'ab ri u tinimit. ¡Chyo'k u k'ij cumal conojel ri jic quebin chuwäch, cumal ri aj israelib, ri u tinimit ri c'o nakaj! ¡Chyo'k u k'ij ri Ajawaxel!

Nabe Samuel 1:6

Rumal c'u ri' ri Penin, ri ya'l u ca'y, cuq'uiak u xiquin cäretz'bej u wäch, man nim ta cäril wi rumal rech chi man yo'm ta che rumal ri Ajawaxel chi quec'oji' ral.

Nabe Samuel 1:7

Chujunab aretak quebopan pa ri rachoch ri Ajawaxel, ri Penin je tak c'ax wa' cuban che amak'el; rumal ri' ri Na' cok'ic man cäwa' taj.

Ucab Tzijobelil 20:27

Conojel c'ut ri achijab aj Juda xukuje' ri aj Jerusalen c'amom qui be rumal ri Josapat xetzelej pa Jerusalen ruc' nimalaj quicotemal, are c'u xbanow ri Ajawaxel chque chi xejajat paquiwi' ri qui c'ulel.

Salmib 21:2

Yo'm la che ronojel ri u rayibal; man xxu'yaj ta la ronojel ri u tz'onon che la.

Salmib 89:18

¡Ri ch'ukubal kib are' ri Ajawaxel! ¡Ri kajawinel are' ri Suc' re Israel!