Nabe Samuel 19:23 - Quiché Bible

²³ xbe c'u ri Saul chila'. Xpe c'u ri Ruxlabal ri Dios puwi' ri are', ri Saul xmajtajic xuchaplej u k'axexic tzij. Je cätajin cuban wa' xutakej ri u be c'ä xopan na pa Naiot re Rama;

Nabe Samuel 19:23 Referans Kwoze

E C'ambal tak Tzij 16:9

Che ri winak caya' wi ri qui banic ri chomanic, ri Ajawaxel are' cäc'amow u be ri e u xo'l tak rakan.

Nabe Samuel 10:10

Aretak xopan ri Saul pa Gabaa rachil ri pataninel rech, xebel ulok ri jumulaj e k'axal tak tzij ri xebel ulok che u c'ulaxic. Are' c'u ri ruxlabal ri Dios xkaj puwi' ri Saul, xcoj c'u che u k'axexic tzij e jacha' ri are'.

Nabe Samuel 19:20

xebutak bic ri rachijab che u chapic ulok. Aretak xebopan ri rachijab ri Saul, xequil juk'at k'axal tak tzij ri e majtajinak, ri c'amom qui be rumal ri Samuel. Ri ruxlabal ri Dios xak c'ätetal xebumajij ri rachijab ri Saul, xukuje' c'u ri e are' xemajtaj che u k'axexic ri tzij.

Ajilanic 24:2

Aretak c'u xril ri Balaam chi ri Israel quicholajim quib pa tak amak', xmajix rumal ri ruxlabal ri Dios;

1 Corintios 13:2

We ta quink'axej tzij chque ri winak ri yo'm chwe rumal ri Dios, we ta weta'm conojel ri jastak ri man esam ta chi sak xukuje' ronojel etamabal, we ta sibalaj nim ri nu cojonic jeri' chi quincuinic quebenwesaj ri juyub pa tak ri qui c'olbal, ma ta c'u c'o lok'ok'ebal nu c'u'x, man c'o ta nu banic ri'.

Ri Xuan 11:51

Man xubij ta wa' pa re wi. Xane' xuk'axej ri u tzij ri Dios chque, chi ri Jesus cäcäm na che u q'uexwäch ri nim tinimit. Jewa' xubij rumal rech chi are' qui nimal ri cojol tak tabal tok'ob pa ri junab ri'.

Ri Matey 7:22

E q'ui c'ut cäquibij na chwe pa ri k'ij ri': ‘Wajaw, Wajaw, ¿la ma ta xkak'axej ri tzij la chque ri winak pa ri bi' la? ¿La ma ta xekesaj itzel tak uxlabal pa ri bi' la? ¿La ma ta xkaban q'uialaj mayibal pa ri bi' la?’

E C'ambal tak Tzij 21:1

Ri u chomabal ri ajawinel pa u k'ab ri Ajawaxel. Cätakenic e jacha' tak ri nima', ri be ri craj ri Ajawaxel.

Ajilanic 23:5

Ri Ajawaxel xuya' c'ut chuchi' ri Balaam ri rajawaxic cubij na, xubij c'u che: “Chattzelejok jawije' c'o wi ri Balac junam u bixic chabij che ri nu bim chawe.”

Nabe Samuel 10:6

Cätakan c'u na ri ruxlabal ri Ajawaxel pawi', catmajitaj c'u na e jacha' ri e are', catjalwächitaj c'u na pa jun achi chic.

Nabe Samuel 10:12

Jun aj chila' xutik u bixic: “¿Jachin ri qui tat wa'?” Chila' c'u xpe wi ri tzij ri cäbixic: “¿La xukuje' ri Saul are' chi jun chque ri e k'axal tak tzij?”

Nabe Samuel 18:10

Chucab k'ij, ri itzel uxlabal ri takom ulok rumal ri Dios xkaj puwi' ri Saul, je ta c'u ne ri xux jun ch'u'j chupam ri rachoch. Ri David cätajin cuk'ojomaj ri arp, jas ri cuban amak'el, ri Saul c'o ri u tz'imaj ch'ich' pu k'ab.

Nabe Samuel 19:18

Jewa' ri u to'tajisaxic rib ri David. Xbe c'u che rilic ri Samuel pa Rama, xutzijoj c'u che ronojel ri u banom ri Saul che. Xebe c'ut ri David xukuje' ri Samuel xebejekel pa Naiot.

Nabe Samuel 19:22

Are chi c'ut xpe na ri Saul pa Rama, aretak c'u xopanic jawije' ri c'o ri nimalaj c'olbal ja' ri c'o pa Secu, xuta chque ri winak jawije' c'o wi ri Samuel xukuje' ri David, xa apachin xbin che chi e c'o pa Naiot re Rama,