Nabe Samuel 17:51 - Quiché Bible

⁵¹ c'ä xiq'uinic xuya' rib pa u xcut ri pilistey, xumajij ri u ch'ich' re ch'o'j, xujusij pa ri rij, ruc' c'u wa' xuq'uis u cämisaxic. Aretak xbantaj wa' xresaj ri u jolom. Aretak xquil ri aj pilisteyib chi xcäm ri cajch'o'j ri sibalaj nim u k'ij, xebanimaj conojel.

Nabe Samuel 17:51 Referans Kwoze

Hebreos 11:34

xquichup nimak tak k'ak', xquito' quib chuwäch ri qui ch'ich' ri quecämisanic, xya' chuk'ab chque pa ri qui tukaril, xc'oji' qui chuk'ab pa ri ch'o'j, xequich'äc tak ri cajch'ojab ri qui c'ulel.

Nabe Samuel 21:9

Ri cojol tabal tok'ob xutzelej u bixic che: “Je'. C'o ri u ch'ich' re ch'o'j ri Goliat, ri aj pilistey ri xacämisaj pa ri beya' ri c'o pa Ela. C'o chila' chrij ri atz'iak nim u k'ij, pistal pa jun atz'iak. Cuya' cac'am bic, we cawaj; niq'uiaj ch'ojibal chic man c'o ta wuc'.” Ri David xutzelej u bixic: “Man c'o ta chi jun ri utz ta na. Ya' la chwe.”

Ucab Samuel 23:21

Xukuje' xucämisaj jun achi aj ejipt ri sibalaj jutac'aj, ri ruc'am jun tz'imaj ch'ich': xbe ri Benaiy chrij ruc' jun che', xutokij ri tz'imaj ch'ich' pa u k'ab, xucämisaj c'ut ruc' ri kas u tz'imaj ch'ich'.

Hebreos 2:14

Jas ri alc'ualaxelab c'o qui ti'jal xukuje' c'o qui quiq'uel, xukuje' ri Jesus junam xuc'am re cuc'. Je xubano, rech rumal ri u cämical, cusach u wäch ri jun ri c'o u takanic puwi' ri cämical, are wa' ri itzel.

Ri Ester 7:10

Xtzayabax c'ut ri Aman puwi' ri jitz'abal ri xutac'aba' che ri Mardoquey. Ruc' wa' xoc'ow ri royowal ri ajawinel.

Nabe Samuel 17:50

Je c'u wa' ri u ch'äquic ri pilistey xuban ri David. Ruc' xa' jun iquiak' xukuje' xa jun abaj, xusoc c'ut ri pilistey xucämisaj c'ut. Man c'o ta c'u ne kok'ebal pu k'ab,

Nabe Samuel 21:10

Kas pa ri k'ij ri' ri David xuchaplej animajic chuwäch ri Saul, xujacha' rib pu k'ab ri Aquix, ajawinel pa Gat.

Nabe Samuel 31:9

Xquesaj ri qui jolom, xequic'am bic ri e qui ch'ojibal, xequitak c'u bic tako'n pa ronojel ri culew ri aj pilisteyib rech caquiya' u bixic che ri tinimit chupam ri rachoch ri e qui diosib.

Ucab Samuel 4:7

Aretak xeboc pa ri ja, ri Is-boset k'oyol puwi' ri u ch'at ri c'o pa ri u warabal: Xquicämisaj xquesaj c'ut ri u jolom, xuwi c'u xbantaj wa' cumal xquic'am bic ri u jolom xebin jun ak'ab pa ri be re Araba.