Nabe Samuel 17:26 - Quiché Bible

²⁶ Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

Nabe Samuel 17:26 Referans Kwoze

Nabe Samuel 11:2

Ri Nahas ri aj amon xutzelej u bixic chque: “Quinban jun c'ulwächinic iwuc', we quinimaj ri quinbij chiwe chi ri in quinwesaj ri i bak'wäch re i wiquiak'ab, rech jeri' queya' ri aj israelib pa yok'ic.”

U Camulixic ri Pixab 5:26

¿Jachin ta jun winak c'olic ri cäcuinic cutatabej ri u ch'abal ri c'aslic Dios ri cäch'aw pa u niq'uiajil ri k'ak', jas ri xkata' uj ri ma ta cäcämic?

Nabe Samuel 17:36

Pune' ta c'u ne jun coj pune' ta c'u ne os, we pataninel ech la ri' cucämisaj. Are' c'ut we pilistey ri' ri k'ijilal tak diosib je cuc'ulmaj na, u mac rech chi e u tzurum ri e rajch'ojab ri c'aslic Dios.

Nabe Samuel 17:10

Pa we k'ij ri', quebentzur ri ajch'ojab ri e c'o pa Israel: ¡Chiya' jun achi chwe ri cäch'ojin wuc'!”

Nabe Samuel 14:6

Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”

Ucab Ajawinelab 19:4

C'o ta banom wi chi ri Ajawaxel ri a Dios u tom ta we tzij ri' ri xebubij ri qui nimal ajch'ojab ri takom ulok rumal ri rajaw, ri ajawinel re Asiriy, che u yok'ic ri c'aslic Dios, c'o ta banom wi chc'äjisax ta u wäch rumal ri jastak ri xebuta' ri Ajawaxel ri a Dios. Chabana' ba' jun ch'awem ruc' paquiwi' ri c'ä e to'tajinak canok.”

Ri Daniel 9:16

Ajawaxel keta'm chi quel c'u'x la. Bana' la tok'ob chtasa' la ri oyowal la xukuje' ri c'anal la che ri Jerusalen, are c'ut ri tinimit la, ri tastalic juyub la. Conojel ri winak ri e re ri nimak tak tinimit cäquitze'j u wäch ri Jerusalen xukuje' ri e winak la, qui mac quech ri ka mac, xukuje' ri quech ri ka mam.

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Salmib 79:12

Oh Ajawaxel, chya' la wukub mul rajil u q'uexel chque ri e ka c'ulja qui mac quech ri c'axc'obisanic ri qui banom che la.

Salmib 44:13

Uj yo'm la pa q'uixbal; ri e ka c'ulja cujquiyok'o cäquitze'j c'u ka wäch.

Ri Nehemiy 5:9

Ri in c'ut xinbij china': “Ri cätajin qui bano man utz taj. Rajawaxic qui c'utu' chi nim quiwil wi ri ka Dios, chi cak'ilk'ob ri yok'onic ri caquiban ri e k'ijilal tak diosib chke, ri qui banom qui c'ulel chke.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

1 Tesalonicenses 1:9

Kas e are' c'ut quetzijon ri solinic ri xkaban chiwe, ri utzalaj ka c'ulaxic xibano xukuje' ri e qui ya'ic tak can ri e diosib che u ternexic ri kas c'aslic Dios xukuje' ri u chaplexic u patanixic.

Ri Joel 2:19

xubij c'ut: “Quintak na ulok trico, u wa'l uva xukuje' aseit, c'a quenoj na; man quinya' ta chi c'u c'olbal chi ri e k'ijilal tak diosib caquitze'j ta chi na i wäch.

Salmib 74:18

Mel pa jolom la, Ajawaxel, chi ri c'ulel cäyok'on che la, xukuje' tak winak ri man e c'o ta qui no'j queyok'on che la.

Nabe Samuel 17:30

Xutas c'u rib chquij ri ratz, aretak xuta' chi che jun, je xbix chi che.

Nabe Samuel 31:4

Rumal c'u ri' xubij che ri u c'al u ch'ojibal: “Chawesaj ri a ch'ich' re ch'o'j chajutu' chnupam, rech man quepe ta ri e k'ijilal tak diosib caquijut ta c'u ri qui ch'ich' re ch'o'j chnupam, que qui cot c'u na chwe.” Are c'u ri u c'al u ch'ojibal man xraj taj rumal rech chi sibalaj u xe'n rib. Xuc'am c'u ri Saul ri u ch'ich' re ch'o'j xuq'uiak rib puwi'.

Ri Jeremiy 9:25

Ri Ajawaxel cujiquiba' u bixic: “Cäpe ri k'ij aretak quinc'äjisaj na qui wäch conojel ri tinimit ri cäquikopij ri u wi' ri qui tz'umal ri achijab wi che quetal:

Ri Jeremiy 9:26

Ri Ejipt, Juda, Edom, Amon xukuje' ri Moab, xukuje' conojel ri e jekel chupam ri chaki'j uwo sak caquisocaj c'u ne tak ri qui wi' xe' tak qui xiquin. Conojel c'ut we tinimit ri', xukuje' c'u ne ronojel ri tinimit Israel man cojon ta quetal re kopinic pa ri canima', xane' kas e k'ijilal tak diosib ruc' ronojel canima'.”

Ri Ezequiel 28:10

Catcäm na pa qui k'ab winak ri man e a winakil taj, jacha' ri qui camic ri e k'ijilal tak diosib. In, ri Ajawaxel, in ch'awinak; in nu yo'm ri nu tzij.’ ”

Ri Josue 3:10

Are' cac'utuw wa' chi ri c'aslic Dios c'o pa i niq'uiajil, quebupac c'ut ri aj cananeyib ri quebirik pa ri i be, ri aj hititib, ri aj hebeyib, ri aj perezeyib, ri aj jerjeseyib, ri aj amoreyib xukuje' ri aj jebuseyib.

Ucab Tzijobelil 32:17

Ri Senaquerib xukuje' xebutz'ibaj wuj ri cuyac wi royowal ri Ajawaxel, ri Dios re Israel, ri je u yok'ic wa' xubano: “Je' jacha' ri e qui diosib tak ri tinimit re jule' tak ulew chic man xecuin taj xequito' ta pa nu k'ab, mawi c'u ne ri u Dios ri Ezequiy cacuinta che u to'ic ri u tinimit pa nu k'ab.”

Ri Isaiy 37:23

¿Jachin ri a yok'om xukuje' a yacom royowal? ¿Jachin che co a rakom wi a chi' xukuje' a yacom ri a bak'wäch chrij ruc' nimal? Chrij ri Tastalicalaj u Dios ri Israel.

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 6:27

Are' ri Colonel xukuje' ri Toronel; ri quebuban tak etal ri e mayibal pa ri caj xukuje' cho ri uwächulew. Are' xcolow ri Daniel pa qui chi' ri coj.”