Nabe Samuel 16:13 - Quiché Bible

¹³ Xuc'am c'ut ri Samuel ri u c'a' ri c'o aseit chupam, xutas ri c'ojol ala chquiwäch conojel ri e rachalal jacha' che ajawinel, ri cabinax David. Pa we jok'otaj ri', ri ruxlabal ri Ajawaxel xk'ijin puwi' ri David. Xwalij c'u ri Samuel xtzelej pa Rama.

Nabe Samuel 16:13 Referans Kwoze

Nabe Samuel 10:6

Cätakan c'u na ri ruxlabal ri Ajawaxel pawi', catmajitaj c'u na e jacha' ri e are', catjalwächitaj c'u na pa jun achi chic.

Hebreos 1:9

Alok'ok'em ri suq'uil, awetzelam c'u u wäch ri etzelal. Rumal wa' ri Dios, ri a Dios, sibalaj xuya' na quicotemal chawe at chquiwäch ri awachil, je ta ne xuya' aseit pawi'.”

Ri Xuan 3:34

Are' c'ut ri takom ulok rumal ri Dios, ri e u tzij ri Dios quebutzijoj; man cupaj ta c'ut ri Uxlabaxel ri cuyao.

Nabe Samuel 10:1

Xpe c'u ri Samuel xuc'am ri aseit, xuk'ij pa u jolom ri Saul, xubij che: “Ri Ajawaxel catutas camic che k'atal tzij pa Israel ri u tinimit. At catk'atow na tzij puwi' xukuje' quebawesaj na pa qui k'ab tak ri qui banom qui c'ulel che. Are c'u c'utbal wa' chi ri Ajawaxel u bim chi at cak'at na tzij puwi' ri u tinimit:

K'atal tak Tzij 11:29

Ri ruxlabal ri Ajawaxel xpe puwi' ri Jepte, xubinibej c'u ri Galaad xukuje' ri Manases, xoc'ow pa Mizpa aj Galaad, xbe che u ch'äquic ri culew ri aj amonib.

K'atal tak Tzij 3:10

Ri ruxlabal ri Ajawaxel xpe puwi' ri Otoniel, xuc'am c'u qui be ri aj israelib, xebe pa ri ch'o'j, ri Ajawaxel xuya' che chi xch'äcan puwi' ri Cusan-risataim.

Ajilanic 27:18

Ri Ajawaxel xutzelej c'u u bixic che ri Moises: “Ri Josue (u c'ojol ri Nun) are jun achi re uxlabal. Chamajij chebaya' ri ak'ab puwi' ri u jolom.

Nabe Samuel 16:18

Jun c'ut chque xubij: “In wilom chi jun chque ri u c'ojol ri Isayi, ri aj Belen, sibalaj reta'm cäk'ojomanic; xak c'u u tz'akat chic, chi jun cowilaj ajch'o'j, sibalaj cuchomaj na ri cubij; sibalaj je'lic ri u ca'yebal c'o c'ut ri u to'banic ri Ajawaxel ruc'.”

Ucab Ajawinelab 9:6

Xwalij u bic ri Jehu xoc pa jun ja chic. Xjamix c'ut ri aseit puwi' ri u jolom, xuya' c'u u bixic che: “Ri Ajawaxel, ri u Dios ri Israel, cubij: ‘In catintas che ajawinel re Israel, ri nu tinimit.

Nabe Samuel 11:6

Aretak xuta' ri Saul ri xbix che, ri ruxlabal ri Dios xumajij ri Saul; xnoj c'u che nimalaj oyowal.

K'atal tak Tzij 14:6

Xya' c'u u chuk'ab ri Sanson rumal ri ruxlab ri Ajawaxel, xak c'u xuwi cuc' ri u k'ab xuban ch'akatak che ri coj, jacha' ri u banic ch'akatak che jun alaj q'uisic'; man xutzijoj ta c'u chque ri u nan u tat jas ri xubano.

K'atal tak Tzij 13:25

C'o jun k'ij aretak ri Sanson c'o chupam ri tinimit Dan, ri c'o chuxo'l ri Zar ruc' ri Estaol, ri ruxlabal ri Ajawaxel xuchaplej u c'utic rib pa ri u c'aslemal.

Ajilanic 11:17

In quinkaj na bic quinch'aw c'u na awuc' chila', quinc'am c'u na niq'uiaj ri uxlabal ri c'o awuc' quinya' c'u na chque rech catquito' che u c'amic bic we tinimit ri'. Jeri' man xak ta a tuquiel catc'ojic.

Hechos 13:22

Aretak esam chi ri' ri Saul, xucoj ri David che cajawinel. Ri xuya' k'alajisanic chrij je xubij wa': ‘Nu rikom ri David, u c'ojol ri Isayi, are' jun achi je ranima' je jas ri cäraj ri wanima', ri cuban na ronojel ri nu rayibal.’

Hebreos 11:32

¿Jas ta chi c'u ri quinbij? Man cätzijotaj ta ri Jedeon, ri Barac, ri Sanson, ri Jepte, ri David, ri Samuel, xukuje' tak ri e k'axal tak tzij.

Nabe Samuel 2:35

Quincoj c'u na jun cojol tabal tok'ob ri ya'tal u jiquibaxic c'uxaj chrij cuban na jas ri nu rayinic xukuje' ri nu chomanic, ri quinya' jun rija'lil ri cataken na quinban c'u na che chi cac'oji' che u patanixic ri ajawinel ri quincha' na.

Nabe Samuel 18:12

Ri Saul cuxe'j rib chuwäch ri David, are' c'ut ri Ajawaxel cayo'w ri to'banic che ri David man cuto' ta chi c'ut ri are'.

Ucab Samuel 2:4

Xebopan chi c'ut ri achijab ri e c'o pa Juda, xquicoj c'ut ri David che ajawinel puwi' ri Juda. Aretak xtzijox che ri David chi e are' ri aj Jabes aj Galaad e are' xemukuw ri Saul,

Ucab Samuel 5:3

Je c'u wa' ri xbanic, conojel ri nimak tak tatayib ri e c'o pa Israel xebe che u ch'abexic ri ajawinel David pa Hebron, xuban c'u jun c'ulwächinic cuc', xquicoj c'u ri Ajawaxel che k'alajisanel. Xquijamij c'u aseit puwi' ri David rech cacanaj che ajawinel puwi' ri Israel.

Ucab Samuel 12:7

Xubij c'ut ri Natan che ri David: “¡Lal ri' we achi ri'! Are c'u wa' ri u yo'm u bixic ri Ajawaxel, ri u Dios ri Israel: ‘Ri in xatincha' rech cätux ajawinel puwi' ri Israel, xatinto' c'u pa u k'ab ri Saul;

Ucab Samuel 23:1

E are' tak wa' ri q'uisbal tak u tzij ri David: “Ri David, ri u c'ojol ri Isayi, ri achi ri nimarisam u k'ij rumal ri Dios, ri ajawinel ri cha'om rumal ri u Dios ri Jacob, ri qui'laj bixol tak bix pa Israel, xuya' c'u u bixic:

Salmib 89:20

“¡Nu rikom ri pataninel wech ri David! Ruc' ri waseit nu c'utunisam chi are' ajawinel,

Nabe Samuel 1:19

Chucab k'ij ak'ab xewalijic, aretak quik'ijilam chic ri Ajawaxel, xetzelej cho cachoch pa Rama. Xurik chi c'u rib ri Elcan ruc' ri Na' ri rixokil, ri Ajawaxel xnataj ri Na' che.

Nabe Tzijobelil 11:3

Je c'u wa' xbanic, conojel ri nimak tak tatayib re Israel xebetzijon ruc' ri ajawinel David pa Hebron, xuban c'u jun c'ulwächinic cuc', are xucoj ri Ajawaxel che k'alajisanel chquixo'l. Xquitas c'ut ri David jacha' ajawinel re Israel, je jas ri xuchi'j ri Dios rumal ri Samuel.

Salmib 89:21

mawi c'u jubik' ma ta chinto', quinya' na u chuk'ab ruc' ri nu cuinem.